Popular Bible Verses from MARCOS 6

Share

Ket kinunana cadacuada: Umaycayo a pumacni iti maysa a disso a let-ang ket aginanacay bassit. Ta adu dagiti umay ken agawid idi; ket awan a pulos ti tiempoda uray mangan laeng.

Ngem ni Jesus kinunana cadacuada: Ti mammadto saan a maawanan ti dayaw, no di idiay dagana met laeng, ken cadagiti cacabagianna ken idiay balayna.

Ket idi dimsaag ni Jesus, nakitana ti umariwecwec a tattao ket kinaasianna ida, ta casda la carnero nga awan pastorda: ket rinugianna a sinursuroan ida cadagiti adu a banag.

Ket saanna a nabalin ti nagaramid ti datdatlag iti uray ania idiay, malacsid idi nga impatayna dagiti imimana cadagiti sumagmamano a masacsakit ket inagasanna ida. Ket nasnasdaaw idi iti curang ti pammatida. Ket napan cadagiti purpuroc ti caparanget, a mangisursuro.

Ket innalana dagiti lima a tinapay ken dagiti dua nga ican, ket idi a timmangad iti langit binendicionanna; ket pinispisina dagiti tinapay, ket intedna cadagiti adalan tapno isangoda cadacuada: ket imbunongna dagiti dua nga ican cadacuada amin. Ket nanganda amin, ket nabsogda. Ket innalada dagiti pispisi ti tinapay ken ican a tiddada, sangapulo ket dua nga alat a napno.