MATEO 27
27
Panagbeckel ni Judas.
1Ket idi bumigaten, isu-amin dagiti turayen dagiti papadi ken panglacayen dagiti umili, #Mar. 15:1. Luc. 22:66.nagnunumoda iti maibusor ken Jesus, tapno papatayda.
2Ket isu #Luc. 23:1. Juan 18:28.pinarautanda, ket impanda ket inyawatda ken #Luc. 3:1; 13:1.Poncio Pilato, a gobernador.
3Idin ni Judas, a #Mat. 26:14, 15.nangyawat kencuana, idi nakitana a nadusaan, nagbabawi, ket insublina dagiti tal-lo pulo a pirac cadagiti panguloen dagiti papadi ken cadagiti lallacay.
4A cuncunana: Siac nacabasolac iti panangyawatco iti dara nga awan biddutna. Ngem kinunada: Ania ti bibiangmi? macaammoca.
5Ket imbacalna dagiti pirac iti uneg ti santuario ket pimmanaw, ket #D. Ara. 1:18.napan, ket nagbitay.
6Ket dagiti panguloen dagiti papadi pinidutda dagiti bagi ti pirac iti Templo ket kinunada: Saan a maipalubos nga ipisoc ida iti pagidulinan cadagiti daton, ta isu pateg ti dara.
7Ket idi nacapagnunumoda, ingatangda ti talon ti managdamili, tapno pagitamnan cadagiti gangannaet.
8Gapuna napanaganan daydi a talon ti #D. Ara. 1:19.Talon ti dara, #Mat. 28:15.agingga itoy nga aldaw.
9Iti casta natungpal ti sinao ni mammadto a Jeremias, a cuncunana: Ket #Zac. 11:13.innalada dagiti tal-lo pulo a bagi ti pirac, pateg ti napatgan, a pinatgan dagiti annac ti Israel;
10Ket intedda ida a maipaay iti talon ti managdamili, cas imbilin caniac ti Apo.
Ni Jesus iti sangoanan ni Pilato:
11Ket ni Jesus adda a sitatacder iti sangoanan ti gobernador; ket daydi gobernador #Mar. 15:2-5. Luc. 23:2, 3. Juan 18:29-38.inintuudna kencuana, a kinuna: Sica ti ari dagiti Judio? Ni Jesus kinunana kencuana: Isu ti cunam.
12Ket idi dagiti panguloen dagiti papadi ken dagiti panglacayen, impulongda #bil. 14. Mat. 26:63.awan ti insungbatna.
13Idin ni Pilato cunana kencuana: Dica mangngeg no mano a banag ti sacsianda a macadadael kenca?
14Ngem dina sinungbatan, uray maymaysa laeng a sao; iti casta ti gobernador nagsiddaaw unay.
15Iti tunggal #Mar. 15:6-15. Luc. 23:17-25. Juan 18:89, 40.fiesta cadawyan ti gobernador nga ibbatanna cadagiti umili ti maysa a balud a dawatenda.
16Ket adda idi ti maysa a baludda a napatac, a managan ti Barrabas.
17Idi ngarud addada a naurnong, kinuna cadacuada ni Pilato: Asino ti cayatyo nga ibbatac cadacayo? Ni Barrabas wenno ni Jesus, a managan ti Cristo?
18Ta ammona a gapu iti apal isu inyawatda.
19Ket idi adda a situtugaw iti #Juan 19:13.pangocoman ti asawana nagbaon a cuncunana: Dica bibiangan dayta nalinteg; ta nagsagabaac cadagiti adu a banag ita iti maysa a tagtagainep gapu kencuana.
20Ngem dagiti panguloen dagiti papadi ken dagiti panglacayen #D. Ara. 3:13, 14.sinulbogda dagiti umili a dawatenda ni Barrabas ket pucawenda ni Jesus.
21Idi simungbat ti gobernador, kinunana cadacuada: Siasino cadagiti dua ti cayatyo nga ibbatac cadacayo? Kinunada: ni Barrabas.
22Cuna ni Pilato cadacuada: Ania ngarud, ti aramidecto ken Jesus, a managan Cristo? Cunada amin kencuana: Mailansa coma iti cruz.
23Ket kinunana cadacuada: Apayapay? Ania aya ti dakes nga inaramidna? Ngem isuda inyic-ickisda a lumalo ti ungetda: Mailansa coma iti cruz.
24Gapuna idi nakita ni Pilato nga awan ti maalana, no di ket mabangon idin ti maysa a ririboc #Deut. 21:6.nangala iti danum ket binuggoanna dagiti imimana iti sangoanan ti adu a tao a cunana: Awan ti basolco iti dara daytoy nalinteg; kitaenyo.
25Ket amin dagiti umili simmungbatda ket kinunada: #Deut. 19:10. 2 Sam. 1:16; 3:29. Agtinnag ti darana cadacami ken cadagiti annacmi.
26Inibbatanna ngarud cadacuada ni Barrabas: ngem #Isa. 53:5. Luc. 23:16. Juan 19:1, 16.pinasaplitna ni Jesus, ket inyawatna tapno mailansa iti cruz.
27Idin #Mar. 15:16-21. Juan 19:2-5.dagiti soldado daydi gobernador, impanda ni Jesus iti #Balay ti panguloen dagiti soldado.Pretorio, ket inurnongda iti sibayna ti amin a compania.
28Ket linabusanda, ket #Luc. 23:11.kinawesanda ti maysa a cagay a nalabaga.
29Ket nanglagada ti maysa a balangat a siit, ket incabilda iti ulona, ken maysa a cawayan iti imana a macanawan; ket nagparintumengda iti sangoananna, ket inuyunganda, a cunada: Cablaawandaca, Ari dagiti Judio!
30Ket #Isa. 50:6. Mat. 26:67.tinupraanda, ket innalada daydi cawayan ket minaloda ti ulona.
31Ket calpasan ti panangangangawda kencuana, iniccatda daydi cagay, ket incabilda kencuana dagiti pagananayna met laeng, ket impanda nga ilansa iti cruz.
Ti pannacailansana!
32 #
Mat. 21:39. Heb. 13:12. Ket idi macaruarda nasaracanda ti maysa a tao a #Luc. 23:26.taga Cirene, a managan Simon; daytoy pinilitda nga awitenna daydi cruzna.
33Ket #Mar. 15:22-41.idi nacagtengda iti disso a managan ti Golgota #Luc. 23:33. Juan 19:17.a cayatna a saoen, Disso ti Bangabanga,
34Pinainumda iti #Mar. 15:23.suca a nalaocan ti apro; ket idi a naramananna, dina cayat nga ininum.
35Ket idi nailansada iti cruz #Luc. 23:34. Juan 19:23, 24.nagbibingayanda dagiti pagananayna, a naggiginnasatanda; (tapno matungpal idi ti sinao di mammadto:
Nagbibingayanda dagiti cawesco, ket ti pagananayco naggiginnasatanda:)
36Ket nagtugawda, ket isu binantayanda idiay.
37 #
Mar. 15:26. Luc. 23:38. Juan 19:19. Ket incabilda iti ngatoen ti ulona ti nacaidarumanna a naisurat: DAYTOY ISU NI JESUS NGA ARI DAGITI JUDIO.
38Idin, nailansada met a naigiddan kencuana dagiti #Luc. 23:32, 33. Juan 19:18.dua a tulisan, ti maysa iti macanawan, ket ti sabali iti macatigid.
39Ket #Sal. 22:7; 109:25.dagiti limmabas nagsasaoanda cadagiti dakes a sao, nga ingilngilangilda dagiti uloda,
40Ket cuncunada: Sica a #Mat. 26:61, 63.rebbaem ti Templo, ket iti tal-lo nga aldaw bangonem manen, isalacanmo ta bagim. No Anacnaca ti Dios, umulogca dita cruz.
41Casta met dagiti panguloen dagiti papadi agraman dagiti escriba ken dagiti panglacayen inabida, a kinunada:
42Insalacanna dagiti sabali, ti bagina saanna a mabalin nga isalacan. Isu ti Ari ti Israel, umulog ngarud ita iti cruz ket mamaticamto kencuana.
43 #
Sal. 22:8. Manginanama iti Dios; isu ti mangisalacan coma kencuana ita, no ayatenna; ta sinaona: Anacnac ti Dios.
44Dagiti tulisan nga addada a nailansa a naigiddan kencuana, casta met nakipagababida kencuana.
45 #
Luc. 23:44. Ket nanipud iti maicanem nga horas adda sipnget iti rabaw ti amin a daga, agingga iti horas a maicasiam.
46Ket idi asideg ti horas a maica siam, ni Jesus nagpuccaw iti dackel a timec a kinunana: ELI, ELI; LAMA SABACTANI? a cayatna a saoen: #Sal. 22:1.Diosco, Diosco; Apayapay binaybayannac?
47Dagiti dadduma nga addada sadiay, idi nangngegda daytoy, kinunada: Ni Elias ti ayabanna daytoy.
48Ket dagus a timmaray ti maysa cadacuada, ket nangala ti maysa nga esponja, ket impasagepsepna iti suca, ket incabilna iti maysa a #Juan 19:29.sucdal, ket impasepsepna.
49 #
Mar. 15:36. Ket dagiti dadduma kinunada: Bay-am, kitaentayo no umay ni Elias a mangisalacan kencuana.
50Ket #Luc. 23:46. Juan 19:30.ni Jesus nagpuccaw manen iti dackel a timec ket inyawatna ti cararuana.
51Ket adtoy #Ex. 26:31, 33. Luc. 23:45.ti abbong ti Templo napigis a nagcaddua nanipud ngato agingga iti baba ket #Mat. 28:2.nagkintayeg ti daga: ket dagiti bato napispisida;
52Ket dagiti tantanem naglucatda; ket adu a bangcay dagiti sasanto a matmaturog napagungarda;
53Ket rimmuarda cadagiti tanem, calpasan ti panagungarna, simrecda iti ciudad a nasantoan, ket nagparangda cadagiti adu.
54 #
Luc. 23:47. Daydi centurion ngarud, ken dagiti naicuyog kencuana nga nagbanbantay ken Jesus, idi nakitada daydi gingined ken dagiti naaramid, nagbutengda iti dackel unay, a cuncunada: Pudno nga Anac ti Dios daytoy.
55Ket addada idiay idi #Luc. 23:49. Juan 19:25.dagiti adu a babbai nga agbuybuya iti adayo, isuda a #Luc. 8:2, 8.simmurot ken Jesus nanipud idiay Galilea, nga agserservida kencuana:
56Addada idi cadacuada #Juan 19:25.ni Maria Magdalena, ni Maria nga ina da Santiago ken Jose, ken daydi #Mar. 15:40.ina dagiti annac ni Zebedeo.
Ti tanem ni Jesus.
57Ket #Mar. 15:42-47. Luc. 23:50-56. Juan 19:38-42.idi mumalemen, immay ti maysa a tao a nabacnang a taga Arimatea, a managan ti Jose, isu met idi nga adalan ni Jesus:
58Daytoy nagparang ken Pilato, ket dinawatna ti bangcay ni Jesus. Gapuna #Mar. 15:44, 45.ni Pilato imbilinna nga maited coma kencuana.
59Ket innala ni Jose ti bangcay, ket binungonna iti maysa a lupot a nadalus.
60Ket #Isa. 53:9.incabilna iti maysa a tanemna a baro a nalpasanna a kinali iti bato: ket nangitulid ti maysa a dackel a bato iti ruangan ti tanem, ket nagawid.
61Ket addada idiay idi da Maria Magdalena ken #bil. 56.daydi sabali a Maria nga agtutugaw iti sangoanan di tanem.
62Iti sumuno nga aldaw, nga isu ti aldaw a calpasan ti #Luc. 23:54. Juan 29:14, 31, 42.Panangisagana, dagiti turayen dagiti papadi ken dagiti Fariseo, napanda a nagcucuyog ken Pilato;
63Acuncunada: Apo, malagipmi a daydi manangulbod kinunana idi sibibiag pay: #Mat. 16:21; 17:23; 20:19.Inton malpas ti tal-lo nga aldaw agungaracto.
64Ibilinmo ngarud a mabantayan coma ti tanem, agingga iti maicatlo nga aldaw; di la ket ta dagiti adalanna umayda ket tacawenda, ket cunaenda cadagiti tattao: Nagungar cadagiti natay: ket ti pannacaal-lilaw a maudi dacdakesto ngem iti immuna.
65Kinunana cadacuada ni Pilato; #Mat. 28:11.Adtoy ti pagbantayenyo; incayo, aywananyo iti casayaatan nga ammoyo.
66Gapuna a napanda, ket nangicabilda ti agbantay iti tanem, a tinembrianda pay daydi bato.
Currently Selected:
MATEO 27: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
