DAGITI UN-UNNOY 5
5
Ti panagsagaba ti pannacacayaw masangitan.
1Lagipem, O Jehova, #Sal. 89:50.no ania ti dimteng cadacami: adtoy, ket kitaem ti pacaumsianmi.
2Ti tawidmi #Sal. 79:1.mayawat cadagiti gangannaet, dagiti balbalaymi cadagiti sangsangaili.
3Ulilacami ket awan ti ammami; dagiti innami casda la balbalo.
4Ininummi ti danummi babaen ti pirac; ti cayomi mailaco cadacami.
5Dagiti mangparigat cadacami addada cadagiti tengngedmi: nabannogcami, ket awan ti inanami.
6Intulocmi ti imami #Jer. 50:15.cadagiti Egipcios, ken cadagiti Asirios, tapno mapneccami iti tinapay.
7Dagiti ammami nagbasolda, ket awandan; ket inawitmi dagiti kinadakesda.
8Dagiti ad-adipen #Nah. 2:10, 19.iturayandacami: awan ti asinoman a mangruc-at cadacami iti imada.
9Gun-odenmi ti tinapaymi babaen ti peggad dagiti biagmi, a gapu ti campilan iti let-ang.
10Ti cudilmi #Sal. 119:83.nangisit a cas horno, maipuon iti sumsumged a pudot ti bisin.
11Pinilitda dagiti babbai #Isa. 13:16. Zac. 14:2.idiay Sion, dagiti babbalasang cadagiti il-ili ti Juda.
12Dagiti piprincipe naibitinda cadagiti imada. Dagiti rupa dagiti panglacayen #D. Un. 4:16.saanda; a nadaydayaw.
13Dagiti agtutubo a lallaki baclayenda #Oc. 16:21.ti gilingan; ket dagiti ububbing maitibcolda iti baba ti pagsungrod.
14Dagiti panglacayen binay-bayanda ti ruangan, dagiti agtutubo iti panagtocarda.
15Ti ragsac ti pusomi naawan: ti panagsalami nagbalin a ladingit.
16Ti balangat natnag nanipud iti olomi: asicami pay! ta nagbasolcami.
17Gapu itoy ti pusomi mapacsoyan; gapu cadagitoy a banbanag dagiti matami nacudrepda;
18Maipuon iti bantay Sion isu a langalang: dagiti lobo magnada iti rabawna.
19Sica, O Jehova, #Sal. 9:7; 102:12. Hab. 1:12.mataginayonca; #Sal. 45:6.ti tronom agtalinaed manipud caputotan agingga iti caputotan.
20Apay lipatannacami #Sal. 13:1.iti agnanayon, ken baybay-annacami iti castoy a cabayag?
21Isublinacami kenca, #Sal. 80:3, 7, 19. Jer. 31:18.O Jehova, ket maipulangcamto; pabaroem dagiti al-aldawmi cas idi ugma.
22Ngem sica naglictadannacami a naananay; napungtotca unay a maibusor cadacami.
Currently Selected:
DAGITI UN-UNNOY 5: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
