MATEO 19

Ti panagsina dagiti agasawa.

1Ket naaramid nga idi ni Jesus #Mar. 10:1-12.nalpasna dagitoy a sao, immalis nanipud #Mat. 17:22.Galilea ket immay cadagiti #Luc. 9:51; 17:11. Juan 10:40.beddeng ti Judea, iti labes ti Jordan.

2Ket simmurot kencuana dagiti adu unay a tattao, ket pinaimbagna ida sadiay.

3Ket dagiti Fariseo, immasidegda a mangsusuut kencuana, nga cuncunada: Maipalubos iti lalaki nga #Mat. 5:31.isinana ti asawana iti amin a gapu?

4Ket isu simmungbat ket kinunana: Dicayo pay aya nabasa a ti Namarsua, nanipud idi damo, inaramidna ida a lalaki ken babai,

5Ket kinunana: #Gen. 2:24. Efe. 5:31.Gapu itoy ti lalaki panawannanto ti ama ken inana, ket makitiponto iti asawana: ket isuda a dua #1 Cor. 6:16.maymaysadanto a lasag?

6Iti casta saandan a dua, no di maymaysa a lasag. Gapuna, ti pinagtipon ti Dios a maymaysa, saan coma a pagsinaen ti tao.

7Isuda cunada kencuana: #Deut. 24:1. Mat. 5:31.Apayapay ngarud nga imbilin ni Moises ti panangted ti surat ti pannakisina, ket sa pagtalawen?

8Cunana cadacuada: Gapu iti tangken dagiti puspusoyo, impalubos ni Moises cadacayo a pagtalawenyo dagiti assawayo: ngem idi damo saan a casta.

9Ket siac cunac cadacayo, a siasinoman a mamagtalawto iti asawana a babai, no saan a maipoon iti pannakiabig, ket makiasawanto iti sabali, macabasol iti pannakiabig iti dina asawa; ket ti makiasawa iti babai a napagtalaw, macabasol iti pannakiabig iti dina asawa.

10Dagidi adalan cunada kencuana. No castoy ti casasaad ti lalaki iti asawana, saan a maipaay a mangasawa.

11Ngem kinunana cadacuada: #1 Cor. 7:2, 7, 9.Saan a dagiti amin a tao mabalinda nga awaten daytoy a sao, no saan a dagidiay #Mat. 13:11.pacaitedanna.

12Ta adda eunuco a nayanacda a casta nanipud iti tian dagiti innada, ket #1 Cor. 9:5, 15.adda eunuco nga inaramid dagiti tao, ket adda eunuco nga inaramidda iti bagida gapu iti pagarian ti langit. Ti macabalin nga umawat itoy awatenna coma.

Ni Jesus bendicionanna dagiti ubbing.

13Idin adda ubbing a babassit nga inyegda #Mar. 10:13-16. Luc. 18:15-17.kencuana, tapno ipatayna coma cadacuada dagiti imimana ken agcararag; ngem dagidi adalan inungtanda ida.

14Ngem ni Jesus, kinunana: Bay-anyo dagiti ubbing a babassit nga umay caniac, ket dicay pawilan ida, ta #Mat. 18:3.dagiti cacastoy cucuada ti pagarian ti langit.

15Ket idi a naipatayna cadacuada dagiti imimana pimmanaw sadiay.

Ti baro a bacnang.

16Ket adtoy nga immasideg kencuana #Mar. 10:17-31. Luc. 18:18-30.ti maysa a tao, ket kinunana: #Luc. 10:25-28.Mannursuro. Ania ti naimbag nga aramidecto tapno maaddaanac ti biag nga agnanayon?

17Ket kinunana kencuana: Apayapay nga agsaludsudca caniac maipoon iti naimbag? Maymaysa ti adda a naimbag. Ngem #Lev. 18:5.no calicagumam ti sumrec iti biag salimetmetam dagiti bilbilin.

18Kinunana kencuana: Aniada? Ni Jesus kinunana:

# Ex. 20:12-16. Dica mamapatay;

Dica makiabig iti saanmo nga asawa;

Dica agtacaw;

Dica agsao ti natiri a pangpanecnec;

19Dayawem da amam ken inam: ket

# Lev. 19:18. Ayatem ti caaroban a cas met iti bagim.

20Cuna kencuana di baro: Amin dagitoy tinungpalcon: Ania pay ti pagcurangac?

21Ni Jesus kinunana kencuana: No cayatmo nga #Mat. 5:48.naananayca, #Mat. 6:20. Luc. 16:9. D. Ara. 2:45; 4:34, 35.inca, ilacom ti amin nga adda kenca, ket itedmo cadagiti napanglaw ket maaddaancanto ti kinabacnang idiay langit: ket umayca, surutennac.

22Ngem idi nangngeg ti baro daytoy a sao, nagawid a sililiday; ta isu addaan adu a cucua.

23Idin ni Jesus kinunana cadagiti adalanna: Pudno cunac cadacayo, a #Mat. 13:22.ti bacnang sumrecto a narigat iti pagarian ti langit.

24 # 1 Tim. 6:9, 10. Ket cunac manen cadacayo a nalaclaca a lumsot ti maysa a camello iti abut ti maysa a dagum, ngem ti maysa a bacnang a sumrec iti pagarian ti Dios.

25Idi dagiti adalan nangngeganda daytoy nagsiddaawda la unay, a cuncunada: Asino ngarud ti maisalacanen?

26Ket ni Jesus, minatmatanna ida, kinunana cadacuada: Cadagiti tao, daytoy saan a mabalin, #Luc. 1:37.ngem iti Dios isu-amin mabalin.

27Idin ni Pedro, simmungbat, ket kinunana kencuana: Adtoy, dacami, #Mat. 4:22.pinanawanmi ti isu-amin ket sinurotdaca; anianto ngarud ti cucuami?

28Ket ni Jesus kinunana cadacuada: Pudno cunac cadacayo, dacayo a simmurot caniac, #Tit. 3:5.intono baro a pannacaparsua, intono ti Anac ti tao agtugawto iti trono ti gloriana, #Luc. 22:30. Apoc. 3:21; 20:4.agtugawcayto met cadagiti sangapulo ket dua a trono a #1 Cor. 6:2. Apoc. 2:26.mangocom cadagiti sangapulo ket dua a tribu ti Israel.

29Ket ti tunggal maysa a nangpanaw cadagiti balbalay wenno cacabsat a lallaki wenno babbai wenno ama wenno ina, wenno asawa, wenno anac, wenno dagdaga, gapu iti naganco, umawatto ti naminsangagasut a castoy, ken tawidennanto ti biag nga agnanayon.

30Ngem adu dagiti umun-una a #Mat. 20:16. Mar. 10:31. Luc. 13:30.maudidanto; ken maududi nga #Mat. 21:31, 32.umunadanto.

Currently Selected:

MATEO 19: TB1973

Highlight

Copy