MARCOS 5
5
Ti taga Gergesa a nagun-gan ti sairo.
1Ket dimtengda iti sabali nga igid ti baybay, idiay daga dagiti taga #Luc. 8:22, 26, 37.Gergesa.
2Ket idi a dimsaag iti barangay, dagus nga immay simmabet kencuana nanipud cadagiti tanem #Mat. 8:28.ti maysa a tao nga addaan espiritu a narugit,
3Isu nga agbalay cadagiti tanem, ket awan ti macabalin kencuana a mangibaod, uray pay cadagiti cawar;
4Ta iti naminadu a panangibabaudda kencuana cadagiti grillos ken cawcawar; ket kinettana dagiti cawar, ket pineccana dagidi grillos: ket awan ti nacabael a mangpaamo kencuana.
5Ket cancanayon, aldaw ken rabii, magmagna nga agic-ickis cadagiti banbantay ken cadagiti tantanem, ket dunorenna ti bagina cadagiti bato,
6Ket idi nakitana ni Jesus iti adayu, timmaray ket nagdayaw kencuana;
7Ket idi a nagickis iti dackel a timec, cunana: Ania ti pacaibiangac kenca, Jesus, Anac ti Dios a Cangatoan unay? Dawatec kenca gapu iti Dios a dinac parigaten.
8Ta kinunana kencuana: Pumanawca itoy a tao, espiritu a narugit.
9Ket inintuudna kencuana: Ania ti naganmo? Ket kinunana kencuana: #Mat. 26:58.Sangarbaanan ti naganco; ta aducami.
10Ket nagdawdawat unay kencuana a dina coma ida ibaon iti ruar daydiay a daga.
11Ket adda idiay iti arisadsad daydi bantay ti maysa a dackel nga arban ti babuy nga agararab.
12Ket dagidi sairo nagdawatda kencuana a kinunada: Ibaonnacami cadagiti babuy tapno sumreccam cadacuada.
13Ket impalubosna cadacuada. Ket idi rimmuar dagiti espiritu a narugit, simrecda cadagiti babuy; ket daydi arban timmappuacda a sidadarasudos iti maysa a teppang iti baybay; agduariboda idi ket nalmesda iti baybay.
14Ket dagiti agtartaraken cadacuada, nagtarayda ket sinaritada iti ili ken cadagiti awaway, #Mat. 8:34.Ket rimmuar dagiti tao tapno kitaenda no ania daydi a naaramid.
15Ket idi dimtengda ken Jesus nakitada daydi nagun-gan dagiti sairo a situtugawen, #Luc. 8:27.sipapagananay ken simamanakem, wen daydi adda sangarbaananna idi, ket nagbutengda.
16Ket dagiti nacakita sinaritada cadacuada no ania ti napasamac idi nagun-gan dagiti sairo ken cadagidi babuy.
17Ket rinugianda ti nagdawdawat kencuana a pumanaw coma cadagiti beddengda.
18Ket idi sumrec idi barangay #Luc. 8:38, 39.daydi nagun-gan dagiti sairo idi, nagdawat a makipagian cama kencuana.
19Ngem ni Jesus dina inanamungan, no di ket kinunana kencuana: Inca idiay balaymo, cadagiti cacabagiam, ket ibagam cadacuada a nagdadackel a banag ti inaramid ti Apo ken ti pinangngaasina kenca.
20Ket isu napan ket rinugianna, nga inwarragawag idiay #Mat. 4:25. Luc. 8:39.Decapolis dagiti dacdackel a banag nga inaramid ni Jesus kencuana: ket amin dagiti tao nasnasdaawda.
Ti babai nga anac ni Jairo; ti babai nga agbulbulos ti darana.
21Ket idi bimmal-lasiw manen ni #Mat. 9:1. Luc. 8:40.Jesus a nagbarangay iti sabali a bangir, naguurnong iti sibayna ti umariwecwec a tao; ket isu adda iti igid ti baybay.
22 # Aginga bil. 43. Mat. 9:18-26. Luc. 8:41, 42, 49-56. Ket immay ti maysa cadagiti panguloen ti sinagoga, a managan Jairo; ket idi isu makitana, nagrucbab cadagiti sacsacana,
23Ket nagpacpacaasi unay, kencuana a cuncunada; Ti anacco a balasang nganngani matay; umayca cadi ket ipataymo kencuana dagiti imam, tapno umimbag ket agbiag coma.
24Ket ni Jesus nakicuyog kencuana; ket simmurotda kencuana dagiti umariwecwec a tao ket iletanda.
25Ket maysa a babai nga #Lev. 15:25.sangapulo ket dua a tawenen nga agsagsagaba ti panapagbulos ti dara.
26Ket nagiturtured unay iti biang dagiti adu a mangngagas ket inibusna amin dagiti cucuana, ket awan ti naglainganna, no di get lumalo,
27Idi nangngegna dagiti banag a sasaoenda maipapan ken Jesus, immay a nakicuyog cadagiti adu a tao iti licud ket sinagidna daydi pagananayna.
28Ta pinacpakinakemna: No coman mabalinco a sagiden uray ti pagananayna laeng, maagasanacto.
29Ket naigiddato a naabbatan kencuana daydi ubbog ti darana, ket naricnana iti bagina nga adda nga immimbagen idi a didigra.
30Ket dagus a ni Jesus, idi nadlawna ti #Luc. 6:19; 8:46.gundaway a nagsayasay kencuana, sinangona dagiti adu a tattao ket kinunana: Siasino ti nangsagid cadagiti pagananayco?
31Ket dagiti adalanna kinunada kencuana: Makitam a dagiti adu a tao iletandaca, ket cunam: Siasino ti nangsagid caniac?
32Ngem tinuloyna ti kimmita iti sibayna, tapno makitana daydi nangaramid kencuana iti daytoy.
33Daydi babai ngarud, sibubuteng ken agpigpigerger a siaammo iti naaramid kencuana, immay, ket nagparintumeng iti sangoananna, ket impudnona kencuana ti amin a naaramid.
34Ngem kinunana: Anac, ti pammatim inagasannaca: inca a sitatalna ket maagasanca iti saplitmo.
35Idi agsasao pay laeng, immayda dagiti tattao ti panguloen ti sinagoga, a kinunada: Tay anacmo a babai natayen: apayapay alimutengem pay laeng ti Mannursuro?
36Ngem ni Jesus, idi a naal-lingagna daydi sasaoenda, kinunana idi panguloen ti sinagoga: Dica agbuteng; mamatica laeng.
37Ket dina impalubos iti uray siasino a sumurot kencuana, no di laeng ni #Mat. 17:1.Pedro, ken ni Santiago, ken ni Juan, cabsat ni Santiago.
38Ket dumtengda iti balay ti panguloen ti sinagoga: ket naimatangan ni Jesus ti ariwawa, ken dagiti agsangsangit ken agdungdung-aw ti napigsa.
39Ket idi a simrec iti uneg, cunana cadacuada: Apayapay agdungdung-aw ken agsangitcayo? ti ubing saan a natay, no di ket matmaturog.
40Ket kinatawaanda nga uyungan. Ngem idi naparuarna ida amin innalana daydi ama ken ina daydi ubing #bil. 37. Luc. 8:51.ken dagidi naicuyog kencuana, ket napan iti ayan di ubing.
41Ket idi nga inigganana iti ima ti ubing kinunana: #Mar. 7:7, 11, 34.Talitha cumi; a no mayulog, cayatna a saoen; Balasang, tumacderca.
42Ket dagus a ti balasang timmacder, ket nagna; ta agtawen iti sangapulo ket dua. Ket napagtalnada a dagus iti dackel a siddaaw.
43Ngem isu imbilinna unay #Mar. 7:36; 9:9.cadacuada nga awan coma ti macaammo: ket imbagana nga iccanda ti canenna.
Currently Selected:
MARCOS 5: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
