ZACARIAS 5
5
Ti sirmata a sangcalucot a pagbasaan nga agtaytayab ken ti babai ken ti efa.
1Idin intangadco manen dagiti matac, ket nakitac, ket, adtoy, ti #Jer. 36:2.sangcalucot a pagbasaan nga agtaytayab.
2Ket isu kinunana caniac, Ania ti makitam? Ket simmungbatac, Makitac ti sangcalucot a pagbasaan nga agtaytayab; ti caatiddugna duapulo a sico, ket ti caacabana sangapulo a sico.
3Idin isu kinunana caniac, Daytoy ti #Jer. 29:18.lunod nga agsacnap iti rabaw ti amin a daga; ta tumunggal maysa nga agtacaw madadaelto cas mayannurot iti maysa a bangir ti lucot; ket tumunggal maysa nga agsapata madadaelto cas mayannurot iti sabali a bangir ti lucot.
4Siac baonecto, cuna ni Jehova dagiti buybuyot, ket isu sumrecto iti balay ti mannanacaw, ken iti balay daydiay nga agsapata a siuulbod a gapu iti naganco; ket #Prov. 3:33.agtaengto iti nagtengngaan ti balayna, ket #Lev. 14:45.ibusennanto agraman cayona ken dagiti batbatona.
5Idin #Zac. 1:19.ti angel a nakisarita caniac rimmuar, ket kinunana caniac, Itangadmo ita dagita matam, ket kitaem no ania daytoy a rimmuar.
6Ket siac kinunac, Ania daytoy? Ket kinunana, Daytoy ti #Eze. 45:11.efa a rimmuar. Ket kinunana pay, Daytoy ti langada iti amin a daga.
7(Ket, adtoy, naingato ti maysa a talento a buli); ket daytoy ti maysa a babai a situtugaw iti nagtengngaan ti efa.
8Ket isu kinunana, Daytoy ti Kinadakes: ket isu impalladawna iti nagtengngaan ti efa; ket imbatona ti panimbeng a buli iti ngarabna.
9Idin intangadco dagiti matac, ket nakitac, ket, adtoy, dua a babbai rimmuarda, ket ti angin adda idi cadagiti payacda: ket addaanda paypayac a cas la cadagiti payac ti cannaway; ket isuda inngatoda ti efa iti nagtangatangan ti langit ken daga.
10Idin kinunac iti angel a nakisarita caniac, Sadino ti pangipanan dagitoy iti efa?
11Ket isu kinunana caniac, #Gen. 11:2.Idiay daga ti Sinar, tapno ibangonanda ti maysa a balay: ket intono maisagana, maisimpanto iti dissona met laeng.
Currently Selected:
ZACARIAS 5: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
