ZACARIAS 7
7
Matubngar ti panagayunar a barengbareng. Ti di panagtulnog isu ti gapu ti pannacacayaw.
1Ket naaramid idi #Zac. 1:1, 7.maicapat a tawen ni ari Dario, a ti sao ni Jehova immay ken Zacarias iti maicapat nga aldaw ti maicasiam a bulan, ti met laeng #Neh. 1:1.Kisleu.
2Idin dagiti taga Bet-el imbaonda da Saraser ken Regem-melech, ken dagiti lallakida, tapno makicaasida iti parabur ni Jehova,
3Ken tapno isaoda #Mal. 2:7.iti padi ti balay ni Jehova dagiti buybuyot, ken #Esd. 5:1, 2; 6:14. Zac. 8:9.cadagiti mammadto, a cunada, Annongec aya ti agsangit #2 Ar. 25:8. Jer. 52:12. Zac. 8:19.iti maicalima a bulan, nga aglasinac, a cas inaramidco cadagitoy adu a tawen?
4Idin ti sao ni Jehova dagiti buybuyot immay caniac, a kinunana,
5Agsaoca cadagiti amin a tattao ti daga, ken cadagiti papadi, a cunaem, Idi a nagayunarcayo #Isa. 58:5.ken nagunnoycayo iti maicalima ken #2 Ar. 25:25. Jer. 41:1, 2.maicapito a bulan, #Zac. 1:12.bayat ti pitopulo met laeng a tawen, dacayo inaramidyo aya ti aniaman a panagayunar caniac, caniac met laeng?
6Ket no mangancayo ken ni uminumcayo, saancayo aya a mangan nga agpaay cadacayo met laeng, ken uminum nga agpaay cadacayo met laeng?
7Dicayo denggen coma aya dagiti sasao a ni Jehova impuccawna babaen dagidi immun-una a mammadto, idi a ti Jerusalem adda a nanaedan ken iti kinarang-ay, ken dagiti il-ili iti aglawlaw kencuana, ken #Jer. 17:26.ti Abagatan ken ti daga a nasagneb isuda idi dagiti nanaedan?
8Ket ti sao ni Jehova immay ken Zacarias a kinunana,
9Castoy ti sinao ni Jehova dagiti buybuyot, a kinunana, #Mik. 6:8.Mangocomcayo a sipupudno, ket iparangyo ti kinaimbag ken caasi tumunggal lalaki iti cabsatna;
10Ket dicayo parigaten ti balo a babai, #Isa. 1:17, 23. Jer. 5:28.uray dagiti ulila, ti gangannaet, uray ti napanglaw; ket awan coma cadacayo ti mangisicat iti pusona iti dakes a maibusor ken cabsatna.
11Ngem isuda dida kinayat nga impangag, ket imbawingda ti abagada, ken #Neh. 9:30.sinullatanda dagiti lapayagda, tapno dida coma dumngeg.
12Wen, inaramidda ti pusoda a cas la bato a pamulinawen, tapno saanda a mangeg ti linteg, ken dagiti sasao a ni Jehova dagiti buybuyot imbaonna babaen ti Espirituna a naaramat dagidi immununa a mammadto: gapuna immay ti dackel a pungtot a naggapu ken Jehova dagiti buybuyot.
13Ket napasamac nga isu nagpuccaw, ket dida kinayat nga impangag, iti casta agpuccawdanto, ket diacto ipangag, cuna ni Jehova dagiti buybuyot;
14Ngem iwaracto ida babaen ti alawig iti tengnga dagiti amin a nasnacion nga isuda dida naammoan. Iti casta ti daga langalang idi iti licudanda, #Sof. 3:6. Zac. 9:8.ngarud awan ti tao a limmasat wenno nagsubli: agsipud ta ti nacaay-ayo a daga pinagbalinda a langalang.
Currently Selected:
ZACARIAS 7: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
