ZACARIAS 6
6
Sirmata a luglugan ken cabcabayo. Ni Josue cayariganna ti Ari a padi.
1Ket intangadco manen dagiti matac, ket nakitac, ket, adtoy, rimmuar dagiti uppat a lugan a naggapuda iti baet dagiti dua a bantay; ket daydiay a bantay gambangda.
2Iti daydi umuna a lugan addada idi dagiti nalabaga a #Zac. 1:8. Apoc. 6:2, 4, 5.cabayo; ket iti maicadua a lugan dagiti nangisit a cabayo;
3Ket iti maicatlo a lugan dagiti puraw a cabayo; ket iti maicapat a lugan dagiti napigsa a cabayo a moro.
4Idin simmungbatac ket kinunac iti angel a nakisarita caniac, Aniada dagitoy, apoc?
5Ket ti angel simmungbat ket kinunana caniac, #Sal. 104:4. Heb. 1:7, 14.Dagitoy isuda dagiti uppat nga angin ti langit, a mapanda iti amin a daga manipud iti panagtacderda iti saclang ti Apo.
6 Ti lugan a yan dagiti nangisit a cabayo mapanda iti daga ti #bil. 8. Jer. 1:13.amianan; ket dagiti puraw napanda iti malicudanda; ket dagiti moro napanda iti daga ti abagatan.
7Ket dagiti napigsa napanda, ket #Zac. 1:10.inagawaanda ti mapan tapno masursurda ti daga: ket isu kinunana, Incayo, sursurenyo ti daga. Iti casta sinursurda ti daga.
8Idin isu pinuccawannac, ket sinaona caniac, a kinunana, Adtoy, dagidiay a mapan iti daga ti amianan pinagtalnada ti #Oc. 8:3. Ecle. 10:4.espirituc iti daga ti amianan.
9Ket ti sao ni Jehova immay caniac a kinunana,
10Mangalaca cadagiti naggapu iti pannacacayaw, uray ken Holdai, ken ni Tobias, ken ni Jedaia; ket umayca iti daydiay met laeng nga aldaw, ket inca iti balay ni Josias nga anac ni Sefonias, a papanan dagidiay aggapu sadi Babilonia;
11Wen, mangalaca cadacuada iti pirac ken balitoc, ket mangaramidca cadagiti #Zac. 3:5. Apoc. 19:12.balangat, ket isaadmo ida iti olo ni #Zac. 3:1.Josue nga anac ni Josadac, a cangatoan a padi;
12Ket agsaoca kencuana, a cunam, Castoy ti sinao ni Jehova dagiti buybuyot, a cunana, Adtoy, ti tao, a ti naganna #Zac. 3:8.Saringit: ket isu dumackelto #Ex. 10:23.manipud iti dissona; ket isu bangonennanto ti templo ni Jehova;
13Isu met laeng #Mat. 16:18. Efe. 2:20-22. Heb. 3:3.bangonennanto ti templo ni Jehova; ken #Eze. 21:27.awitennanto ti dayag ken agturayto ket tumugawto iti tronona; ket #Sal. 110:4. Heb. 3:1.isunto ti maysa a padi iti tronona; ket ti patigmaan ti cappia addanto iti baetda a dua.
14Ket dagiti balangat addadanto ken ni Helen, ken ni Tobias, ken ni Jedaia, ken ni Hen nga anac a lalaki ni Sefonias, agpaay a pacalaglagipan iti templo ni Jehova.
15Ket #Isa. 57:19. Efe. 3:13, 19.dagiti adda iti adayu #Isa. 60:10.umaydanto ken bangonendanto ti templo ni Jehova; ket dacayo mabigbigyonto a ni Jehova dagiti buybuyot imbaonnac cadacayo. Ket daytoy maaramidto, no sipapasnec ti panagtulnogyo iti timec ni Jehova a Diosyo.
Currently Selected:
ZACARIAS 6: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
