Popular Bible Verses from MATEO 27

Share

Ket idi asideg ti horas a maica siam, ni Jesus nagpuccaw iti dackel a timec a kinunana: ELI, ELI; LAMA SABACTANI? a cayatna a saoen: Diosco, Diosco; Apayapay binaybayannac?

Ket adtoy ti abbong ti Templo napigis a nagcaddua nanipud ngato agingga iti baba ket nagkintayeg ti daga: ket dagiti bato napispisida; Ket dagiti tantanem naglucatda; ket adu a bangcay dagiti sasanto a matmaturog napagungarda

Ket ni Jesus nagpuccaw manen iti dackel a timec ket inyawatna ti cararuana.

Daydi centurion ngarud, ken dagiti naicuyog kencuana nga nagbanbantay ken Jesus, idi nakitada daydi gingined ken dagiti naaramid, nagbutengda iti dackel unay, a cuncunada: Pudno nga Anac ti Dios daytoy.

Ket nanipud iti maicanem nga horas adda sipnget iti rabaw ti amin a daga, agingga iti horas a maicasiam.

Cuna ni Pilato cadacuada: Ania ngarud, ti aramidecto ken Jesus, a managan Cristo? Cunada amin kencuana: Mailansa coma iti cruz. Ket kinunana cadacuada: Apayapay? Ania aya ti dakes nga inaramidna? Ngem isuda inyic-ickisda a lumalo ti ungetda: Mailansa coma iti cruz.