MATEO 18
18
Ti cadackelan idiay pagarian ti langit.
1Iti #Mar. 9:33-37. Luc. 9:46-48.daydi nga horas dagiti adalan immasidegda ken Jesus, a cuncunada: Asino ti cadackelan idiay pagarian ti langit?
2Ket ni Jesus immayab ti maysa nga ubing a bassit, ket isu incabilna iti nagtengngaanda,
3Ket kinunana: Pudno cunac cadacayo, a no #Luc. 22:32.dicayto agsubli ken #Mat. 19:14. Mar. 10:15. Luc. 18:16.agbalin a cas la ububbing, dicayto sumrec iti pagarian ti langit.
4Iti casta, uray siasino nga agemmanto a cas itoy ubing, daytoy isu ti cadackelan idiay pagarian ti langit.
5Ket #Mat. 10:40.uray siasino nga umawatto iti maysa a casta nga ubing iti naganco, awatennac:
6Ngem #Mar. 9:42. Luc. 17:2.uray siasino a mangitibcalto iti maysa cadagitoy babassit nga ubbing a mamati caniac, nasaysayaat pay kencuana a maibattoon coma iti tengngedna ti maysa a bato ti gilingan a dackel, ket, isu maipalned coma iti caadalman ti baybay.
7Ay-ay pay ti lubong gapu cadagiti pacasairoan! Ta masapul nga umay dagiti pacasairoan: ngem asi pay dayta tao, a paggapuan ti pacasairoan!
8Ket, #Mat. 5:30. Mar. 9:43-47.no ti imam wenno ti sacam isudanto ti pacaitibcolam #Mat. 5:29.putdem, kenca ket ibel-lengmo ida: nasaysayaat kenca ti sumrec a pilay wenno pawad iti biag, ngem iti addaanca ti dua nga ima wenno dua a saca ket maitapuacca iti apuy nga agnanayon,
9Ket no ti matam isunto ti pacaitibcolam, #Mat. 5:29.suatem kenca ket ibel-lengmo: nasaysayaat kenca ti sumrec iti biag, a maymaysa ti matam ngem iti addaanca ti dua a mata ket maitapuacca iti infierno nga apuy.
10Kitaenyo ta dicay umsien ti maysa #bil. 2, 6, 14. Mat. 10:42.cadagitoy babassit nga ubbing, ta cunac cadacayo a #Sal. 34:7; 91:11. D. Ara. 12:15.dagiti angelda sadi langit agnanayon a makitada ti #Luc. 1:19.langa ni Amac nga adda sadi langit.
11 #
Mat. 9:13. Luc. 9:56; 19:10. Juan 3:17. Ta ti Anac ti tao immay tapno isalacanna #Mat. 10:6.ti napucawen.
12Ania ti panagcunayo? #Luc. 15:4-7.No ti maysa a tao adda sangagasut a carnerona ket mayaoawan ti maysa cadacuada, dinto ngata mapan cadagiti banbantay, a panawanna dagiti siam a pulo ket siam, tapno sapulenna ti nayaoawan?
13Ket no maaramid nga isu masaracanna, pudno cunac cadacayo, nga adadda a pagragsacanna daydiay, ngem dagiti siam a pulo ket siam a di nayaoawan.
14Casta met saan a pagayatan ni Amayo nga adda sadi langit, a mapucaw ti maysa cadagitoy babassit nga ubbing.
15Ket no ni cabsatmo #Luc. 17:3.macabasol kenca, inca, ibaga kencuana ti basolna a dacdacayo; no denggenna, #1 Cor. 9:19-22.naalam ni cabsatmo.
16Ngem no dinaca denggen, mangicuyugca ti maysa wenno dua pay, tapno #Deut. 19:15.gapu cadagiti dua wenno tallo a sacsi mapatalgedan ti amin a sasao.
17Ket no dina denggen ida, ipulongmo #Mat. 16:18. 1 Cor. 5:4, 5; 6:1-6.iti Iglesia: ket no dina ipangag met ti Iglesia, #Rom. 16:17. 1 Cor. 5:9. 2 Tes. 3:6, 14. 2 Juan 10.ibilangmo a Gentil ken #Mat. 5:46, 47; 9:10, 11.agsingsingir ti buis.
18Pudno cunac cadacayo, #Mat. 16:19.ti aniaman a banag a gulatanyonto ditoy daga, magalutanto idiay langit; ket ti aniaman a banag a warwaranyonto ditoy daga mawarwaranto idiay langit.
19Cunac man cadacayon, a no dagiti dua cadacayo pagnummuandanto ditoy daga ti maipapan iti aniaman a banag a dawatendanto, ni Amac nga adda sadi langit, #Mat. 7:7. 1 Juan 5:14.aramidennanto cadacuada.
20Ta no adino ti naguurnongan ti dua wenno tal-lo gapu iti naganco, addaac idiay iti nagtengngaanda.
21Idin ni Pedro immasideg ket kinunana kencuana: Apo, #bil. 15.Maminanonto a pacawanec ni cabsatco no macabasol caniac? #Luc. 17:4.Agingga ti maminpito?
22Ni Jesus cunana kencuana: Saanco a cuna nga agingat iti maminpito; #Mat. 6:14.no di ket, agingga iti maminpito pulo a pito.
23Gapuna ti pagarian ti langit maipadis iti maysa nga ari, a kinayatna ti makicuenta cadagiti adipenna.
24Ket idi a nangrugi a nagcuenta, naidatag ti maysa a nacautang kencuana ti sangapulo a ribo a #Tunggal maysa a talento capada ti dua a ribo a pisos.talento.
25Ngem gapu iti awan ti mabalinna a pagbayad, #Lev. 25:39.ni apona imbilinna nga isu malaco, agraman asawana ken #Neh. 5:5.annacna, ken amin nga adda kencuana, ket iti casta macabayad coma.
26Idin daydi adipen, nagparintumeng a nagpacpacaasi kencuana, a cuncunana: Apo, anusannac cadi bassit ket bayadacto amin kenca.
27Ket daydi apo ti adipen, idi natignay ti asina kencuana, pinalubusanna ket pinacawanna ti utang.
28Ngem idi nacaruar daydi adipen, nasaracanna ti maysa cadagiti padana nga adipen a nacautang kencuana ti sangagasut a #Mat. 20:2; 22:19.#Tunggal maysa a denario capada ti tal-lo pulo ket uppat a centavo.denario; ket tiniliwna ket bineckebeckelna a cuncunana: Bayadam ti utangmo caniac.
29Gapuna a daydi padana nga adipen, nagparintumeng ket nagpacpacaasi kencuana a cuncunana: Apo anusannac cadi ket bayadacto amin kenca.
30Ngem isu dina impangag; no di ket napan ket impisocna iti pagbaludan agingga iti mabayadanna ti utang.
31Gapuna idi nga dagiti padana a paadadipen nakitada ti napasamac, naglidayda unay ket napanda, ket impolongda iti apoda amin a napasamac.
32Ket iti casta daydi apoda isu inayabanna, ket cunana kencuana: Adipen a dakes, pinacawanco ti amin nga utangmo, ta nagpacpacaasica caniac:
33Saan aya a rebbengmo met coma a caasian ti padam nga adipen, a cas met iti panangngaasic kenca?
34Ket ni apona nagpungtot ket isu inyawatna cadagiti mangsaplit agingga iti mabayadanna amin ni inutangna kencuana.
35 #
Mar. 11:26. Sant. 2:13. Castanto met ti aramiden ni Amac a nailangitan, no ti tunggal maysa cadacayo dina pacawanen iti pusona ni cabsatna.
Currently Selected:
MATEO 18: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
