JOSUE 16
16
Ti gasat a maipaay cadagiti annac ni Jose. Ti sacup ni Efraim.
1Ket ti gasat rimmuar nga agpaay cadagiti annac ni Jose nanipud iti Jordan idiay Jerico, cadagiti dandanum ti Jerico iti daya, iti met laeng let-ang, #Jos. 8:15; 18:12.sumang-at manipud Jerico iti caturodan agingga iti Bet-el;
2Ket manipud Bet-el rimmuar inggana iti #Gen. 28:19. Jos. 18:13. Oc. 1:26.Luz, ket naglayon inggana iti beddeng dagiti Arquitas inggana iti Atarot;
3Ket nagsalog a nagpalaud inggana iti beddeng dagiti Jaflateos, #Jos. 10:10.agingga iti beddeng ti Beth-horon a nakinbaba, agingga met laeng iti Gezer; ket dagiti pagruaranna addada idi iti taaw.
4Ket dagiti annac ni Jose, da Manases ken Efraim innalada ti tawidda.
5Ti beddeng dagiti annac ni Efraim a cas mayannurot cadagiti famfamiliada isu daytoy: ti beddeng ti tawidda nga agpadaya isu idi ti manipud Atarot-addar agingga iti Bet-horon a nakinngato;
6Ket ti beddeng rimmuar a nagpalaud idiay Micmetat iti amianan; ket ti beddeng nagsicco a nagpadaya inggana iti Tanat-silo, ket naglayon iti daya ti Janoa;
7Ket simmalog nanipud Janoa inggana iti Ataroth, ken inggana iti Naarat, ket gimmawat agingga iti Jerico, ket rimmuar iti Jordan.
8Manipud Tappua ti beddeng naglayon a nagpalaud agingga iti waig ti Cana; ket dagiti pagruaranna addada idi iti taaw. Daytoy isu ti tawid ti caputotan dagiti annac ni Efraim a mayannurot cadagiti famfamiliada;
9Naitipon cadagiti #Jos. 17:9.il-ili a nailasin nga agpaay cadagiti annac ni Efraim iti tengnga ti tawid dagiti annac ni Manases, isu-amin dagiti il-ili agraman purpurocda.
10 #
Oc. 1:29. 1 Ar. 9:16. Jos. 15:63; 17:12, 13. Ket isuda saanda a pinagtalao dagiti Cananeo a nagnaed idiay Gezer: no di ket dagiti Cananeo agnaedda iti tengnga ti Efraim agingga ita nga aldaw, ket #Gen. 49:15.nagbalinda nga adipen nga agaramid cadagiti narigat nga aramid.
Currently Selected:
JOSUE 16: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
