ซ้าว เมี่ยน 7
7
โห่ว หฒั่ง ทิน-ฮู่ง เญย ด๊บ-ลิ่ว ฝ่ง ห่อ กะน้าย
1โมเซ เหลียบ เหฒียง หฒั่ง ทิน-ฮู่ง เญย ด๊บ-ลิ่ว วั้ว ฮนอย, นิ่น หล่ง ธีง-เหฑ่ง โย่ว กั๊วะ เจี๊ยน ปุน ด๊บ-ลิ่ว เหธา ด๊บ-ลิ่ว เญย เหยียด ฒู้ง จา-สี่ ธีง-เหฑ่ง. นิ่น แอ๋ง หล่ง วั้ว หญู่ง โย่ว กั๊วะ เจี๊ยน ปุน เหฒี่ย-ต้อง เหธา เหฒี่ย-ต้อง เญย เหยียด ฒู้ง จา-สี่ ธีง-เหฑ่ง. 2อิสะลาเอน เมี่ยน เญย ปู้ง ป่วน เปย๊ย เฒ้ย, ต้ง หลิ่ว เล์ย ซ้าว เมี่ยน วั้ว เต๋ย เปย๊ย เฒ้ย, ฯฒฯ ต้อ กะน้าย ต้าย ฝ่ง ห่อ. 3นิ่น บัว ต้อ ต้าย ฝ่ง ห่อ ปุน เฒี้ยว เญย ฒี่ง เหญ่ย ม่าย จุ๊ จ๋า ง่ง เธีย ก๊ม เจี๊ยน ลิ่ว เญย, เหธา เหฒียบ เหญ่ย เต้า ยั่ง ง่ง โก๊ว. อี เต้า เปย๊ย เฒ้ย ฝ่ง ห่อ เหยียด จ๋า ง่ง เธีย. เหยียด เต้า เปย๊ย เฒ้ย ฝ่ง ห่อ เหยียด เต้า ง่ง. น้าย เต๋ย กะน้าย นิ่น บัว ต้อ เถา หฒั่ง ทิน-ฮู่ง เญย ด๊บ-ลิ่ว ต้าย ฝ่ง ห่อ.
4เฒี้ยว ก๊อง บั๋ว โมเซ, 5“อ๋อย หฒุ ฒิบ นิ่น บัว ฝ่ง ห่อ เญย กะน้าย หล่ง โหฒว หวุ่ย ปวั้ง ด๊บ-ลิ่ว เญย กง. อ๋อย หฒุ จิว ปุน เลวี เมี่ยน หฒิว เก๊าะ-เมี่ยน เญย กง เฉียม หล่ง.”
6โมเซ ฯฒฯ เฒาะ ง่ง เธีย เหธา ง่ง จิว ปุน เลวี เมี่ยน. 7นิ่น เฒาะ อี จ๋า เธีย เหธา เปยย เต้า ง่ง ปุน เกโซน เมี่ยน หฒิว นิ่น บัว โหฒว เญย กง เฉียม หล่ง เญย. 8แอ๋ง เฒาะ เปยย จ๋า เธีย เหธา เหฮยียด เต้า ง่ง ปุน เมลาลี เมี่ยน หฒิว นิ่น บัว โหฒว เญย กง เฉียม หล่ง เญย. นิ่น บัว เหยียด ฒู้ง เยียม อาโลน ไซ เมี่ยน เญย ตอน, อิทามา, เญย ปั์ว-เดี๊ย. 9มป่า เธีย เหธา ง่ง โมเซ ไม้ ปุน โคฮ้าด เมี่ยน เหว่ย หฒุ นิ่น บัว โหฒว เญย กง เซ อ๋อย หฒุ หล่ง บะเต้า แกง ธีง-เหฑ่ง เญย กะน้าย.
10หล่ง ธีง-เหฑ่ง โย่ว ฑ้าด เหฒี่ย-ต้อง ปุน เหฒี่ย-ต้อง ธีง-เหฑ่ง วั้ว เต๋ย ฮนอย-เหญียะ, เปย๊ย เฒ้ย ต้อ กะน้าย ต้าย เยียม วั้ว เหฒี่ย-ต้อง ฝ่ง ห่อ. 11เฒี้ยว ก๊อง บั๋ว โมเซ, “วั้ว เต๋ย เปย๊ย เฒ้ย อ๋อย หฒุ เหยียด ฮนอย ต้าย เต้า เหว่ย ฝ่ง ห่อ นิ่น บัว เญย กะน้าย โห่ว เหฒี่ย-ต้อง.”
12-83นิ่น บัว ฮนั้ง น้าย นอ เหยียด ฝีง เหยียด ฝีง เญย ต้อ กะน้าย ต้าย ฝ่ง ห่อ.#7:12-83 น้าย เต๋ย เหฒีย เหยี่ยม ก๊อง ฟี่ ฮนั้ง เหฑ่ง. ขูง ทิ้ว หาย ฝีง เญย หาย เต้า เปย๊ย เฒ้ย หาย ฮนอย ฝ่ง ห่อ. เหว่ย น้าย หธีง ต้าย ฮนั้ง น้าย ฑุด ฒุ้น เฟี้ย.
| ฮนอย | ฝีง | เปย๊ย เฒ้ย |
|---|---|---|
| ตะเยี้ยด ฮนอย | ยูดา ฝีง | อัมมีนาดับ เญย ตอน, นาโซน |
| ตะเหญ่ย ฮนอย | อิดสาคา ฝีง | ฒูอา เญย ตอน, เนทันเอน |
| ตะฟาม ฮนอย | เสบูลุน ฝีง | เฮโลน เญย ตอน, เอลีอับ |
| ตะเฝย ฮนอย | ลูเบน ฝีง | เซเดเอ เญย ตอน, เอลีซู |
| ตะฮม์ ฮนอย | สิเมโอน ฝีง | สูลิซัดได เญย ตอน, เซลูมิเอน |
| ตะหลัวะ ฮนอย | กาด ฝีง | เดอูเอน เญย ตอน, เอลียาสาบ |
| ตะเธี้ยด ฮนอย | เอฟาอิม ฝีง | อัมมีฮู้ด เญย ตอน, เอลีซามา |
| ตะเป๊ด ฮนอย | มะนัดเส ฝีง | เปดาซู เญย ตอน, กามาลิเอน |
| ตะจั๊ว ฮนอย | เบนยามิน ฝีง | กิเดโอนี เญย ตอน, อาบีดัน |
| ตะเหฒียบ ฮนอย | ดาน ฝีง | อัมมีชัดได เญย ตอน, อาหิเยเซ |
| เหฒียบ เยี้ยด วั้ว ฮนอย | อาเซ ฝีง | โอคาน เญย ตอน, ปากีเอน |
| เหฒียบ เหญ่ย วั้ว ฮนอย | นับทาลี ฝีง | เอนัน เญย ตอน, อาหิลา |
เต้าๆ ต้อ ต้าย ฝ่ง ห่อ เญย กะน้าย ฟี่ ฮนั้ง เหฑ่ง. เหยียด เต้า เหยียด เต้า เญย ม่าย ฮนั้ง น้าย. ม่าย เหยียด นอม ญ่าน เปี้ยน, เฮนี้ย-ต้าว ฟ่า เหฒียบ เป๊ด ลู์ง,#7:12-83 ฮิบลู หว่า ก๊อง 130 เซเขน. เซ เล่ย ไม้ โก 1.3 กีโล. ม่าย เหยียด นอม ญ่าน หฑ่อม,#7:12-83 ญ่าน หฑ่อม: เหฑีย หล่ง เหว่ย ฟุ ไฟ เพี้ยด. เฮนี้ย-ต้าว หญี่ เหฒียบ เยี้ยด ลู์ง,#7:12-83 ฮิบลู หว่า ก๊อง 70 เซเขน. เซ เล่ย ไม้ โก 0.8 กีโล. หฒิว สีง ติ่น ตี่ง ต้าย เญย เฮนี้ย-ต้าว. อี นอม ฒู้ง ฒ่าง ปวั๊ง หฒอบ เจี๊ยน โย่ว เญย บ๊วน-หม่วน เหว่ย โหฒว ฝ่ง ห่อ เหฒี่ย เญย ล่าง หฒิ. แอ๋ง ม่าย นอม เจียม-ฮู่ง โล่ว, เฮนี้ย-ต้าว ฟาม-ลู์ง,#7:12-83 ฮิบลู หว่า ก๊อง, 10 เซเขน. เซ เล่ย ไม้ โก 110 กัม. ฒ่าง ปวั๊ง ฮูง. แอ๋ง ม่าย เหยียด เต้า ง่ง โก๊ว ธาน, เหยียด เต้า ปะกี ยู่ง โก๊ว, เหธา เหยียด เต้า ต๋อย หฮญัง เญย ปะกี ยู่ง ตอน เหว่ย โหฒว ปั๊ว เหฒี่ย เญย กะน้าย. ม่าย เต้า ยู่ง โก๊ว เหว่ย เหฒี่ย ฟิ ฒุ์ย, ม่าย อี เต้า ง่ง โก๊ว, ปยา เต้า ปะกี ยู่ง โก๊ว, ปยา เต้า ยู่ง โก๊ว เหธา ปยา เต้า ต๋อย หฮญัง เญย ปะกี ยู่ง โก๊ว เหฒี่ย เหว่ย จิว ทง.
84หล่ง โย่ว โต๋ เหฒี่ย-ต้อง เหว่ย ฝูง ปุน เฒี้ยว เญย ฮนอย-เหญียะ, น้าย เซ อิสะลาเอน เมี่ยน เญย เปย๊ย เฒ้ย ต้อ ต้าย ฝ่ง ห่อ โห่ว เหฒี่ย-ต้อง เญย กะน้าย. นิ่น บัว ต้อ เหฒียบ เหญ่ย นอม ญ่าน เปี้ยน, เหฒียบ เหญ่ย นอม ญ่าน หฑ่อม, เหฒียบ เหญ่ย นอม เจียม-ปะเกน. 85เหยียด นอม ญ่าน เปี้ยน ม่าย ฟ่า เหฒียบ เฝย ลู์ง,#7:85 ฮิบลู หว่า ก๊อง 130 เซเขน. เซ เล่ย ไม้ โก 1.3 กีโล. เหยียด นอม หฑ่อม ม่าย เหฒียบ เป๊ด ลู์ง.#7:85 ฮิบลู หว่า ก๊อง 70 เซเขน. เซ เล่ย ไม้ โก 0.8 กีโล. น้าย เต๋ย ญ่าน จา-ต๋อง เหยียด ฒู้ง ม่าย เหฒียบ เธี้ยด จ้อย เหฒียบ เฝย ลู์ง#7:85 ฮิบลู หว่า ก๊อง 2400 เซเขน. เซ เล่ย ไม้ โก 28 กีโล. หฒิว สีง ติ่น ตี่ง ต้าย เญย เฮนี้ย-ต้าว. 86ม่าย เหฒียบ เหญ่ย นอม เจียม-ปะเกน, เหยียด นอม ม่าย ฟาม-ลู์ง#7:86 ฮิบลู หว่า ก๊อง 10 เซเขน. เซ เล่ย ไม้ โก 110 กัม. หฒิว สีง ติ่น ตี่ง ต้าย เญย เฮนี้ย-ต้าว. หย่า ฒ่าง ปวั๊ง ฮูง. เจียม-ปะเกน เหยียด ฒู้ง ม่าย ฟ่า เหฒียบ หลัวะ ลู์ง.#7:86 ฮิบลู หว่า ก๊อง 120 เซเขน. เซ เล่ย ไม้ โก 1.4 กีโล. 87ปั๊ว เหฒี่ย เญย แซง-คู้ เหยียด ฒู้ง ม่าย เหฒียบ เหญ่ย เต้า ง่ง โก๊ว, เหฒียบ เหญ่ย เต้า ปะกี ยู่ง โก๊ว, เหฒียบ เหญ่ย เต้า ต๋อย หฮญัง เญย ปะกี ยู่ง โก๊ว, เหธา เจี๊ยน ล่าง หฒิ เหยียด เหฌี่ย เหฒี่ย. ม่าย เหฒียบ เหญ่ย เต้า ยู่ง โก๊ว เหฒี่ย ฟิ ฒุ์ย. 88หล่ง เหฒี่ย เหว่ย จิว ทง เญย แซง-คู้ เหยียด ฒู้ง ม่าย หญี่ เหฒียบ เฝย เต้า ง่ง โก๊ว, หลัวะ เหฒียบ เต้า ปะกี ยู่ง โก๊ว, หลัวะ เหฒียบ เต้า ยู่ง โก๊ว, หลัวะ เหฒียบ เต้า ต๋อย หฮญัง เญย ปะกี ยู่ง โก๊ว ตอน. น้าย เซ หล่ง โย่ว โต๋ เหฒี่ย-ต้อง ฝูง ปุน เฒี้ยว ลิ์ว, ฝ่ง ห่อ เหฒี่ย เญย กะน้าย.
89โมเซ เปียะ หวุ่ย ปวั้ง เญย ด๊บ-ลิ่ว เหธา เฒี้ยว ก๊อง หว่า วั้ว หฒั่น, นิ่น ไฮ์ เฉีย เยียม แล์ง แหง่ง หว่า เญย ฟาง-หฆาย, วั้ว เต๋ย อี เต้า เคลูบิม บุด๋ง, เหธา นิ่น ก๊อง หว่า.
Currently Selected:
ซ้าว เมี่ยน 7: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
