MATEO 24

Ti cascasaba a padto: Ti pangrugian dagiti ladingit.

1Ket #Mar. 13:1-37. Luc. 21:5-36.rimmuar ni Jesus idiay Templo, ket #Mat. 21:23.mapmapan iti dalan ket dagiti adalanna immayda tapno ipakitada kencuana dagiti patpatacder ti Templo.

2Ngem isu simmungbat, ket kinunana cadacuada: Dicay makita amin dagitoy a banag? Pudno cunac cadacayo, #Luc. 19:44.awanto ti matda ditoy a maysa a bato iti rabaw ti maysa a dinto marba.

3Ket isu idi adda nga agtutugaw iti rabaw ti Bantay dagiti Olivo, dagiti adalan immasidegda kencuana nga isisuda, a cuncunada: Ibagan cadacami, caanonto ti pannacaaramid dagitoy? ket anianto ti pagilasinan iti iyaaymo, ken iti panungpalan toy lubong?

4Ket ni Jesus simmungbat, ket kinunana cadacuada: Kitaenyo ta awan coma ti mangulbod cadacayo.

5Ta adunto dagiti umay iti naganco, nga agcuncuna: Siac ti Cristo; ket adunto dagiti ulbodenda.

6Ket macangngegcayto cadagiti gubgubat, ken damdamag ti gubgubat; kitaenyo ta #2 Tes. 2:2.dicay aglagaw; ta masapul a maaramid dagitoy; ngem saan pay nga isu ti panungpalan.

7Ta tumacderto ti nacion a bumusor iti sabali a nacion, ti pagarian a bumusor iti sabali a pagarian: ket addanto bisbisin ken gingined iti nadumaduma a disso.

8Ngem amin dagitoy a banbanag isuda ti pangrugian dagiti ladingit.

9Iti dayta #Mat. 10:17, 21. Juan 15:20; 16:2.iyawatdacayto iti rigat, ket papatayendacayto; ket guraendacayto dagiti amin a nacion a gapu iti naganco.

10Ket iti dayta adunto dagiti #Mat. 11:6.maitibcol, ken agpipinnadakesto ti maysa ken maysa; ket aggugurangguranto ti maysa ken maysa.

11Ket adunto dagiti #Mat. 7:15. 1 Tim. 4:1.saan a pudno a mammadto tumacderdanto ket ulbodendanto dagiti adu.

12Ket agsipud ta agadunto ti kinadakes, ti ayat dagiti adu lumamiisto.

13Ngem ti #Mat. 10:22.agtalinaed agingga iti panungpalan maisalacanto.

14Ket daytoy #Wenno naimbag a damag.evangelio ti pagarian #Mat. 4:23. Rom. 10:18. Col. 1:6, 23.maicascasabanto iti amin a lubong tapno mangpanecnec cadagiti isu-amin a nacion; ket iti casta umayton ti panungpalan.

Ti cascasaba a padto (canayon): Ti dackel a tooc.

15Intono ngarud no makitayo ti kinarimon a #D. Ara. 6:13.mamagwalwalang a sitatacder iti nasantoan a disso, a cas insao ni #Dan. 9:27; 11:31; 12:11.Daniel a mammadto, (ti bumasa, awatenna coma),

16Mapanda coma dagiti adda idiay Judea agcamang cadagiti banbantay;

17 # Luc. 17:31. Ket ti adda idi #2 Sam. 11:2.tuctuc ti balay, saan coma a bumaba a mangala ti uray ania idiay balayna;

18Ket ti adda iti talon, saan nga agsubli coma a mangala ti cagayna.

19Ngem asi pay dagiti adda a masicog, ken dagiti agtagibi cadagita nga aldaw.

20Agdawdawatcayo ngarud, nga ti panagtalawyo saan coma nga iti calam-ecna, wenno iti aldaw a panaginana.

21Ta addanto dackel a rigat, nga nanipud idi punganay ti lubong aginga ita, awan pay casta a napasamac, ket awanto metten iti uray caano.

22Ket no dagita nga aldaw saanda coma a napaababa, awan coma ti lasag a maisalacan; ngem gapu cadagiti #bil. 24, 31. Isa. 65:8, 9; 15:22.napili dagita nga aldaw mapaababadanto.

23Iti casta #Luc. 17:23.no ti siasinoman a tao agsaonto cadacayo: Adtoy ti Cristo, wenno: Adda ditoy; dicayto patien.

24Ta tumacderdanto dagiti saan a pudno a Cristo, ken dagiti #bil. 5, 11.saan a pudno a mammadto, ket #2 Tes. 2:9, 11. Apoc. 13:13, 14; 16:14.mangipakitadanto cadagiti dadackel a pagilasinan ken datdatlag tapno mangisiasida coma no mabalin, uray pay cadagiti napili.

25Adtoy, siac imbagac nga impacpacauna cadacayo.

26No cunaendanto ngarud cadacayo: Adtoy, adda ditoy let-ang; dicay mapmapan; wenno: Adtoy cadagiti caunegan a sisiled; dicay patien.

27Ta #Luc. 17:24.cas iti kimat a rummuar iti daya, ket makita a sumilap agingga iti laud, castanto met ti yaay ti Anac ti tao.

28 # Luc. 17:37. Uray sadino nga yan ti bagi a natay, aguurnongdanto met idiay dagiti agila.

Ti cascasaba a padto (canayon); Ti iyaay ti Anac ti tao.

29Ket maigiddatonto iti calpasan ti rigat cadagita nga aldaw, a #Isa. 13:10. Eze. 32:7. Apoc. 6:12, 13.ti init agsipngetto, ket ti bulan dinto aglawag, ket dagiti bitbituen matnagdanto manipud langit, ket dagiti pannacabalin dagiti langlangit mapakintayegdanto:

30Ket iti casta #Apoc. 1:7. Dan. 7:13.agparanto ti #bil. 3.pagilasinan ti Anac ti tao iti langit; ket agdungawto dagiti amin a tribu ti daga, ket makitadanto ti Anac ti tao nga umay iti rabaw dagiti ulep ti langit, nga adda pannacabalin ken dackel a gloriana.

31Ket #Mat. 13:41.ibaonnanto dagiti angelna a buyugan ti napigsa nga uni ti #1 Cor. 15:52.trompeta, ket urnongendanto dagiti pinilina, cadagiti uppat nga angin, manipud iti maysa nga ungto ti langit agingga iti bangir.

Ti cascasaba a padto (canayon): Balacad tii panagsalucag.

32Ita iti cayo ti higos ti pagsursuroanyo iti pangngarigna: Intono ti sangana gumanusen, ket patubboenna dagiti bulbulong, ammoyo a ti ticag asideg metten.

33Castacayo met inton makitayo amin dagitoy, ammoenyo, nga isu asidegen cadagiti ruangan.

34Pudno cunac cadacayo, a #Mat. 16:28; 23:36. Mar. 13:30. Luc. 21:32.dinto pay lumabas daytoy a caputotan, maaramidton amin dagitoy a banag.

35 # Mat. 5:18. Ti langit ken daga mapucawdanto ngem dagiti saoc didanto bumurong.

36Ngem ti maipapan iti dayta nga aldaw ken horas, #bil. 42, 43. D. Ara. 1:7.awan ti macaammo na caanonto uray pay dagiti angel ti langit, uray pay met toy Anac, #Mar. 13:32.no di laeng ni Ama.

37 # Luc. 17:26, 27, 35, 36. Ket cas cadagiti aldaw ni Noe, castanto ti yaay toy Anac ti tao.

38Ta cas cadagiti aldaw nga #Gen. 3:4, 5; 7:7, 21.casangoanan ti layus, addada a mangmangan ken umininum, mangasasawa ken makias-asawa agingga iti aldaw ti iseserrec ni Noe idi daong.

39Ket dida naawatan agingga iti yaay ti layus, ket inyayusna ida amin; castanto ti yaay toy Anac ti tao.

40Iti casta addanta dua a lallaki iti talon: ti maysa maalanto, ket ti sabali mabatinto:

41Addanto dua a babai nga aggilgiling iti paggilingan: ti maysa maalanto, ket ti sabali mabatinto.

42 # Mat. 25:13; 26:38, 40, 41. 1 Tes. 5:6. Apoc. 3:2, 3; 16:15. Agsalucagcayo ngarud, #bil. 36. Mat. 25:13. Luc. 12:40.ta dicay ammo no ania nga aldaw ti iyaayto ti Apoyo.

43Ngem #Luc. 12:39-46.ammoenyo daytoy, a no ti ama ti sangacabbalayan naammoanna coma no ania nga horas ti iyaay #1 Tes. 5:2. 2 Ped. 3:10.ti mannanacaw, nagpuyat coma, ket dina coma impalubos a nabutbutan ti balayna.

44Gapuna addacay met coma a sisasagana; ta inton horas a dicay ipagpagarup toy Anac ti tao umayto.

Ti cascasaba a padto (canayon): Pangngarig dagiti dua nga adipen.

45Siasino ngarud ti #Luc. 12:42.adipen a mapagtalcan ken naannad, nga incabil ni apona nga agaywan iti sangacabbalayanna tapno iccanna ida ti taraon no pannacaipaayna?

46Nagasat daydiay nga adipen, nga masaracanto ni apona, inton umay a casta ti aramidenna.

47Pudno cunac cadacayo, nga icabilnanto nga agaywan cadagiti #Mat. 25:21, 23.amin a gamengna.

48Ngem no ti adipen a dakes cunaennanto iti pusona: Ni apoc mabayag pay nga umay;

49Ket rugiannanto a cabcabilen dagiti padana nga adipen ken makipangan ken makiinum cadagiti managbartec;

50Umayto ti apo daydiay nga adipen iti aldaw a dina panangururay, ken iti horas a dina ipagpagarup.

51Ket saplitennanto ket ipatonanto ti yanna a mairaman cadagiti #Luc. 12:46.managinsisingpet: idiay addanto ti panagsangit ken ti panagngaretnget dagiti ngipen.

Currently Selected:

MATEO 24: TB1973

Highlight

Copy