Popular Bible Verses from MATEO 28

Share

Incayo ngarud, ket pagbalinenyo nga adadalan dagiti amin a nacion, a bautizaranyo ida iti nagan ni Ama, ken ti Anac, ken ti Espiritu Santo: Nga insursuroyo cadacuada nga aywananda dagiti isu-amin a banag nga inbilinco cadacayo: Ket adtoy, addaac cadacayo nga agnanayon agingga iti panungpalan ti lubong.

Ket immasideg ni Jesus cadacuada, ket kinasaona ida, a cuncunana: Isu-amin a pannacabalin naited caniac idiay langit ken iti rabaw ti daga.

Ket simmungbat di angel ket kinunana cadagiti babbai: Dicay agbuteng: ta ammoc a sapsapulenyo ni Jesus, daydi nailansa iti cruz. Awan ditoy; ta nagungaren a cas kinunana cadacayo. Umaycayo, kitaenyo ti disso a nacaitanemanna.

Idin kinuna ni Jesus cadacuada: Dicay agbuteng: incayo, ibagayo cadagiti cacabsatco a mapanda idiay Galilea, ket idiay makitadacto.

Ket dagitoy, idi addada a nakiurnong cadagidi lallacay, ken idi nacapagnunumodan, iniccanda ti adu a pirac dagiti soldado. A insursuroda ida: Cunaenyo: Dagiti adalanna immayda iti rabii ket tinacawda idi addacami a matmaturog. Ket no daytoy mangngegto ti gobernador, isu ti casaominto ket dacami ti macaammo cadacayo. Gapuna innalada daydi pirac, ket inaramidda cas naisuro cadacuada; ket daytoy a sao naiwara cadagiti Judio agingga ita nga aldaw.