MARCOS 6

Ni Jesus maumsi idiay Nazaret.

1Ket pimmanaw sadiay, #Mat. 13:54-58.ket napan iti dagana; ket dagiti adalanna simmurotda kencuana.

2Ket idi dimteng ti aldaw a panaginana, rinugianna ti nangisuro idiay sinagoga; ket dagiti adu nga agdengdengngeg kencuana natdada a nagsiddaaw, a cuncunada; Adino ti nangalaan daytoy a tao cadagitoy a banag? ket ania a kinasirib ti naited kencuana? ken dagiti agcacadackel a pannacabalin a maaramid gapu cadagiti imimana?

3Saan aya nga daytoy ti al-lawagi, nga anac ni Maria, cabsat ni Santiago, ken ni Jose, ken ni Judas ken ni Simon? ket awan aya cadatay ditoy dagiti cacabsatna a babbai? Ket malucsawda idi kencuana.

4Ngem ni Jesus kinunana cadacuada: Ti mammadto saan a maawanan ti dayaw, no di idiay dagana met laeng, ken cadagiti cacabagianna ken idiay balayna.

5Ket #Mar. 9:23.saanna a nabalin ti nagaramid ti datdatlag iti uray ania idiay, malacsid idi nga impatayna dagiti imimana cadagiti sumagmamano a masacsakit ket inagasanna ida.

6Ket nasnasdaaw idi iti curang ti pammatida. Ket napan cadagiti purpuroc ti caparanget, a mangisursuro.

Pannacaibaon dagidi sangapulo ket dua

7Ket inayabanna dagiti sangapulo ket dua, #Mat. 10:1.ket rinugianna ida nga imbaon a sagdudua: ket iniccanna ida ti pannacabalin cadagiti espiritu a narugit,

8Ket imbilinna cadacuada a #Mat. 10:9-15. Luc. 9:3-5; 10:4-12.dida mangicuyog ti uray ania a balon iti dalan no di laeng maysa a sarucod; awan ti uray ania a supot, uray tinapay, uray pirac iti barikesda;

9No di laeng agpal-lucada; ket di da agpagananay iti dua a cagay.

10Ket kinunana cadacuada: Uray sadino a balay a sercanyo, aggiancay idiay agingga iti ipanawyo idiay a disso.

11Ket uray ania a disso a didanto umawatan ken dumngegan cadacayo, inton rumuarcayo idiay, pampagenyo ti tapoc nga adda cadagiti sacsacayo a pamanecnec iti maibusor cadacuada.

12Ket rimmuarda, ket #Mat. 10:7. Luc. 10:9.incascasabada ti panagbabawi.

13Ket pinaruarda dagiti adu a sairo, #Sant. 5:14.ket sinapsapoanda iti lana dagiti adu a masacsakit, ket pinaimbagda ida.

Ipapatay ni Juan a Bautista.

14 # Mat. 14:1-12. Luc. 9:7-9. Ket idinto a nangngegan ni ari Herodes, dagitoy a banag ta ti nagan ni Jesus nagdinamagen; kinunana: Ni Juan a Bautista a nagungar cadagiti natay, ket gapu itoy, adda pannacabalinna nga agaramid cadagiti datdatlag.

15Ngem dagiti dadduma kinunada: #Mat. 16:14. Mar. 8:28.isu ni Elias. Ket kinuna dagiti sabsabali: maysa a mammadto, wenno cas maysa cadagiti mammadto.

16Ngem idi nangngeg ni Herodes, kinunana: Isu ni Juan a pinutulac; isu nagungar.

17Ta ni met la Herodes ti nagbaon ken nangpatiliw ken Juan, ket kinawaranna idiay pagbaludan a gapu ken Herodias, asawa ni Filipo a cabsatna, isu nga inasawana.

18Ta ni Juan kinunana idi ken Herodes: Saan a nalinteg a cupicupam ti asawa ni cabsatmo.

19Gapu itoy ni Herodias cagurana ket cayatna idi nga papatayen; ngem dina nabalin;

20Ta ni Herodes cabutengna idi ni Juan, ta ammona nga isu tao a nalinteg ken santo, ket isakitna; ket no denggenna idi, adu a banbanag ti gapuananna ket #Mat. 13:20.pagayayatanna a denggen.

21Ngem idi nga immay ti maysa nga aldaw a pannacaipaayna, idi aldaw a panagcasangay ni Herodes nangted ti maysa a daya cadagiti natan-oc a tattaona ken cadagiti #Coronel.tribuno ken cadagiti cangronaan a tattao ti #Luc. 3:1.Galilea.

22Ket idi simrec ti anac a babai ni Herodias ket nagsala, pinaayatna ni Herodes ken dagiti nakisango kencuana iti panganan; ket ti ari kinunana iti balasang: Dawatem caniac dagup ti cayatmo, ket itdecto kenca.

23Ket sinapataanna kencuana a kinunana: Isu-amin a dawatemto caniac, itdecto kenca, uray pay ti guddua ti pagariac.

24Ket isu rimmuar, ket kinunana ken inana: Ania ti dawatecto? Ket kinunana: Ti ulo ni Juan a Bautista.

25Ket simrec a dagus, nagparang a sidadaras iti ari, ket dinawatna a kinuna: Cayatco nga #Mat. 13:21.ita met laeng itedmo caniac iti pinggan ti ulo ni Juan a Bautista.

26Ket ti ari nagliday unay; ngem gapu cadagiti sapatana ken cadagiti adda a sisasango iti panganan dina kinayat a di inanamungan.

27Ket nangibaon a dagus ti maysa cadagiti guardiana ket pinaiyegna ti ulo ni Juan. Ket daytoy napan ket isu pinutulanna idiay pagbaludan;

28Ket inyegna daydi ulona iti maysa a pinggan, ket intedna idi balasang; ket daydi balasang intedna ken inana.

29Ket idi naammoan dagiti adalan ni Juan, napanda ket binagcatda ti bangcayna, ket incabilda iti maysa a tanem.

Umuna nga yaadu dagiti tinapay.

30Ket dagiti apostol #Luc. 9:10.nakiurnongda ken Jesus, ket nangtedda ti damag kencuana; iti dagup ti isu-amin nga inaramidda, ken ti insursuroda.

31Ket kinunana cadacuada: Umaycayo a pumacni iti maysa a disso a let-ang ket aginanacay bassit. Ta #Mar. 3:20.adu dagiti umay ken agawid idi; ket awan a pulos ti tiempoda uray mangan laeng.

32Napanda ngarud, a nagbarangay iti maysa a disso a let-ang ken naipalpalasin.

33Ngem nakitada ida a mapmapan, ket adu dagiti nacailasin cadacuada: ket nanipud cadagiti amin nga ilili timmabunoda idiay a nagnagnada ket dimtengda nga immun-una ngem isuda.

34Ket idi dimsaag ni Jesus, #Mar. 8:2-9.nakitana ti umariwecwec a tattao ket kinaasianna ida, #Mat. 9:36.ta casda la carnero nga awan pastorda: ket rinugianna a sinursuroan ida cadagiti adu a banag.

35Ngem idi malemen immasidegda kencuana dagiti adalanna, ket kinunada: Let-ang daytoy a disso ket malem unayen:

36Pagawidem ida ta mapanda cadagiti awaway ken purpuroc iti caparanget tapno gumatangda ti canenda.

37Ngem isu simmungbat, ket kinunana cadacuada: Iccanyo ida ti canen. Ket kinunada kencuana: Incamto aya gumatang ti tinapay a pateg ti dua gasut a denario ket itedmi nga ipacan cadacuada?

38Cunana cadacuada: Mano ti tinapay nga adda cadacayo? Incay kitaen. Ket idi maamoanda, kinunada: Lima, ken dua nga ican.

39Ket imbilinna cadacuada a pagtugawenda ida amin a sagtunggal bunggoy iti root a nalangto.

40Ket nagtugawda a naglalasin iti tunggal sagsangagasut, ken saglilima a pulo.

41Ket innalana dagiti lima a tinapay ken dagiti dua nga ican, ket idi a timmangad iti langit binendicionanna; ket pinispisina dagiti tinapay, ket intedna cadagiti adalan tapno isangoda cadacuada: ket imbunongna dagiti dua nga ican cadacuada amin.

42Ket nanganda amin, ket nabsogda.

43Ket innalada dagiti pispisi ti tinapay ken ican a tiddada, sangapulo ket dua nga alat a napno.

44Ket dagidi nangan cadagiti tinapay aglimariboda a lallaki.

Ni Jesus magna iti rabaw ti baybay.

45Ket dagus a #Mat. 14:22-36. Juan 6:15-21.pinastrecna dagiti adalanna iti #bil. 32.barangay, ket bumallasiwda nga umun-una iti sabali a bangir idiay #Mat. 11:21.Betsaida, bayat a palpalubosanna dagiti tao.

46Ket idi napalubusanna ida, napan iti bantay tapno #Mat. 14:23.agcararag.

47Ket idi rabiin, daydi barangay addan iti tengnga ti baybay, ket isu maymaysa iti daga.

48Ket nakitana ida nga aggagaud a sibabannog, ta ti angin sumungat idi cadacuada. Ket idi asideg ti maicapat a panagbantay ti rabii, napan cadacuada, a nagnagna iti rabaw ti baybay; ket kinayatna idi a labasan ida;

49Ngem idi makitada a magmagna iti rabaw ti baybay, impagarupda nga isu maysa nga alalia; ket nagickisda;

50Ta isu nakitada amin idi ket naglagawda. Ngem ni Jesus dagus a nakisao, ket kinunana cadacuada: Agtaleccayo: siac met laeng; dicay agbuteng,

51Ket immuli cadacuada iti barangay; ket nagtalna daydi angin, ket dimmegdeg ti siddaawda.

52Ta dida #Mar. 8:17, 18, 21.pinanunot ti maipapan cadagiti tinapay; ta ti pusoda nasipnget.

53Ket idi a nacabal-lasiwda dimtengda idiay daga ti Genezaret, ket simmangladda.

54Ket idi dimsaagda iti barangay, dagus nga isu nailasin dagiti umili,

55Ket idi nga napagpagnada iti amin daydiay a daga rinugianda nga innala a silalangcapi dagiti masacsakit ket ipanda ida iti amin a disso, a pacangngeganda a yanna.

56Ket uray sadino a sercanna, cadagiti purpuroc wenno cadagiti ilili wenno cadagiti awaway icabilda idi dagiti masacsakit cadagiti calcalsada, ket carcararaganda tapno ipalubosna cadacuada a sagiden uray laeng ti pingir ti pagananayna: ket dagup dagiti simmagid kencuana, naagasanda.

Currently Selected:

MARCOS 6: TB1973

Highlight

Copy