MATEO 25

Ti kascasaba a padto (canayon): Pangngarig dagiti sangapulo a babbalasang.

1Ti pagarian ti langit maipadisto ngarud cadagiti sangapulo a babbalasang, nga innalada dagiti pagsilawanda, ket rimmuarda nga sumabet #Mat. 9:15. Juan 3:29. Efe. 5:29, 30, 32. Apoc. 19:7; 21:2, 9.iti asawa a lalaki.

2Ket lima cadacuada ti naampang, ket lima #Mat. 13:47.dagiti manakem.

3Ta dagiti naampang, idi innalada dagiti pagsiliwanda, saanda a nangicuyog iti lana;

4Ngem dagidi manakem nangicuyogda ti lana cadagiti vasoda agraman cadagiti pagsilawanda.

5Idi ngarud nagbayag daydi novio, #1 Tes. 5:6.nagdungsada amin, ket nacaturogda.

6Ngem iti tengnga ti rabii, adda maysa nga puccaw, a cuncunana Adtoy ti novio: Rummuarcayo a sumabet kencuana.

7Idin amin dagiti babbalasang timmacderda ket tinarimaanda dagiti pagsilawanda.

8Ket dagiti naampang kinunada cadagiti manakem: Iccandacami iti lanayo, ta dagiti pagsilawanmi maiddepdan.

9Ngem dagiti manakem simmungbatda a cuncunada: Tapno di agcurang ti maipaay cadacami ken cadacayo, incayo cadagiti aglaco ket gumatangcayo ti maipaay cadacayo.

10Ket idi napanda gimmatang, dimteng ti asawa; ket #Mat. 24:44.dagiti adda a nacasagana, simrecda a kimmuyog kencuana iti pagbodaan ket #Luc. 13:25.ti ruangan napunitan.

11Idin immay metten dagiti dadduma a babbalasang nga agcuncuna: Apo, #Mat. 7:21, 22.Apo, ilucatandacami.

12Ngem simmungbat, ket kinunana: Pudno cunac cadacayo: #Mat. 7:23.Saancay nga amammo.

13Agsalucagcay ngarud, #Mat. 24:42.ta dicay ammo ti aldaw ken horas.

Ti cascasaba a padto (canayon): Pangngarig dagiti talento.#Kitaem ti nota nga adda iti babaen ti capitulo 18 iti pasetna a 24.

14Ta #Luc. 9:12-27.cas iti maysa a tao, nga mapan iti sabali a daga, inayabanna dagiti adipenna, ket inyawatna cadacuada dagiti cucuana.

15Ket intedna iti maysa ti lima a talento, intedna iti sabali ti dua, ket iti sabali intedna ti maysa; #Rom. 12:6. 1 Cor. 12:11. Efe. 4:7.iti tunggal maysa cas iti cabaelanna; ket sa napan iti viaje.

16Dagus a daydi immawat ti lima a talento, napan ket pinagsapulna, ket nacagunguna ti sabali a lima a talento.

17Casta met daydi immawat ti dua a talento, nacagunguna ti sabali a dua a talento.

18Ngem daydi immawat ti maysa, napan, ket kinutcutna ti daga, ket inlemmengna daydi pirac ni apona.

19Idi nalabes ti adu nga aldawen, immay daydi apo dagiti adipen ket inayabanna ida a kinacuenta.

20Idi nagparang daydi immawat ti lima a talento, nangyeg ti sabali pay a lima a talento, a cuncunana; Apo, lima a talento ti inyawatmo caniac; adtoy, nacagungunaac ti sabali a lima a talento.

21Ni apona kinunana kencuana: Naimbag, adipen a nalaing ken mapagtalcan; #Luc. 16:10.napagtalcanca iti bassit, isaadcanto nga agaywan iti adu; #Heb. 12:2.makipagragsacca iti Apom.

22Daydi met immawat ti dua a talento, nagparang ket kinunana: Apo, dua a talento ti intedmo caniac; adtoy, nacagungunaac ti sabali a dua a talento.

23Ni apona kinunana kencuana: Naimbag, adipen a nalaing ken mapagtalcan: napagtalcanca iti bassit, isaadcanto nga agaywan iti adu: makipagragsacca iti apom.

24Ket dimteng met daydi immawat ti maysa a talento, ket kinunana. Apo, amammoc, a taoca a nainget nga aganica iti dica nagmulaan, ket agacupca iti dica nagipuruacan.

25Gapuna nagbutengac, ket napanac ket inlemmengco ti talentom iti daga: Adtoy, alaem ti cucuam.

26Ngem simmungbat di apona, ket kinunana kencuana: Adipen a managdacdackes ken nasadut, ammom nga aganiac iti diac nagmulaan, ket agacupac iti diac nagipuruacan:

27Sica, rebbengmo coma ngarud nga inyawat ti piracco cadagiti managsucat ti pirac, tapno ita ta umayac, awatec coma ti cucuac agraman gunguna.

28Iccatenyo ngarud kencuana ti talento, ket itdenyo iti addaan ti sangapulo a talento.

29Ta iti #Mat. 13:12. Luc. 8:18; 19:26.tunggal maysa nga addaan, maiccanto pay, ket addanto kinawadwad kencuana: ngem ti awanan, uray dayta adda kencuana, maiccatto pay.

30Ket ti adipen #Luc. 17:10.nga awan capapayanna, #Mat. 8:12.ibel-lengyo iti sipnget ti ruar: idiay addanto ti panagsangit ken panagngaretnget dagiti ngipen.

Ti cascasaba a padto (panungpalan): Ti biag nga agnanayon ken dagiti dusa nga agnanayon.

31Ngem #Mat. 16:27.intono ti Anac ti tao #Mar. 8:38. Apoc. 14:10.umayto agraman iti dayagna, ken amin dagiti angel maicuyog kencuana, isu ti panagtugawnanto iti trono ti gloriana.

32Ket iti sangoananna, #2 Cor. 5:10. Apoc. 20:12.maurnongto dagiti isu-amin a nacion; ket paglalasinenanto dagiti maysa ken maysa cadagiti tao, a cas iti pastor ilasinna dagiti carnero cadagiti calding.

33Ket isaadnanto dagiti carnero iti macanawanna, ket dagiti calding iti macatigidna.

34Iti dayta cunaento #bil. 40. Apoc. 17:14; 19:16.ti ari cadagiti adda iti macanawanna: Umaycayo, bendito ni Amac, #Apoc. 21:7.tawidenyo ti #Luc. 12:32; 22:29. Sant. 2:5.pagarian a naisagana cadacayo #Mat. 13:35.nanipud idi pannacabangon ti lubong:

35Ta nagbisinac, ket iniccandac ti canen; nagwawac, ket iniccandac ti inumen; naggangannaetac, ket pinagdagusdac,

36Lamolamoac, ket kinawesandac; nagsakitac, ket kinablaawandac; naggianac idiay pagbaludan #Sant. 1:27.ket immaycayo caniac.

37Iti casta sumungbatto kencuana dagiti nalinteg, a cuncunada: Apo, Caano ti pannacakitami kenca a mabisbisinan ket tinaraonandaca, wenno mawaw ket iniccandaca ti inumen?

38Ken, Caano ti pannacakitami kenca a ganganaet, ken pinagdagusdaca; wenno lamolamo ket kinawesandaca?

39Ken, Caano ti pannacakitami kenca a masakit, wenno idiay pagbaludan ket immaycam kenca?

40Ket sumungbatto ti Ari ket cunaenna cadacuada: Pudno cunac cadacayo, a #Mat. 10:42.gapu ta inaramidyo iti maysa cadagitoy canunumoan cadagitoy cacabsatco, inaramidyo met caniac.

41Ket cunaennanto met cadagiti adda iti macatigidna: Umadayocayo caniac, nailunod, incay iti apuy #Mat. 13:40, 42.nga agnanayon, a naisagana iti #2 Ped. 2:4. Jud. 6.diablo ken #Apoc. 12:7.cadagiti angelna.

42Ta nagbisinac, ket didac iniccan ti canen, nagwawac ket didac pinainum;

43Naggangannaetac, ket didac pinagdagus; lamolamoac, ket didac kinawesan; masakitac ken addaac iti pagbaludan, ket didac sinarungcaran;

44Iti dayta sumungbatdanto met nga agcuncuna: Apo, Caano ti pannacakitami kenca a mabisbisinan, wenno mawaw wenno gangannaet, wenno lamolamo, wenno masakit, wenno idiay pagbaludan, ket didaca nagservian?

45Iti casta, sumungbatto cadacuada, nga agcuncuna: Pudno cunac cadacayo, gapu ta dicay inaramid iti maysa cadagiti canunumoan cadagitoy, dicay met inaramid caniac.

46Ket dagitoy #Juan 5:29.mapandanto iti dusa nga agnanayon; ngem dagiti nalinteg iti #Rom. 2:7; 6:23.biag nga agnanayon.

Currently Selected:

MATEO 25: TB1973

Highlight

Copy