Popular Bible Verses from MATEO 18

Share

Ta no adino ti naguurnongan ti dua wenno tal-lo gapu iti naganco, addaac idiay iti nagtengngaanda.

Cunac man cadacayon, a no dagiti dua cadacayo pagnummuandanto ditoy daga ti maipapan iti aniaman a banag a dawatendanto, ni Amac nga adda sadi langit, aramidennanto cadacuada.

Ket ni Jesus immayab ti maysa nga ubing a bassit, ket isu incabilna iti nagtengngaanda, Ket kinunana: Pudno cunac cadacayo, a no dicayto agsubli ken agbalin a cas la ububbing, dicayto sumrec iti pagarian ti langit.

Iti casta, uray siasino nga agemmanto a cas itoy ubing, daytoy isu ti cadackelan idiay pagarian ti langit.

Ket uray siasino nga umawatto iti maysa a casta nga ubing iti naganco, awatennac

Pudno cunac cadacayo, ti aniaman a banag a gulatanyonto ditoy daga, magalutanto idiay langit; ket ti aniaman a banag a warwaranyonto ditoy daga mawarwaranto idiay langit.

Castanto met ti aramiden ni Amac a nailangitan, no ti tunggal maysa cadacayo dina pacawanen iti pusona ni cabsatna.

Ngem uray siasino a mangitibcalto iti maysa cadagitoy babassit nga ubbing a mamati caniac, nasaysayaat pay kencuana a maibattoon coma iti tengngedna ti maysa a bato ti gilingan a dackel, ket, isu maipalned coma iti caadalman ti baybay.

Ania ti panagcunayo? No ti maysa a tao adda sangagasut a carnerona ket mayaoawan ti maysa cadacuada, dinto ngata mapan cadagiti banbantay, a panawanna dagiti siam a pulo ket siam, tapno sapulenna ti nayaoawan?