JOSUE 17
17
Ti sacup ni Manases. Dua nga apag a maipaay cadagiti annac ni Jose.
1Ket daytoy isu ti gasat nga agpaay cadagiti caputotan ni Manases: ta isu ti #Gen. 41:51; 46:20; 48:18.inauna nga anac ni Jose. Ta ni Maquir nga anac nga inauna ni Manases, nga ama ni #Deut. 3:13.Galaad; agsipud ta isu maysa a tao ti gubgubat, gapuna nga isu icutanna ti Galaad ken Basan.
2Iti casta ti gasat nga agpaay cadagiti #Num. 26:29, 32.dadduma nga annac ni Manases a cas mayannurot cadagiti famfamiliada: #Num. 26:30.nagpaay cadagiti annac ni Abiezer, ken cadagiti annac ni Helec, ken cadagiti annac ni Esriel, ken cadagiti annac ni Siquiem, ken cadagiti annac ni Hefer, ken cadagiti annac ni Semida: dagitoy isuda dagidi annac a lallaki ni Manases nga anac ni Jose a cas mayannurot cadagiti famfamiliada.
3Ngem ni Zelofehad, nga anac a lalaki ni Hefer, nga anac a lalaki ni Galaad, nga anac a lalaki ni Maquir, nga anac a lalaki ni Manases, awan idi ti annacna a lallaki, no di laeng babbai: ket dagitoy ti nagnagan dagiti annacna a babbai: Maala, Noa, Hogla, Milca, ken Tirsa.
4Ket isuda immadanida iti saclang ni #Jos. 14:1.Eleazar a padi, ken iti saclang ni Josue nga anac ni Nun, ken iti saclang dagiti pangpangoloen, a kinunada, Ni #Num. 27:6, 7.Jehova imbilinna ken Moises nga iccannacami iti maysa a tawid iti tengnga dagiti cacabsatmi: gapuna cas mayannurot iti bilin ni Jehova isu iniccanna ida iti maysa a tawid iti tengnga dagiti cacabsat ni amada.
5Ket sangapulo a capaset ti naipagasat #bil. 2, 3.ken ni Manases, #Jos. 13:29-31.sabali laeng ti daga ti Galaad ken Basan, nga adda iti ballasiw ti Jordan;
6Gapu ta dagiti babbai nga annac ni Manases addaanda met iti maysa a tawid iti tengnga dagiti annacna a lallaki. Ket ti daga a Galaad cucua idi dagiti natda cadagiti annac a lallaki ni Manases.
7Ket ti beddeng ni Manases isu idi ti manipud Aser agingga iti Micmetat, nga adda iti sangoanan ti #Gen. 12:6; 33:18; 37:12-14.Siquim; ket ti beddeng naglayon iti macanawan inggana cadagiti agnaed ti Tappua.
8Ti daga ti Tappua naipatagicua idi ken ni Manases; ngem ti Tappua nga adda iti igid ti sacup ni Manases naipatagicua cadagiti annac ni Efraim.
9Ket ti beddeng simmalog agingga iti waig ti Cana, iti abagatan ti waig; dagitoy nga #Jos. 16:9.il-ili naipatagicuada ken ni Efraim iti tengnga dagiti il-ili ni Manases: ket ti beddeng ni Manases adda iti makinamianan nga abay ti waig, ket dagiti pagruaranna addada iti taaw:
10Iti agpaabagatan isu ti cucua ni Efraim, ket ti agpaamianan cucua ni Manases, ket ti taaw isu ti beddengna, ket isuda gimmawatda agingga iti Aser iti amianan, ken agingga iti Issacar iti daya.
11Ket ni #1 Cron. 7:29.Manases adda cucuana idiay Issacar, ken idiay Aser ti #Oc. 1:27. 1 Sam. 31:10. 1 Ar. 4:12.Bet-sean ken dagiti il-ilina, ken Ibleam ken dagiti il-ilina, ken dagiti agnaed idiay Dor ken dagiti il-ilina, ken dagiti agnaed idiay #1 Sam. 28:7. Sal. 83:10.Endor ken dagiti il-ilina, dagiti agnaed idiay Taanac ken il-ilina ken dagiti agnaed idiay #Oc. 5:19.Megiddo ken dagiti il-ilina, a tallo met laeng a panpantoc.
12 #
Oc. 1:27, 28. Nupay casta dagiti annac ni Manases saanda a nabalin a pinagtalao dagiti agnaed cadagidiay nga il-ili; no di ket dagiti Cananeo kinayatda ti nagnaed idiay a daga.
13Ket naaramid, nga idi a dagiti annac ti Israel pimmigsada, insaadda iti #Jos. 16:10.panagtrabajo dagiti Cananeo, ket saanda a pinagtalao ida nga intalipupus.
14 #
Jos. 16:4. Ket dagiti annac ni Jose nagsaoda ken Josue, a kinunada, Apayapay a sica iniccannacami iti #Gen. 48:22.maymaysa a gasat laeng ken maymaysa a cadasig a tawid, #Gen. 48:19. Num. 26:34, 37.idinto ta siac dackelac nga ili, ta inggana ita nga tiempo ni Jehova binendicionannac?
15Ket ni Josue kinunana cadacuada, No sica dackelca nga ili, gumon-odca idiay cabakiran, ken umaenyo nga agpaay cadacayo idiay daga dagiti Perezeo ken dagiti #Gen. 14:5; 15:20.Rafaim; no cas ti #Jos. 24:33.caturodan ti Efraim nailet unay kenca.
16Ket dagiti annac ni Jose kinunada, Ti caturodan saan a macaanay cadacami: ket isu-amin dagiti Cananeos nga agnaed idiay daga ti lobong adda #Jos. 11:6.lugluganda a linandocan, agpapadada cadagidiay agnaed idiay Bet-sean ken dagiti il-ilina, ken dagiti adda idiay #Jos. 19:18. Oc. 6:33. 1 Ar. 4:11.lobong ti Jezreel.
17Ket ni Josue nagsao iti balay ni Jose, nga iti met laeng Efraim ken Manases, ket kinunana, Sica dackelca nga ili, ken icutam ti dackel a cabaelan; saanto a maymaysa laeng ti gasatmo:
18No di ket ti caturodan isunto ti cucuam; ta uray no cabakiran, umaemto, ket dagiti pagruaranna cucuamto; ta pagtalaoemto dagiti Cananeo, #Deut. 20:1. Jos. 11:6.nupay no isuda adda lugluganda a linandocan, ken nupay no isuda napigsada.
Currently Selected:
JOSUE 17: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
