Popular Bible Verses from MATEO 24

Share

Ket agsipud ta agadunto ti kinadakes, ti ayat dagiti adu lumamiisto. Ngem ti agtalinaed agingga iti panungpalan maisalacanto.

Ket daytoy evangelio ti pagarian maicascasabanto iti amin a lubong tapno mangpanecnec cadagiti isu-amin a nacion; ket iti casta umayton ti panungpalan.

Ket macangngegcayto cadagiti gubgubat, ken damdamag ti gubgubat; kitaenyo ta dicay aglagaw; ta masapul a maaramid dagitoy; ngem saan pay nga isu ti panungpalan.

Ta tumacderto ti nacion a bumusor iti sabali a nacion, ti pagarian a bumusor iti sabali a pagarian: ket addanto bisbisin ken gingined iti nadumaduma a disso. Ngem amin dagitoy a banbanag isuda ti pangrugian dagiti ladingit.

Ti langit ken daga mapucawdanto ngem dagiti saoc didanto bumurong.

Ta adunto dagiti umay iti naganco, nga agcuncuna: Siac ti Cristo; ket adunto dagiti ulbodenda.

Iti dayta iyawatdacayto iti rigat, ket papatayendacayto; ket guraendacayto dagiti amin a nacion a gapu iti naganco. Ket iti dayta adunto dagiti maitibcol, ken agpipinnadakesto ti maysa ken maysa; ket aggugurangguranto ti maysa ken maysa. Ket adunto dagiti saan a pudno a mammadto tumacderdanto ket ulbodendanto dagiti adu.

Ket ni Jesus simmungbat, ket kinunana cadacuada: Kitaenyo ta awan coma ti mangulbod cadacayo.

Gapuna addacay met coma a sisasagana; ta inton horas a dicay ipagpagarup toy Anac ti tao umayto.

Agsalucagcayo ngarud, ta dicay ammo no ania nga aldaw ti iyaayto ti Apoyo.

Ngem ti maipapan iti dayta nga aldaw ken horas, awan ti macaammo na caanonto uray pay dagiti angel ti langit, uray pay met toy Anac, no di laeng ni Ama.

Ta tumacderdanto dagiti saan a pudno a Cristo, ken dagiti saan a pudno a mammadto, ket mangipakitadanto cadagiti dadackel a pagilasinan ken datdatlag tapno mangisiasida coma no mabalin, uray pay cadagiti napili.

Ket cas cadagiti aldaw ni Noe, castanto ti yaay toy Anac ti tao. Ta cas cadagiti aldaw nga casangoanan ti layus, addada a mangmangan ken umininum, mangasasawa ken makias-asawa agingga iti aldaw ti iseserrec ni Noe idi daong. Ket dida naawatan agingga iti yaay ti layus, ket inyayusna ida amin; castanto ti yaay toy Anac ti tao.