ซ้าว เมี่ยน 6
6
นาสี เมี่ยน เญย เล์ย-หลัด
1 เฒี้ยว ก๊อง บั๋ว โมเซ, 2“อ๋อย หฒุ บั๋ว อิสะลาเอน เมี่ยน, ‘ไม้ กุ๊น มจั่ง มเซียะ, หาย เต้า อ๋อย เหล่ง เจ๊ย เญย แล์ง เจี์ย แหง่ง หว่า, เฒาะ กั้น ฝูง ปุน เฒี้ยว เหว่ย โหฒว นาสี เมี่ยน, 3วั้ว เต้า อ๋อย หฒุ เก่, ไม้ ตู๋ง ฮบ อะหงุ่น ติ๊ว ไฟ หาย หญู่ง ติ๊ว. หย่า ไม้ ตู๋ง ฮบ หล่ง อะหงุ่น ติ๊ว ไฟ หาย หญู่ง ติ๊ว โหฒว ต้าย เญย ววม-ซุย. ไม้ ตู๋ง ฮบ อะหงุ่น เปี๊ยว เญย ววม ไฟ หญั่น อะหงุ่น เปี๊ยว, ไม้ กุ๊น เปี๊ยว-เญี์ยม ไฟ เปี๊ยว-ฆาย.#ลูกา 1:15 4เยียม โหฒว เจี๊ยน นาสี เมี่ยน เญย เฒี่ยง โห่, ไม้ ตู๋ง หญั่น เยียม อะหงุ่น เฮมย ธ้วด ต้าย เญย หาย หญู่ง กะน้าย. ไม้ กุ๊น อะหงุ่น ญิม ไฟ อะหงุ่น เปี๊ยว เญย ด๊บ, ไม้ ตู๋ง หญั่น.
5“‘เยียม แล์ง เจี๊ยน โหฒว นาสี เมี่ยน เญย เฒี่ยง โห่ ไม้ ตู๋ง เถย มฆ้อง. อ๋อย หฒุ ฒั้ว เถา ตี่ง ต้าย เญย ฮนอย-เหญียะ ปวั๊ง. นิ่น อ๋อย หฒุ ธีง-เหฑ่ง, ฒั้ว เถา ฝูง กั้น ปุน เฒี้ยว เญย ฮนอย-เหญียะ ปวั๊ง. อ๋อย หฒุ เลี่ยว บะเปยย เหธา ซยาม ด๊าว. 6เยียม นิ่น ฝูง กั้น ปุน เฒี้ยว เญย เฒี่ยง โห่ ไม้ คู่ มี่ง ฟัด จั๋น-ไต่ เญย เซย. 7เลี่ยม กั้น เญย เตีย ไฟ มา, ก๋อ ไฟ โย์ว, ต่อ ไฟ หมั่ว ไต่, ไม้ ตู๋ง หลาย นิ่น บัว ปุน กั้น ม่าย หวุย, เหว่ย หฒุ เฒาะ กั้น ฝูง ปุน ทิน-ฮู่ง เญย จั๋ง-โห่ เซ เยียม นิ่น เญย มฆ้อง. 8ตะฟ่าน เยียม ฝูง กั้น ปุน เฒี้ยว เญย ฮนอย-เหญียะ, นิ่น เป๋น เฒี้ยว เญย ธีง-เหฑ่ง เมี่ยน.
9“‘สี ก๊อง เยียม นิ่น เญย กะเฮลน ม่าย เมี่ยน เลี่ยม เฒ่ย ไต่, นิ่น ฝูง ปุน เฒี้ยว เญย มฆ้อง ฯฒฯ ม่าย หวุย. เถา สา หวุย เญย ฮนอย, เซ ตะเธี้ยด ฮนอย วั้ว ฮนอย, อ๋อย หฒุ เถย เหฑ่ง มฆ้อง. 10เถา ตะเป๊ด ฮนอย วั้ว ฮนอย, นิ่น อ๋อย หฒุ ต้อ อี นอม เหนาะ โฆ ไฟ อี นอม แปะ ก๊บ หลุน เถา หวุ่ย ปวั้ง ด๊บ-ลิ่ว เญย แก้ง ด่าง จิว ปุน ไซ เมี่ยน. 11ไซ เมี่ยน ฯฒฯ เฒาะ นอม เหฒี่ย เหว่ย ฟิ ฒุ์ย, แอ๋ง เฒาะ นอม ปั๊ว เหฒี่ย เหว่ย วั้ว ล่าน เมี่ยน นิด หฒุ จั๋น-ไต่ ฯฒฯ ม่าย เญย หวุย. ต้ง วั้ว ฮนอย นิ่น หย่า อ๋อย หฒุ สา มฆ้อง เญย หวุย. 12อ๋อย หฒุ เหว่ย ตี่ง ต้าย เญย ฮนอย-เหญียะ แอ๋ง เฒาะ กั้น ฝูง ปุน เฒี้ยว. หย่า อ๋อย หฒุ ต้อ เต้า เหยียด หฮญัง เญย ปะกี ยู่ง โก๊ว ต้าย เหฒี่ย เหว่ย นิ่น โหฒว ต่อง เญย สี่. ฒิ่น ด่าง เญย ฮนอย-เหญียะ ไม้ ฝุน อ๊ะ, เหว่ย หฒุ ฝูง กั้น ปุน เฒี้ยว เญย เฒี่ยง โห่ หฒุ ม่าย หวุย หมี่ อ๊ะ.
13“‘นาสี เมี่ยน เญย เล์ย, ต้ง นิ่น เฒาะ กั้น ฝูง ปุน เฒี้ยว เญย ฮนอย-เหญียะ ปวั๊ง, เซ ฮนั้ง น้าย.#กง-โฒ่ 21:23-24,26 อ๋อย หฒุ ต้อ นิ่น มี่ง เถา หวุ่ย ปวั้ง ด๊บ-ลิ่ว เญย แก้ง ด่าง. 14เยียม หน่าย นิ่น อ๋อย หฒุ เฒาะ กะน้าย เหว่ย ฝ่ง ห่อ ปุน เฒี้ยว. หล่ง เต้า ต๋อย หฮญัง, ไม้ หว่าย ฝัง เญย ปะกี ยู่ง โก๊ว เหว่ย ปั๊ว เหฒี่ย, เหธา เต้า ต๋อย หฮญัง, ไม้ หว่าย ฝัง เญย ปะกี ยู่ง เหฒ่ย เหฒี่ย เหว่ย ฟิ ฒุ์ย, เหธา เต้า ไม้ หว่าย ฝัง เญย ปะกี ยู่ง โก๊ว เหฒี่ย เหว่ย จิว ทง. 15หย่า ม่าย เหฒี่ย เญย ล่าง หฒิ เหธา เธี้ย เหฒี่ย เญย กะน้าย เหยียด เหฌี่ย เหฒี่ย. แอ๋ง ม่าย เหยียด ดาน ไม้ อัน ปี๊ง เญย ฌั้ว, บ๊วน-หม่วน หฒอบ เจี๊ยน กะลั้น โย่ว เญย ฌั้ว, เหธา ไม้ อัน ปี๊ง เญย ฌั้ว-เปียะ ฑ้าด เจี๊ยน กะลั้น โย่ว.
16“‘ไซ เมี่ยน ฯฒฯ เฒาะ น้าย เต๋ย กะน้าย ต้าย เยียม เฒี้ยว เญย หฑะเฮมียน เหฒี่ย ฟิ ฒุ์ย เหธา ปั๊ว เหฒี่ย. 17นิ่น แอ๋ง เฒาะ วั้ว เต้า ปะกี ยู่ง โก๊ว เหธา วั้ว ดาน ไม้ อัน ปี๊ง เญย ฌั้ว ฝ่ง ห่อ เหฒี่ย ปุน เฒี้ยว เหว่ย จิว ทง, หย่า ม่าย เหฒี่ย เญย ล่าง หฒิ เหธา เธี้ย เหฒี่ย เญย กะน้าย เหยียด เหฌี่ย เหฒี่ย.
18“‘นาสี เมี่ยน อ๋อย หฒุ เยียม หวุ่ย ปวั้ง ด๊บ-ลิ่ว เญย แก้ง ด่าง เถย เหฑ่ง ต้ง โหฒว จั๋ง-โห่ ปุน ธีง นิ่น เฒาะ กั้น ฝูง ปุน เฒี้ยว เญย บะเปยย เหธา ซยาม. อ๋อย หฒุ เฒาะ วั้ว เต๋ย บะเปยย ต้าย ตั๊บ เหฒี่ย เหว่ย จิว ทง วั้ว เต๋ย กะน้าย กะเดี๊ย แหมง เญย โต์ว.
19“‘นาสี เมี่ยน เถย ลิ์ว ฝูง ปุน เฒี้ยว เญย บะเปยย, ไซ เมี่ยน ฯฒฯ เฒาะ นอม ว่วน หฒัวะ เญย ปะกี ยู่ง โก๊ว เญย ปั์ว-ฒุ่ย, แอ๋ง เฒาะ นอม เยียม ดาน กะญั์ว ไม้ อัน ปี๊ง เญย ฌั้ว, เหธา นอม ไม้ อัน ปี๊ง เญย ฌั้ว-เปียะ, อัน เจี๊ยน น้าย เต้า นาสี เมี่ยน เญย ปั์ว กะญั์ว. 20น้าย เต๋ย กะน้าย ไซ เมี่ยน ฯฒฯ เฒาะ ต้าย เยียม เฒี้ยว เญย หฑะเฮมียน ธุ้น กีง เหว่ย โหฒว ฝ่ง ห่อ เญย กะน้าย. น้าย เต๋ย กะน้าย เซ ธีง-เหฑ่ง เญย, หย่า เป๋น ไซ เมี่ยน เญย หมี่ อ๊ะ, เลี่ยม ธุ้น กีง ฝ่ง ห่อ ลิ์ว เญย เหลาะ ฮยวัง อ๊อ เหธา ฝ่ง ห่อ ลิ์ว เญย ฒุ่ย. เยียม หน่าย มี่ง, นาสี เมี่ยน ฮบ ตุ๊ อะหงุ่น ติ๊ว อ๊ะ.
21“‘น้าย เซ นาสี เมี่ยน เญย เล์ย, ต้ง นิ่น เฒาะ กั้น ฝูง ปุน เฒี้ยว วั้ว หฒั่น แล์ง เจี์ย แหง่ง หว่า อ๋อย ฝ่ง ห่อ หาย หญู่ง ปุน เฒี้ยว. สี ก๊อง ไฮ่ แล์ง ปุน เก้า ธั้ม หน่าย, นิ่น อ๋อย หฒุ เอย นิ่น แล์ง เญย หว่า โหฒว เหฑ่ง.’”
ไซ เมี่ยน ปวัง เญย หว่า
22 เฒี้ยว ก๊อง บั๋ว โมเซ, 23“อ๋อย หฒุ ก๊อง บั๋ว อาโลน เหธา นิ่น เญย ตอน, ‘เม่ย บัว อ๋อย หฒุ ฮนั้ง น้าย นอ ปวัง หว่า อิสะลาเอน เมี่ยน. อ๋อย หฒุ ก๊อง,
24“‘“โท้ เฒี้ยว เหธย ฟุ ปุน เม่ย,
หฒิว โก๋ว เม่ย.
25โท้ เฒี้ยว โหฒว หลง ปุน เม่ย,#6:25 ฮิบลู หว่า ฟาน หฒะ เญย ก๊อง “โท้ เฒี้ยว ปุน นิ่น เญย เฮมียน หฒิว เจี๊ยน เม่ย.” เอ๋ย เล์ย เซ โหฒว หลง ปุน เม่ย.
เหธย เอน ปุน เม่ย.
26โท้ เฒี้ยว ฮวิน เฮมียน หมั่ง เม่ย,
ปุน เม่ย ม่าย แป้ง ออน.”’
27“ฮนั้ง หน่าย, สี ก๊อง นิ่น บัว เต๊ง เยีย เญย บั๋ว ปวัง หว่า อิสะลาเอน เมี่ยน, เยีย ฯฒฯ เหธย ฟุ ปุน นิ่น บัว.”
Currently Selected:
ซ้าว เมี่ยน 6: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007