EZEQUIEL 1

Iti umuna a sirmata a maipapan cadagiti Kerubin.

1Ket naaramid idi maicatlopulo a tawen, iti bulan a maicapat, iti maicalima nga aldaw ti bulan, idi addaac cadagiti nacayawan iti denna ti carayan a Kebar, #Mat. 3:16. Juan 1:51. Apoc. 9:11.a dagiti langlangit naluctanda, ket nakitac dagiti #Eze. 8:3; 40:2.sirmata ti Dios.

2Iti maicalima nga aldaw ti bulan, nga isu idi maicalima a tawen ti #2 Ar. 24:12, 15.pannacacayaw ni ari Joakim,

3Ti sao ni Jehova dimteng a naisingayan ken ni Ezequiel a #Jer. 1:1.padi nga anac ni Buzi, idiay daga dagiti Caldeos iti denna ti carayan a Kebar; ket #Eze. 3:22; 33:22; 37:1.ti ima ni Jehova adda kencuana sadiay.

4Ket nakitac, ket adtoy, ti #Job 3:1.maysa nga angin a nadawel a #Jer. 1:13.naggapu iti amianan, maysa a dackel nga ulep, agraman apuy nga agluclucot, ken raniag iti aglicmut kencuana, ket naggapu iti tengngana ti cas bumarbara a metal, a naggapu iti tengnga ti apuy.

5Ket manipud #Apoc. 4:6.iti tengngana rimmuar ti caasping dagiti uppat a parsua a sibibiag. Ket daytoy idi ti langada: Adda cadacuada ti caasping ti tao;

6Ket tunggal maysa adda uppat a rupana, ket tunggal maysa cadacuada adda idi uppat a payacna.

7Ket dagiti sacsacada nalintegda; ket ti dapan dagiti sacsacada cas la dapan ti urbon a vaca; ket rumimatrimatda a #Dan. 10:6.cas la gambang a napasileng.

8Ket addaanda cadagiti im-ima ti tao iti baba dagiti payacda #Eze. 16:8, 21.iti uppat a sikiganda; ket isuda nga uppat adda dagiti rupada ken dagiti payacda a castoy:

9Cadagiti payac ti nacaicaptan ti maysa iti caduana; #bil. 12, 17. Eze. 10:11.saanda nga aggarfaw no magnada; agturong tunggal maysa iti turong ti rupana.

10No maipapan iti langa dagiti rupada, adda idi cadacuada rupa ti tao; ket isuda nga uppat adda idi rupa ti maysa a leon iti makincanawan; ket isuda nga uppat adda idi ti rupa ti vaca iti makincatigid; ket isuda nga uppat adda met idi ti rupa ti maysa nga aguila.

11Ket dagiti rupada ken dagiti payacda nagsinada iti ngato; dua a payac iti tunggal maysa nagcapetda ti maysa iti sabali, ket dua pangabbongda cadagiti bagida.

12Ket nagnada tunggal maysa iti turong ti rupana: #bil. 20.iti sadinoman a papanan coma ti espiritu napanda; ket awan ti panagbawing ti pannagnada.

13No maipapan iti caasping dagiti parsua a sibibiag, ti langada cas la #Sal. 18:12, 13.beggang a sumsumged #Apoc. 4:5.cas la langa dagiti alaluten a sidadarang: ti apuy ngimmato ken bimmaba iti nagtengngaan dagiti sibibiag a parsua; ket ti apuy naraniag idi, ket iti apuy rimmuar ti kimat.

14Ket dagiti parsua a sibibiag nagtarayda ken nagsublida a cas la langa ti #Dan. 10:6.kilap ti kimat.

15 # Eze. 10:2, 6. Ket bayat ti panagkitac cadagiti parsua a sibibiag, adtoy, ti maysa a pilid iti rabaw ti daga iti denna dagiti parsua a sibibiag, iti saggaysa cadagiti uppat a rupada.

16 # Eze. 10:10. Ti langa dagiti pilid ken ti pannacaaramidda cas la berilo: ket isuda nga uppat sangsangcalangada; ket ti langada ken ti pannacaaramidda cas la maysa a pilid iti uneg ti pilid.

17Idi nagnada, napanda cadagiti uppat a turongda: ket dida nagbawing idi nagnada.

18No maipapan cadagiti camada, nangatoda ket nacabutbuteng; ket dagiti cama dagiti uppat napnoda cadagiti matmata iti aglicmut.

19Ket idi nagna dagidi parsua a sibibiag, dagidi pilid kimmuyogda met iti arpadda, ket idi a dagidi parsua a sibibiag naipangatoda a naggapu iti daga, dagiti pilid naipangatoda met.

20 # bil. 12. Eze. 10:17. Uray sadino a papanan coma ti espiritu, napanda met: ket ti napanan coma ti espiritu; dagiti pilid naipangatoda iti arpadda; ta ti espiritu ti parsua a sibibiag adda idi cadagiti pilid.

21Idi nagna dagidiay, nagna dagitoy; ket idi nagsardeng dagidiay, nagsardeng dagitoy; ket idi dagidiay naipangatoda iti daga, dagiti pilid naipangatoda iti arpadda: ta ti espiritu ti parsua a sibibiag adda cadagiti pilid.

22Ket iti rabaw ti olo #bil. 25, 26. Eze. 10:1.ti parsua a sibibiag adda idi ti caasping ti tangatang, a cas la cristal a nacabutbuteng #Apoc. 4:6.a perngen, a nayucrad iti rabaw dagiti oloda.

23Ket iti siroc ti tangatang adda dagiti payacda a nalinteg, ti maysa agturong iti sabali: cadagiti bagida tunggal maysa adda dua a nangabbong iti daytoy a bacrang, ket tunggal maysa adda dua a nangabbong iti dayta a bacrang.

24Ket #Eze. 10:5.idi nagnada, nangngegco ti daranudor dagiti payacda a #Apoc. 1:15.cas la daranudor dagiti dadackel a danum, a #Job 37:4, 7. Sal. 29:3-4; 68:33.cas la timec ti #Gen. 17:1.Mannacabalin-amin; ti daranudor ti gulogulo a cas la daranudor ti buyot: idi simmardengda, imbabada dagiti payacda.

25Ket adda maysa a timec iti tangatang nga adda idi iti rabaw dagiti oloda: idi nagsardengda, imbabada dagiti payacda.

26Ket iti rabaw ti tangatang nga adda #Eze. 10:1.iti rabaw dagiti oloda adda idi ti caasping ti maysa a trono, #Ex. 24:10.a cas la kita ti bato a zafiro; ket iti rabaw daydi caasping ti trono adda cas la langa ti maysa a tao.

27Ket nakitac ti #Eze. 8:2.cas la bumarbara a metal, a cas la apuy iti unegna ti aglicmut, manipud iti caasping dagiti lomona nga agpangato; ken manipud cadagiti lomona nga agpababa, nakitac a cas la apuy, ket adda raniagna iti aglicmut kencuana.

28 # Apoc. 4:3; 10:1. A cas ti kita ti bullalayaw nga #Gen. 9:13.adda iti ulep iti aldaw ti panagtudo, casta idi ti kita ti raniag iti aglicmut. Daytoy idi ti kita ti caasping ti #Eze. 3:23; 8:4.dayag ni Jehova. #Jos. 5:14. Dan. 8:17. D. Ara. 9:4. Apoc. 1:17.Ket idi nakitac, nagpaclebac, ket nangngegco ti timec ti maysa a nagsao.

Currently Selected:

EZEQUIEL 1: TB1973

Highlight

Copy