JOSUE 18
18
Ti matda ti daga mabingay. Ti sacup ni Benjamin ken dagiti il-ilina.
1Ket isu-amin a gimong dagiti annac ti Israel naguornongda idiay #Jos. 19:51; 21:2; 22:9. Jer. 7:12.Silo, ket #Oc. 18:31. 1 Sam. 1:3, 24. Sal. 78:60.namangonda iti maysa a tolda ti gimong idiay: ket ti daga naparucma iti sangoda.
2Ket natda cadagiti annac ti Israel dagiti pito a capcaputotan, isuda a dida pay biningay ti tawidda.
3Ket ni Josue kinunana cadagiti annac ti Israel, #Oc. 18:9.Casano ti cabayagyo a di mangicascaso iti ipapanyo a mangtagicua iti daga a ni Jehova a Dios dagiti ammayo intedna cadacayo?
4Mangtudingcayo cadacayo met laeng iti tallo a tattao iti tunggal maysa a caputotan: ket ibaonconto ida, ket isuda tumacderdanto, ket pagnaendanto ti daga, ket isuda mapaendanto a cas mayannurot iti tawidda; ket isuda umaydanto caniac.
5Ket isuda bingayendanto ti daga iti agcapito capaset: ni #Jos. 15:1.Juda agnaedto iti beddengna iti abagatan, ket ti #Jos. 16:1, 4.balay ni Jose agnaedto iti beddengda iti amianan.
6Ket dacayo mapaenyonto ti daga iti agcapito capaset, ket yegyonto caniac ditoy ti nacamapaanna; ket paggiginnasanggasatecto #Jos. 14:2.cadacayo iti saclang ni Jehova a Diostayo.
7 #
Num. 18:20. Jos. 13:33. Ta dagiti Levitas awan ti bingayda cadacayo: ta ti kinapadida ken Jehova isu ti tawidda: ket ni #Jos. 13:8.Gad ken ni Ruben, ken ti caguddua ti caputotan ni Manases inawatdan ti tawidda iti ballasiw ti Jordan nga agpadaya, isu a ni Moises nga adipen ni Jehova intedna cadacuada.
8Ket dagiti tattao timmacderda, ket napanda: ket ni Josue incumitna cadagiti napan a mangmapa iti daga, a kinunana, Incayo ket pagnaenyo ti daga, ket isu mapaenyo, ket umaycayonto manen caniac; ket siac paggiginnasanggasatecto cadacayo iti saclang ni Jehova ditoy Silo.
9Ket dagiti tattao napanda ket pinagnada amin a daga, ket mapada iti inilin-ili iti nagcapito capaset iti maysa a libro; ket isuda immayda ken Josue idiay pacarso sadi Silo.
10Ket ni Josue pinaggiginnasatna cadacuada idiay Silo iti saclang ni Jehova: ket ni Josue biningbingayna idiay ti daga cadagiti annac ti Israel a cas mayannurot cadagiti #Jos. 11:23; 12:7.bingbingayda.
11Ket ti gasat dagiti annac ni Benjamin rimmuar a cas mayannurot cadagiti famfamiliada: ket ti beddeng ti gasatda rimmuar iti nagbaetan dagiti annac ni Juda ken dagiti annac ni Jose.
12 #
Jos. 16:1. Ket ti beddengda iti deppaarna iti amianan isu idi ti manipud iti Jordan; ket ti beddeng simmang-at iti abay ti Jerico iti amianan, ket simmang-at iti caturodan nga agpalaud; ket dagiti pagruaranna addada idi iti let-ang ti #Jos. 7:2.Beth-aven.
13Ket ti beddeng naglayon manipud idiay agingga iti Luz, iti abay ti Luz (nga #Jos. 16:2.isu met laeng ti Bet-el), iti agpaabagatan, ket ti beddeng nagsalog inggana iti Atarot-addar, iti denna ti bantay nga adda iti abagatan ti #Jos. 10:10.Bet-horon nga akinbaba.
14Ket ti beddeng naglayon manipud idiay, ket nagsicco iti bangirna ti laud nga agpaabagatan, manipud iti bantay nga adda iti sangoanan ti Beth-oron nga agpaabagatan; ket dagiti pagruaranna addada idi idiay #Jos. 9:17.Kiryat-baal (nga isu met laeng ti Kiryat-jearim), a maysa nga ili dagiti annac ni Juda: daytoy isu ti bangirna iti laud.
15Ket ti bangirna iti abagatan manipud iti caadayuan a paset ti Kiryat-jearim; ket ti beddeng rimmuar a nagpalaud, ket rimmuar a nagturong iti ubbog dagiti dandanum ti Neftoa;
16Ket ti beddeng nagsalog inggana iti caadayuan a paset ti bantay nga adda iti sango ti tanap ti anac a lalaki ni Hinnom, nga adda iti lobong ni #Jos. 17:15.Rafaim iti amianan; ket #Jos. 15:8. 2 Ar. 23:10. Jer. 7:31, 32.nagsalog agingga iti lobong ni Hinnom, agingga iti sikigan ti Jebuseo nga agpaabagatan, ket nagsalog agingga iti #Jos. 15:7.En-rogel.
17Ket naglayon a nagpaamianan, ket rimmuar idiay Ensemes, ket rimmuar idiay Gelilot nga adda iti sangoanan ti sang-atan ti Adummim; ket nagsalog agingga iti bato ni Bohan nga anac a lalaki ni Ruben;
18Ket naglayon a nagpaamianan agingga iti sikigan a pumerreng iti Araba, ket nagsalog agingga iti Araba;
19Ket ti beddeng naglayon agingga iti sikigan ti Beth-hogla nga agpaamianan; ket dagiti pagruaran ti beddeng addada idi idiay nakinamianan a sucuc ti Baybay ti Asin idiay nakinabagatan a pungto ti Jordan: daytoy isu ti nakinabagatan a beddeng.
20Ket ti Jordan isu idi ti beddengna iti bangirna iti daya. Daytoy isu ti tawid dagiti annac ni Benjamin, cadagiti bedbeddeng nga aglicmut, a cas mayannurot cadagiti famfamiliada.
21Ita dagiti il-ili ti caputotan dagiti annac ni Benjamin a cas mayannurot cadagiti famfamiliada isuda ti #Jos. 2:1.Jerico, ken Bet-hogla, ken Casis.
22Ken Bet-araba, ken Sumaraim, ken Bet-el,
23Ken Avim, ken Para, ken Ofra,
24Ken Kefar-haammoni, ken Ofni, ken Gaba: sangapulo ket dua nga il-ili agraman purpurocda:
25Gabaon, ken Rama, ken Beerot,
26Ken Mizpa, ken Cefira, ken Moza,
27Ken Recom, ken Irpeel, ken Tarala,
28Ken Sela, ken Elef, ken #bil. 16. Jos. 15:8, 63.Jebus (nga isu met laeng ti Jerusalem), Gibeat, ken Kiryat; sangapulo ket uppat nga il-ili agraman purpurocda. Daytoy ti tawid dagiti annac ni Benjamin a cas mayannurot cadagiti famfamiliada.
Currently Selected:
JOSUE 18: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
