JOSUE 19
19
Dagiti sacsacup da Simeon, Zabulon, Issachar, Aser, Nephtali, ken Dan. Timnath-sera naited ken Josue.
1Ket ti maicadua a gasat rimmuar ken Simeon, iti caputotan met laeng ni Simeon cas mayannurot cadagiti famfamiliada: ket ti #bil. 9.tawidda adda idi iti nagbaetan ti tawid dagiti annac ni Juda.
2Ket #Aginga bil. 8. 1 Cron. 4:28-33.nagun-odanda iti panagtawid, iti #Jos. 15:28.Beerseba, wenno Seba, ken Molada,
3Ken Hasar-sual, ken Bala, ken Esem,
4Ken Heltolad, ken Betul, ken Horma,
5Ken Siclag, ken Bet-marcabot, ken Hasarsusa,
6Ken Bet-lebat, ken Saruhen; sangapulo ket tallo nga il-ili agraman purpurocda:
7Ayin, Rimmon, ken Eter, ken Asan; uppat nga il-ili agraman purpurocda:
8Ken isu-amin dagiti purpuroc nga addada iti aglicmut cadagitoy nga il-ili inggana iti Baalat-beer, Ramat ti Abagatan. Daytoy isu ti tawid ti caputotan dagiti annac ni Simeon a cas mayannurot cadagiti famfamiliada.
9Nagtaud iti apag dagiti annac ni Juda isu idi ti tawid dagiti annac ni Simeon; agsipud ta ti apag dagiti annac ni Juda isu idi ti adu unay cadacuada: gapuna a dagiti annac ni Simeon adda idi tawidda iti nagtengngaan ti tawid dagidiay.
10Ket ti maicatlo a gasat rimmuar a maipaay cadagiti annac ni Zabulon a cas mayannurot cadagiti famfamiliada. Ket ti beddeng ti tawidda isu idi ti agingga iti Sarid;
11 #
Gen. 49:13. Ket ti beddengda simmang-at a nagpalaud, iti met laeng Marala, ket dimteng agingga iti Dabe-set; ket dimteng iti waig, nga adda iti sango ti Jocneam;
12Ket manipud Sarid nagsicco a nagpadaya nga agpaleleggacan ti init agingga iti beddeng ti Kislot-tabor; ket rimmuar iti Deberat, ket simmang-at iti Jafia;
13Ket manipud idiay naglayon a nagpadaya iti Gat-hefer, iti Ittakazin, ket rummuar idiay Rimmon a gumaw-at agingga iti Nea:
14Ket ti beddeng nagsicco idiay nga agpaamianan agingga iti Hanaton; ket dagiti pagruaranna addada idi idiay lobong ti Jefte-el;
15Ken Catat, ken Naalal, ken Simron, ket Ideala, ken Bet-lehem: sangapulo ket dua nga il-ili agraman purpurocda.
16Daytoy ti tawid dagiti annac ni Zabulon a cas mayannurot cadagiti famfamiliada, dagitoy nga il-ili agraman purpurocda.
17Ti maicapat a gasat rimmuar nga agpaay ken Isacar, cadagiti met laeng annac ni Isacar a mayannurot cadagiti famfamiliada.
18Ket ti beddengda isu idi ti agingga iti Jezreel, ken Kesulot, ken Sunem,
19Ken Hafaraim, ken Sion, ken Anaarat,
20Ken Rabbit, ken Cision, ken Ebes,
21Ken Ramet, ken Enganin, ken Enhadda, ken Bet-passes,
22Ket ti beddeng dimteng aginggana iti Tabor, ken Sahasim, ken Bet-semes; ket dagiti pagruaran ti beddengda addada idi idiay Jordan; sangapulo ket innem nga il-ili agraman purpurocda.
23Daytoy ti tawid ti caputotan dagiti annac ni Isacar a mayannurot cadagiti famfamiliada, dagiti il-ili agraman purpurocda.
24Ket ti maicalima a gasat rimmuar nga agpaay iti caputotan dagiti annac ni Aser a cas mayannurot cadagiti famfamiliada.
25Ket ti beddengda isu idi ti Helcat, ken Hali, ken Beten, ken Acsaf,
26Ken Alamelec, ken Amad, ken Misal: ket dimmanon agingga iti Carmel nga agpalaud, ken iti Sihorlibnat;
27Ket nagtuloy nga agturong iti leleggacan ti init nga agpa-Bet-dagon, ket dimmanon iti Zabulon, ken iti lobong ti Jefte-el, nga agpaamianan iti Bet-emec ken Naiel; ket rimmuar iti Cabul iti macatigid,
28Ken iti Hebron, ken Rehob, ken Hammon, ken Cana, #Jos. 11:8. Oc. 1:31. Isa. 23:2, 4, 12.agingga met laeng iti dackel a Sidon;
29Ket ti beddeng nagsicco agingga iti Horma, ken agingga iti nasarikedkedan nga ili ti Tiro; ket ti beddeng nagsicco agingga iti Hosa; ket dagiti pagruaranna addada idi idiay taaw iti sacup ti Aczib;
30Ken castamet ti Umma met, ken Afec, ken Rehob; duapulo ket dua nga il-ili agraman purpurocda.
31Daytoy ti tawid ti caputotan dagiti annac ni Aser a mayannurot cadagiti famfamiliada, dagitoy nga il-ili agraman purpurocda.
32Ti maicanem a gasat rimmuar idi nga agpaay cadagiti annac ni Neftali, cadagiti met laeng annac ni Neftali a cas mayannurot cadagiti famfamiliada.
33Ket ti beddengda isu idi ti manipud Helef, manipud iti lugo idiay Saanaim, ken Adami-neceb, ken Jebneel agingga iti Lacum; ket dagiti pagruaranna addada idi idiay Jordan;
34Ket ti beddeng nagsicco nga agpalaud iti Aznot-tabor, ket rimmuar manipud idiay agingga iti Hucuca; ket dimmanon agingga iti Zabulon iti abagatan, ket dimmanon iti Aser iti laud: ken iti Juda idiay Jordan nga agturong iti leleggacan ti init.
35Ket dagiti il-ili a nasarikedkedan isuda Siddim, Ser, ken Hamath, Raccat, ken Cineret,
36Ken Adama, ken Rama, ken Asor,
37Ken Cedes, ken Edrii, ken En-hasor,
38Ken Jiron, ken Migdalel, Horem, ken Bet-anat, ken Bet-semes; sangapulo ket siam nga il-ili agraman purpurocda.
39Daytoy ti tawid ti caputotan dagiti annac ni Neftali a mayannurot cadagiti famfamiliada, dagiti il-ili agraman purpurocda.
40Ti maicapito a gasat rimmuar nga agpaay iti caputotan dagiti annac ni Dan a cas mayannurot cadagiti famfamiliada.
41Ket ti beddeng ti tawidda isu idi ti Sora, ken Estaol, ken Ir-semes,
42Ken Saalabin, ken #Jos. 10:12.Ayalon, ken It-la,
43Ken Elon, ken Timna, ken Ecron,
44Ken Elteque, ken Gibeton, ken Baalat,
45Ken Jehud, ken Bene-berac, ken Gatrimon,
46Ken Mejarcon, ken Racon, agraman ti beddeng nga adda iti sango ti Joppe.
47Ket ti beddeng dagiti annac ni Dan rimmuar iti ad-adayu pay ngem iti ayanda; ta dagiti annac ni Dan simmang-atda ket gimmubatda a maibusor iti Lesem, ket isu naalada, ken kinabilda iti tadem ti campilan, ket tinagicuada, ken nagnaedda kencuana, ket ti Lesem ninaganda iti Dan, a mayannurot iti nagan ni Dan nga amada.
48Daytoy ti tawid ti caputotan dagiti annac ni Dan a mayannurot cadagiti famfamiliada, dagitoy nga il-ili agraman purpurocda.
49Iti casta tinorpusda a biningbingay ti daga iti panagtawid a gapu iti bedbeddengna: ket dagiti annac ti Israel nangtedda iti tawid ken Josue nga anac ni Nun iti nagtetengngaanda:
50Mayannurot iti bilin ni Jehova intedda kencuana ti ili nga isu dinawatna, ti met laeng #Jos. 24:30. Oc. 2:9.Timnat-sera, idiay caturodan ti Efraim; ket isu binangonna ti ili, ket nagnaed kencuana.
51 # Num. 34:30. Oc. 2:9. Dagitoy isuda ngarud dagiti tawtawid, a da Eleazar a padi, ken ni Josue nga anac ni Nun, ken dagiti pangpangolo dagiti balbalay dagiti amma dagiti capcaputotan dagiti annac ti Israel, inwarasda a maipaay iti tawid a gapu iti ginasanggasat idiay #Jos. 18:1.Silo iti imatang ni Jehova, iti ruangan ti tolda ti gimong. Castoy ti panangturposda a panangbingay iti daga.
Currently Selected:
JOSUE 19: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
