DAGITI UN-UNNOY 4
4
Ti pannacalacub ti Sion.
1Anian ti panagbalin ti balitoc a nacudrep! ken anian ti pannacabalbaliw ti casudian a balitoc! Dagiti batbato ti santuario maibucbucda iti #D. Un. 2:19.oloanan ti tunggal lansangan.
2Dagiti napateg nga annac ti Sion, maipadpad iti nasudi a balitoc, #Jer. 19:11. 2 Cor. 4:7.anian ti pannacaipategda cas cadagiti gorgorita a damili, ti aramid dagiti im-ima ti agdamdamili!
3Uray pay dagiti aso ti bakir iruarda ti barucongda, pasusoenda dagiti annacda: ti anac a babai ti ilic nagbalin a nadawel, a #Jer. 39:13, 17.cas cadagiti avestruz iti let-ang.
4Ti dila ti #Sal. 22:15.agsuso nga ubing dumket iti ngadasna gapu iti waw: #D. Un. 2:11, 12.dagiti annac nga ububbing dumawatda iti tinapay, ket awan ti tao a mangpispisi a maipaay cadacuada.
5Dagidiay nangnangan iti naimas addada a walangwalang cadagiti lanlansangan. Dagidiay napadackel iti escarlata #Job 24:8.aracupenda dagiti bonbonton ti pagibblengan.
6Ta ti kinadakes ti anac a babai ti ilic dacdackel ngem ti basol ti Sodoma, a #Gen. 19:25. 2 Ped. 2:6. Jud. 7.narbec iti maysa a canito, ket awan ti im-ima a kimmalbit kencuana.
7Dagiti #Num. 6:2.natan-ocna nadaldalusda idi ngem nieve, napudpudawda ngem gatas; nalablabagada idi iti bagi ngem cadagiti rubi, ti silengda casla ti zafiro.
8 Ngem itan ti langada nangisngisit ngem ti uging; saan ida a mabigbig cadagiti calcalsada: #Job 19:20. Sal. 102:5.ti cudilda dumket cadagiti tultulangda; malaylay nga agbalin a cas maysa a bislac.
9Dagidiay napapatay iti campilan nasaysayaatda ngem dagidiay napatay iti bisin; ta dagitoy cumapsutda, samayenna ida, gapu iti kinakirang dagiti bungbunga ti tanap.
10 #
D. Un. 2:20. Dagiti im-ima dagiti #Deut. 28:56, 57. 1 Ar. 3:26.naasi a babbai linutoda dagiti annacda met laeng; isuda idi ti taraonda iti pannacarbec ti anac a babai ti ilic.
11Ni Jehova tinungpalna ti ungetna, imbucbucna ti nacaamamac a pungtotna; ket ginangtanna ti apuy idiay Sion, a nangalun-un cadagiti pamuonna.
12Dagiti ar-ari ti daga, castamet dagiti amin nga agnaed ditoy lubong, dida pinati, a ti cusuppiat ken ti cabusor sumrecda coma cadagiti ruangan ti Jerusalem.
13 #
Jer. 5:31; 6:13. Eze. 22:26, 28. Sof. 3:3. Maipuon cadagiti basbasol dagiti mammadtona, ken cadagiti kinadakes dagiti papadina, #Mat. 23:31, 37.a nangiparucpuc ti dara ti nalinteg iti nagtengngaanna.
14Isuda agalla-allada cas cadagiti bulsec cadagiti calsada, natulawanda iti dara, nga iti casta dagiti tattao saanda a macalbit dagiti pagan-anayda.
15Umadayucayo, #Lev. 13:45.impuccawda cadacuada, Narugit! umadayucayo, pumanawcayo, dicayo calbiten! Idi pimmanawda ken nagalla-allada, dagiti tattao cadagiti nasnacion, kinunada, Isuda saandanton nga agdagus ditoy.
16Ti pungtot ni Jehova winarawarana ida; saannanton ida nga icancano: #D. Un. 5:12, 14.saanda a dinayaw dagiti kinatao dagiti papadi, saanda incancano dagiti panglacayen.
17Dagiti matami mapacapuyanda pay laeng iti panangimatang #Jer. 37:7.iti awan capapayanna a tulong: iti panagpadaanmi nacauraycami iti maysa a #Isa. 30:5-6.nacion a di macaisalacan.
18Anupenda dagiti addangmi, iti #2 Ar. 25:4, 6.casta dicami macapan cadagiti calsadami: ti tungpalmi asideg, dagiti al-aldawmi matungpalda; ta ti panungpalanmi dumtengen.
19Dagiti mangcamat cadacami #Jer. 4:13.nasigsiglatda ngem dagiti aguila iti tangatang: inanupandacami iti rabaw dagiti banbantay, nagsanebda cadacami iti let-ang.
20Ti anges dagiti agongmi, ti pinulotan ni Jehova, #Eze. 12:13; 19:4, 8.natiliw cadagiti bitoda; isu a nagcunaanmi, iti baba ti linongna agbiagcamto cadagiti nasnacion.
21Agragsac ken agrag-oca, O anac a babai ti Edom nga agnaed iti daga ti #Jer. 25:20.Uz: ti copa #Jer. 25:15-16.dumtengto met kenca; mabarteccanto, ket aglamolamocanto.
22Ti dusa ti kinadangkesmo natungpalen, O anac a babai ti Sion; saannacanton nga ipan iti pannacacayaw: sarungcarannanto ti kinadakesmo, O anac a babai ti Edom; lucasannanto dagiti basbasolmo.
Currently Selected:
DAGITI UN-UNNOY 4: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
