Popular Bible Verses from MATEO 23

Share

Ngem ti cadackelan cadacayo, isunto ti agserservi cadacayo.

Ket siasinoman nga agpasindayaw maipababanto; ket siasinoman nga agpacumbaba maitanocto.

Asicayo pay, escriba ken Fariseo, a managinsisingpet! ta agbayadcayo ti pagcapul-lo ti yerbabuena, ti anis ken ti comino, ket dicay incancano dagiti banag a napatpateg iti linteg nga isuda, ti kinalinteg, ti panangngaasi ken ti pammati. Dagitoy rebbengyo coma nga aramiden, ket dicay met bay-an dagiti dadduma.

Asicayo pay, escriba ken Fariseo, a managinsisingpet! ta ugasanyo ti ruar ti copa ken ti pinggan, ngem ti uneg napno ti kinarawet ken panaglablabes.

O Jerusalem, Jerusalem a mamapatay cadagiti mammadto, ken mangubor cadagiti maibaon kenca! Naminano a kinayatco nga urnongen coma dagiti annacmo, a cas iti maysa nga upa urnongenna dagiti piecna iti siroc dagiti payacna, ket dica kinayat!

Casta met dacayo, pudno nga iti ruar agparangcayo a nalinteg cadagiti tao; ngem iti uneg addacayo a napno iti panaginsisingpet ken iti kinadakes.