JOSUE 20
20
Ti pannacaituding dagiti il-ili a pagcamangan.
1Ket ni Jehova nagsao ken Josue, a kinunana,
2Agsaoca cadagiti annac ti Israel, a cunam, #Ex. 21:13. Num. 35:6, 11, 14. Deut. 19:2-6.Mangtudingcayo cadagiti il-ili a pagcamangan, isuda nga insaoc idi cadacayo a naaramat ni Moises.
3Tapno ti macapapatay iti siasinoman a tao a dina napuotan ket dina ginagara agtarayto coma sadiay: ket isudanto cadacayo ti pagcamangan a gapu ken bumales iti dara.
4Ket daydiay agtarayto iti maysa cadagidiay nga ili, ket agtacderto iti #Rut. 4:1, 2.pagsercan ti ruangan ti ili, ket ipalawagnanto ti panggepna cadagiti lapayag dagiti lallacay ti daydiay nga ili; ket isuda awatendanto cadacuada iti uneg ti ili, ket iteddanto kencuana ti maysa a disso, a pakinaedanna cadacuada.
5Ket no ti bumales iti dara, isu camatenna, didanto ngarud yawat ti nacapapatay iti imana; agsipud ta kinabilna ti carrubana a dina ginagara, isu a dina ginura idi unana a tiempo.
6Ket agnaedto idiay nga ili, #Num. 35:12, 24.inggana iti tumacderto iti pangocoman iti saclang ti gimong, #Num. 35:25.inggana iti ipapatay ti nangato a padi nga addanto cadagidiay nga al-aldaw: isu ti isusublinton ti nacapapatay, ket umayto iti ilina met laeng, ken iti balayna, iti ili a nagpanawanna idi.
7Ket isuda dinutocanda ti #Jos. 19:37.Cades sadi Galilea idiay caturodan ti Neftali, ken ti #Jos. 17:7.Siquem idiay #Jos. 24:33.caturodan ti Efraim, ken ti #Jos. 21:11.Kiryat-arba (nga isu met la ti Hebron) idiay caturodan ti Juda.
8Ket iti ballasiw ti Jordan idiay Jerico nga agpadaya, tinudinganda ti #Deut. 4:43. Jos. 21:36.Beser idiay let-ang idiay tanap nga aggapu iti caputotan ni Ruben, ken ti #Jos. 21:38. 1 Ar. 22:3.Ramot idiay Galaad nga aggapu iti caputotan ni Gad, ken ti #Jos. 21:27.Golan idiay Basan nga aggapu iti caputotan ni Manases.
9 #
Num. 35:15. Dagitoy isuda dagiti il-ili a natudingan nga agpaay cadagiti isu-amin nga annac ti Israel, ken iti gangannaet a makinaed cadacuada, tapno ti uray siasino a macapapatay iti tao a dina napuotan mabalinna ti agtaray sadiay ket saan a matay iti ima ti bumales iti dara, agingga iti tumacder iti saclang ti gimong.
Currently Selected:
JOSUE 20: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
