MATEO 26

Ti panagtutulag dagiti sacerdote.

1Ket naaramid nga idi nalpas ni Jesus amin dagitoy a sao, kinunana cadagiti adalanna:

2Ammoyo nga #Mar. 14:1, 2. Luc. 22:1, 2. Juan 11:55; 13:1.iti calpasan ti dua nga aldaw umay ti Pascua, ket ti Anac ti tao mayawat tapno mailansa iti cruz.

3Idin dagiti panguloen dagiti sacerdote, ken dagiti panglacayen dagiti umili naggigimongda iti #Mar. 14:54. Juan 18:15.palacio ti cangatoan a padi, a managan #Luc. 3:2. Juan 11:49.Caifas;

4Ket ninumoda a tiliwen ni Jesus a sicapan ken papatayda.

5Ngem kinunada: Saan nga iti bayat ti fiesta, di la ket ta adda mabangon a riri cadagiti umili.

Ti panangrabii idiay Betania.

6 # Mar. 14:3-9. Luc. 7:36-50. Juan 2:1-8. Ket idi adda ni Jesus idiay #Mat. 21:17.Betania, idiay balay ni Simon nga agcucutel.

7Immasideg kencuana ti maysa a babai a nangyeg ti maysa a vaso nga alabastro, napno ti unguento a napateg unay; ket imparucpocna iti ulo ni Jesus idi adda a sisasango iti panganan.

8Ngem dagiti adalan, idi nakitada daytoy, #Juan 14:4.nagrurodda nga agcuncuna: Ania ti capapayan daytoy a panagdadael?

9Ta daytoy nga unguento nabalin coma a nalaco iti #Mar. 14:5. Juan 12:5.nangina, ket maited cadagiti napanglaw.

10Ngem ni Jesus, idi nadlawna daytoy, kinunana cadacuada: Apayapay alimutengenyo daytoy babai? ta nasayaat ti inaramidna caniac.

11Ta agnanayon nga adda cadacayo dagiti napanglaw; ngem siac saan nga agnanayon nga addaac cadacayo.

12Ta iti panangiparucpocna itoy nga unguento iti bagic, inaramidna tapno isagananac iti #Juan 19:40.pannacaitanem.

13Pudno cunac cadacayo nga uray sadino a pacaicascasabaan daytoy nga evangelio iti isu-amin a lubong, masaritanto met ti inaramid daytoy a babai a pacalaglagipan kencuana.

Ti pateg ti liput.

14Idin, #Mar. 14:10, 11. Luc. 22:3-6.ti maysa cadagiti sangapulo ket dua, daydi managan ti #Mat. 10:4; 27:3.Judas Iscariote, napan cadagiti turayen dagiti papadi.

15Ket kinunana: #Mat. 27:3.Ania ti cayatyo nga ited caniac, tapno isu iyawatyo cadacayo? Ket indiayada kencuana ti #Ex. 21:32.tal-lo pulo a bagi ti pirac.

16Ket nanipud idin nagsapul ti nasayaat a pamayan a panangyawatna cadacuada.

Ti camaudianan a Pascua: ti nasantoan a panangrabii.

17 # Mar. 14:12-16. Luc. 22:7-13. Ket idi #Ex. 12:6, 18.umuna nga aldaw ti di linevaduraan a tinapay immay dagiti adalan ken Jesus, a cuncunada: Adino ti cayatmo a pangisaganaanmi iti panganam ti pascua?

18Ket kinunana: Incayo idiay ciudad #Mar. 14:13.iti maysa a tao, ket cunayo kencuana: #Juan 11:28.Ti mannursuro cunana: #Juan 7:6, 8.Ti aldawco asidegen; umayac ditoy balaymo a mangrambac ti pascua agraman cadagiti adalac.

19Ket dagiti adalan inaramidda cas imbilin cadacuada ni Jesus, ket insaganada ti pascua.

20Ket #Mar. 14:17-21.idi mumalemen, #Luc. 22:14.isu adda a sisasango iti panganan agraman cadagidi sangapulo ket dua nga adalan.

21Ket idi mangmangan, kinunana cadacuada: #Juan 13:21.Pudno cunac cadacayo, a ti maysa cadacayo iyawatnacto.

22Ket naglidayda iti dackel unay: ket rinugian ti tunggal maysa a kinuna kencuana: Siac aya, Apo?

23Ket isu simmungbat, ket kinunana: #Juan 13:18.Dayta mangicabil ti imana iti pinggan a nakilanglang caniac, daytoy ti mangyawatto caniac.

24 # Luc. 22:22. Toy anac ti tao mapan a pudno cas iti #Luc. 24:25-27, 46.adda a naisurat kencuana: #Juan 17:12.ngem, asi pay dayta tao a gapu kencuana maiyawatto toy Anac ti tao! naimbag coma iti dayta a tao no saan coma a nayanac.

25Idin simmungbat ni Judas, daydi nangyawat idi kencuana; ket #Juan 13:26.kinunana: Siac aya, Mannursuro? Cuna kencuana ni Jesus, Nasaomon.

26 # Mar. 14:22-25. Luc. 22:19-20. 1 Cor. 11:23-25. Ket idi mangmanganda, ni Jesus nangala ti maysa a tinapay, ket binendicionanna, ket pinisina, ket intedna cadagiti adalan, ket kinunana: Alaenyo, canenyo; daytoy isu ti bagic.

27Ket nangala ti maysa nga copa; ket nagyaman ket isu intedna cadacuada, a cuncunana: Uminumcayo amin iti daytoy;

28Ta #Ex. 24:8.daytoy isu ti darac iti Baro a tulag, isu a maibuyat #Mat. 20:28.gapu cadagiti adu, a maipaay iti #Mar. 1:4.pannacaiccat dagiti basbasol.

29Ta cunac cadacayo, a #Luc. 22:18.manipud ita diacto uminumen itoy bunga ti uvas, agingga iti aldaw a pannakiinumco cadacayo iti baro #Luc. 22:30.iday pagarian ni Amac.

30Ket #Mar. 14:26-31.idi nacantadan ti #Sal. 113–118.maysa nga himno, #Juan 18:1.napanda idiay Bantay dagiti Olivo.

Mapaltiingan ni Pedro.

31Idin ni Jesus kinunana cadacuada; Dacay amin #Mat. 11:6.maitibcolcayto caniac itoy a rabii; ta adda a naisurat:

# Mat. 11:6. Cabilecto ti pastor, ket mawarawaradanto dagiti carnero ti arban.

32Ngem iti calpasan ti panagungarco #Mat. 28:7, 10, 16.innacto iti sangoananyo idiay Galilea.

33Ngem ni Pedro simmungbat, ket kinunana kencuana: No maitibcoldanto amin kenca, #Luc. 22:33.siac, uray caano diacto maitibcol.

34Ni Jesus kinunana kencuana: Pudno cunac kenca, a daytoy a rabii, #bil. 75.dinto pay agtaraoc ti cawitan mailibacnacto iti mamitlo.

35Cuna kencuana ni Pedro: #Juan 12:37.Uray pay no masapul a matayac a maicanunong kenca dicanto ilibac. Ket amin dagiti adalan casta met ti kinunada.

Ni Jesus idiay Getsemani.

36Idin dumteng ni Jesus #Mar. 14:32-42. Luc. 22:39-42, 45, 46.agraman cadacuada iti maysa a minuyungan a managan #Juan 18:1.Getsemani; ket kinunana cadagiti adalanna: Agtugawcayo ditoy, iti bayat ti ipapanco idiay nga agcararag.

37Ket incuyogna kencuana ni Pedro ken #Mat. 4:21; 17:1.dagiti dua nga anac ni Zebedeo, ket nangrugi a nagladingit ket nagtotooc unay.

38Idin ni Jesus cunana cadacuada: Ti cararuac silaladingit unay agingga iti ipapatay: agbaticay ditoy, ket makipagpuyatcay caniac.

39Ket nagna pay bassit iti masangoanan, ket inrucnoyna ti rupana ket #Heb. 5:7.nagcararag a cuncunana: Ama, no mabalin #Mat. 29:22.lumabas coma caniac daytoy a copa; ngem #Juan 5:30; 6:38. Fili. 2:8.saan a cas iti cayatco, no di cas iti cayatmo.

40Ket immay cadagiti adalanna, ket nasaracanna ida a matmaturog; ket kinunana ken Pedro: Casano? Saanyo a mabalin ti makipagpuyat caniac iti maysa nga horas?

41Agpuyatcayo ken agcararagcayo, #Efe. 6:18.tapno dicay sumrec iti pannacasulisog; pudno a #Gal. 5:17.ti nakem adda a sireregta ngem ti lasag nacapuy.

42Napan manen, iti maicadua, ket nagcararag a kinunana: O Ama, no daytoy a copa saanna a mabalin ti lumbes, no di isu inumec, maaramid coma ti pagayatam.

43Ket idi immay manen nasaracanna ida a matmaturog; ta dagiti matada addada nga agcurcuridemdem.

44Ket idi pinanawanna ida manen, napan ket nagcararag iti maicatlo, nga inulitna manen dagiti met la a sao.

45Idin immay cadagiti adalan ket cunana cadacuada: Maturogcayon ket aginanacayo: adtoy, ti horas asidegen, ket toy Anac ti tao mayawat cadagiti imima dagiti managbasol.

46Tumacdercayo, intayon; adtoy, asideg daydiay mangyawaten caniac.

Pannacatiliw ni Jesus.

47Ket #Mar. 14:43-50. Luc. 22:47-53. Juan 18:3-11.idi madama pay laeng nga agsasao, adtoy, #bil. 14, 25.ni Judas, maysa cadagiti sangapulo ket dua, immay: ket kimmuyog kencuana ti adu unay a tao a nagtagicampilan ken nagtagipang-or, iti biang dagiti turayen dagiti papadi ken panglacayen dagiti umili.

48Ket daydi mangyawat kencuana iniccanna ida ti maysa a pagilasinan, a cunana: No asino ti agepac daydiay isunto; isu tiliwenyo.

49Ket dagus nga immasideg ken Jesus, ket kinunana kencuana: Cablaawanca, Mannursuro; ket inagcanna.

50Ket ni Jesus kinunana kencuana: Gayyem, tungpalem ti panggepmo. Idin dimtengda ket iniggamanda ni Jesus ket tiniliwda.

51Ket adtoy, #Juan 18:10.maysa cadagiti adda a naicuyog ken Jesus inunnatna ti imana, ket #Luc. 22:38.inasutna ti campilanna, ket sinugatna ti tagabu ti cangatoan a padi, ket piningasanna ti maysa a lapayagna.

52Idin ni Jesus cunana kencuana: Ipulangmo ta campilanmo iti calubanna; #Apoc. 13:10.ta isu-amin dagiti mangaramat iti campilan mataydanto iti campilan.

53Wenno pagarupem aya a diac mabalin ti agdawat ken Anac, ket isu, ita met laeng, iccannacto ti nasuroc a sangapulo ket dua a #Maysa a legion, innem a ribo a tao.legion dagiti angel?

54Ngem casanonto ngarud ti pannacatungpal #bil. 24. Isa. 53:7-10. D. Un. 4:20.dagiti Sursurat, a masapul a maaramid ti castoy?

55Idi nga horas kinuna ni Jesus cadagiti adu a tao: Immawaycayo aya a nagtagicampilan ken nagtagipang-or a mangtiliw caniac cas bumusor iti maysa a tulisan? Cadagiti isu-amin nga aldaw nagtugtugawac idiay Templo a mangisursuro, ket didac tiniliw.

56Ngem amin daytoy naaramid, tapno matungpal dagiti Sursurat dagiti mammadto. Idin #Juan 18:15.dagiti amin nga adalan isu pinanawanda, ket nagtalawda.

Ni Jesus iti sangoanan ti Senedrin, wenno cangatoan a pangocoman dagiti Judio.

57Ket #Mar. 14:53-65. Luc. 22:54. Juan 18:12-15, 19-24.dagiti nangtiliw ken Jesus impanda ken #bil. 3.Caifas, a cangatoan a padi isu a nacaurnongan dagiti escriba ken dagiti lallacay.

58Ket ni Pedro isu sursurutenna idi iti adayu aginga iti paraangan ti cangatoan a padi; ket idi simrec iti uneg, nakicatugaw cadagiti adipen, tapno makitana ti pagbanaganna.

59Ket dagiti turayen dagiti papadi ken ti isu-amin a concilio agsapsapulda ti tiri a pangsacsi a macadadael ken Jesus tapno iyawatda ken patay;

60Ngem awan ti nasaracanda, uray #Sal. 27:12; 31:11.adu dagiti saan a pudno a sacsi a nagparang. Ngem iti camaudiananna, adda dua nga immay.

61A nagcuna: Daytoy kinunana; Adda pannacabalinco a #Juan 2:19.mangrebba iti Templo ti Dios, ken mangbangon manen kencuana iti tal-lo nga aldaw.

62Ket timmacder ti cangatoan a padi, ket kinunana kencuana: Awan ti sungbatmo? Ania ti sacsian dagitoy a macadadael kenca?

63Ngem #Isa. 53:7. Mat. 27:12, 14. Mar. 14:61; 15:5. Juan 19:9.ni Jesus saan a naguni. Idin daydi cangatoan a padi kinunana kencuana: #Lev. 5:1.Isapatam, gapu iti Dios a sibibiag, nga ibagam cadacami, no sica ti Cristo nga #Mar. 14:61.Anac ti Dios.

64Ni Jesus cunana kencuana: Sinaomon: Ket cunac pay cadacayo nga iti masangoanan #Mat. 16:27; 25:31, 32.makitayonto toy Anac ti tao nga agtugaw iti macanawan ti Pannacabalin nga umay iti rabaw dagiti ulep ti langit.

65Idin daydi cangatoan a padi pinigisna dagiti pagananayna a cuncunana: Nagtabbaaw: Ania ti pacasapulantayo cadagiti sacsi? Adtoy, ita nangngegyo ti tabbaaw.

66Ania ti panagcunayo? Simmungbatda, ket kinunada: #Lev. 24:16.Isu maicari iti pannacapapatay.

67Idin #Isa. 50:6. Mat. 27:30.tinupraanda ti rupana ket tinungtungpada; ket dagiti dadduma sinulongda,

68A cuncunada: #Luc. 22:64.Padtoannacami, sica, Cristo: Asino ti nangcabil kenca?

Ni Pedro ilibacna ni Jesus.

69Idin, ni Pedro adda nga agtutugaw #Mar. 14:66-72. Luc. 22:55-62. Juan 18:16-18, 25-27.iti ruar idiay #bil. 3.paraangan, ket immasideg kencuana ti maysa nga adipen a babai, a cuncunana: Ket sica nakicuycuyogca met ken Jesus a #Mat. 2:23.taga Galilea.

70Ngem isu naglibac iti sangoananda amin, a cuncunana: Diac ammo dayta cunam.

71Ket idi rimmuar iti ruangan, nakita ti sabali a babai; ket kinunana cadagiti adda sadiay: Daytoy adda met idi a makicuycuyog ken Jesus a Nazareno.

72Ket naglibac manen a nagsapata: Diac amammo dayta a tao.

73Ket idi nalabes bassit, immasideg dagiti agtatacder, ket kinunada ken Pedro: Pudno a sica maysaca met cadacuada, ta uray #Mar. 14:70. Luc. 22:59.ti panagsasaom ipadlawnaca,

74Idin nangrugi a naglunod, ken nagsapapata, a cunana: Diac amammo dayta a tao. Ket naigiddato a nagtaraoc ti maysa a cawitan.

75Ket nalagip ni Pedro daydi sao nga imbaga ni Jesus: #bil. 34. Luc. 22:61.dintopay agtaraoc ti cawitan, ilibacnacto a mamitlo. Ket rimmuar ket nagsangit iti nasaem unay.

Currently Selected:

MATEO 26: TB1973

Highlight

Copy