ZACARIAS 8
8
Dumteng ti talna ken irarang-ay ti Sion. Ti kinapudno ken kinalinteg maibilin. Dagiti sabali a nasnacion sapulendanto ni Jehova.
1Ket ti sao ni Jehova dagiti buybuyot immay caniac, a cunana,
2Castoy ti cuna ni Jehova dagiti buybuyot: #Joel 2:18. Zac. 1:14.Siac agimonac gapu iti Sion iti dackel nga imon, ket agimonac gapu kencuana iti dackel a pungtot.
3Castoy ti cuna ni Jehova: #Zac. 1:16.Siac agsubliac iti Sion, ket agnaedacto iti nagtengngaan ti Jerusalem: ket ti Jerusalem #Isa. 1:21, 26.managanto, Ti ili ti kinapudno; ken ti bantay ni Jehova dagiti buybuyot, Ti nasantoan a bantay.
4Castoy ti cuna ni Jehova dagiti buybuyot: #Isa. 65:20, 22.Agnaeddanto manen dagiti lallacay ken babaket cadagiti calcalsada ti Jerusalem, tunggal maysa addaan sarucod iti imana a gapu iti kinalacayna.
5Ket dagiti calcalsada ti ili mapnodanto cadagiti ububbing a lallaki ken ububbing a babbai nga agayayamda cadagiti calcalsadana.
6Castoy ti cuna ni Jehova dagiti buybuyot: No daytoy nacascasdaaw iti imatang ti #bil. 12. Sof. 2:7.matda itoy nga ili cadagidiay nga al-aldaw, isu nacascasdaaw met coma aya iti imatangco? cuna ni Jehova dagiti buybuyot.
7Castoy ti cuna ni Jehova dagiti buybuyot: Adtoy, siac ispalecto ti ilic #Isa. 43:5; 49:12.iti daga ti daya ken iti daga ti laud;
8Ket yegconto ida, ket agnaeddanto iti nagtengngaan ti Jerusalem: #Zac. 13:9.Ket isudanto ti ilic, ket siacto ti Diosda, iti kinapudno ken iti kinalinteg.
9Castoy ti cuna ni Jehova dagiti buybuyot: #Hag. 2:4.Pumigsada coma dagita im-imayo, dacayo a mangipangag cadagitoy nga aldaw cadagitoy a sao nga agtaud iti ngiwat #Hag. 2:18.dagidi mammadto nga addada iti daydi nga aldaw a ti pamuon ti balay ni Jehova dagiti buybuyot naisaad, ti templo met laeng, tapno mabangon coma.
10Ta iti sacbay dagidiay nga al-aldaw awan ti tangdan iti lalaki, uray ania a tangdan nga agpaay iti animal; awan idi ti uray ania a talna iti daydiay a rimmuar wenno simrec, a maipuon iti cabusor; ta siac incabilco amin a lallaki tunggal maysa a maibusor ken caarrubana.
11Ngem ita saanacto a cas cadagiti immun-una nga aldaw, iti matda iti daytoy nga ili, cuna ni Jehova dagiti buybuyot.
12Ta addanto bin-i ti talna; ti uvas itednanto ti bungana, ket ti daga itednanto ti apitna, ket dagiti langlangit iteddanto ti linnaawda; ket pagtawidecto ti matda iti daytoy nga ili cadagitoy amin a banbanag.
13Ket maaramidto nga idinto a #Jer. 42:18.dacayo idi ti cas maysa a lunod iti tengnga dagiti nasnacion, O balay ti Juda ken balay ti Israel, casta ti panangisalacanconto cadacayo, ket #Gen. 12:2.dacayonto ti maysa a bendicion. Dicayo agbuteng, no di ket papigsaenyo coma dagita im-imayo.
14Ta castoy ti cuna ni Jehova dagiti buybuyot: #Jer. 31:28; 32:42.Cas idi pinanggepco ti mangaramid iti dakes cadacayo, idi a dagiti ammayo ginargaridac nga agpungtot, cuna ni Jehova dagiti buybuyot, ket diac imbabawi.
15Casta manen pinanggepco cadagitoy nga aldaw ti mangaramid iti imbag iti Jerusalem ken iti balay ti Juda: dicayo agbuteng.
16Dagitoy dagiti banbanag nga aramidenyonto: #Efe. 4:25.Tumunggal maysa cadacayo agsaonto iti pudno ken caarrubana; Mangocomcayo a sipupudno ken sitatalna cadagiti ruanganyo;
17Ket awan coma cadacayo ti mangisicat iti dakes cadagiti pusoyo a maibusor ken caarrubana; ket dicayo ayaten ti naulbod a sapata: ta amin dagitoy dagiti banbanag a guraec, cuna ni Jehova.
18Ket ti sao ni Jehova dagiti buybuyot immay caniac, a kinunana,
19Castoy ti cuna ni Jehova dagiti buybuyot: Ti panagayunar #Jer. 39:2; 52:6.iti maicapat a bulan, ken ti panagayunar #Zac. 7:3, 5.iti maicalima, ken ti panagayunar iti maicapito, ken ti panagayunar iti #2 Ar. 25:1. Jer. 39:1.maicapullo, agbalindanto a ragragsac ken ragrag-o naragsac a fiesta iti balay ti Juda: gapuna ayatenyo ti pudno ken talna.
20Castoy ti cuna ni Jehova dagiti buybuyot: No umayto manen dagiti tattao, ken dagiti agnaed cadagiti adu nga il-ili;
21Ket ti agnaed iti maysa nga ili mapanto iti sabali, a cunana, Intayo a sipapardas a dumawat iti parabur ni Jehova, ken agsapul ken Jehova dagiti buybuyot: siac innacto met.
22Wen, adu nga il-ili ken napipigsa a nasnacion #Zac. 2:11.umaydanto a mangsapul ken Jehova dagiti buybuyot iti Jerusalem, ken dumawat iti parabur ni Jehova.
23Castoy ti cuna ni Jehova dagiti buybuyot: Cadagidiay nga aldaw mapasamacto, a #Gen. 31:7.sangapulo a lallaki a #Isa. 66:18. Apoc. 5:9.naggapuda cadagiti amin a pagsasao dagiti nasnacion, cumpetdanto, wen cumpetdanto iti pingir ti cawes daydiay Judio, a cunada, Dacami cumuyogcaminto kenca, ta nangegmi a ti Dios adda kenca.
Currently Selected:
ZACARIAS 8: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
