Saray Salmo 23
23
Say Katawan a Pumapastol#SAY TITULO ED TIKSTON HEBREO: Salmo nen David.
1Say Katawan so managpastol ed siak;
amin a nakakaukolan ko walad siak.
2Pampapainawaen to ak ed saray malambut a dika,
tan iyaakar to ak ed mareen a danum.
3Papasimbaloen toy biskeg ko.
Iwawanwan to ak ed saray maptek a dalan, onung na insipan to.
4Anggan sankabilongetay dadalanen ko,
ag ak ontakot,
ta wala kad abay ko.
Say baston tan say pekpek mo iyaagel da ak.
5Mangipaparaan kay ponsia a para siak,
a pakanengnengan ed siak na saray kalaban ko;
maliket so pangaawat mod siak,
tan manlepwa so pamapanom na kupak.
6Andi-saew a say kaabigan mo tan say panangarom et mansiansiad siak legan kon mambibilay;
tan ando lan ando a manayam ak ed abung mo.
Currently Selected:
Saray Salmo 23: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
