Saray Salmo 36
36
Say Inkaoges na Too#SAY TITULO ED TIKSTON HEBREO: Nen David ya aripen na KATAWAN.
1Say kasalanan mansasalita ed otel na pusoy toon maoges;
ipopolisay toy Dios tan ag to igagalang.
2Lapud atagey a tuloy so pangipapasen tod sikaton dili,
abaloan ton say kasalanan to et ag la naamtaay Dios tan ag to la pakadusaan.
3Maoges iray salita to tan tila ran amin;
ag to la manggagawa na ontokuy ed kakabatan tan kamaungan.
4Mangiplaplanoy maoges no mandokdokul;
anggapoy maung a gagawaen to;
ag ton balut ipopolisay so kaogsan.
Say Kaabigan na Dios
5 Katawan, say ag mangoman a panangarom et sasabien to ray katawenan;
say katooran mo et sasabien to ray kaloreman.
6Say inkatonung mo et atagey a singa saray kapalandeyan,
say kaptekan mo et singa kaaralem na dayat.
Sika, Katawan, so mangaasikasod saray katoowan tan saray ayayep.
7Mablin tuloy, O Dios, so ag mangoman a panangarom!
Niyaagel kamid#36:7 Mablin tuloy, O Dios…Niyaagel kamid; odino Mablin tuloy so ag mangoman a panangarom! Saray Diriyos tan saray totoo niyaagel. silong na saray payak mo.
8Panliliketan miy ag nasabsabaan a kakanen ya iiter mo;
paniinomen mo kamid ilog na kaabigan mo.
9Sikay panlalapwan na amin a bilay,
tan lapud silew mo nanenengneng miy liwawa.
10Ituloy mo pan aroen iray makaamtad sika
tan ipanengneng so kaabigan mo ed saray matonung.
11Ag mo pa iyaabuloy a dogpaan ak na saray totoon mapasirayew,
o pabatiken ak na saray totoon maoges.
12Nengneng moy pasen ya abaktaran da ray totoon maoges.
Wadman ni ran kibalatar, tan ag ira makabangon.
Currently Selected:
Saray Salmo 36: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
