JEREMIAS 51
51
Ti panangocom ni Jehova iti Babilonia
1Castoy ti kinuna ni Jehova: Adtoy, ibangonconto a maibusor iti Babilonia, ken maibusor cadagiti agnaed idiay Leb-kamai, ti #Jer. 4:11.angin a mangdadael.
2Ket ibaonconto idiay Babilonia dagiti #Isa. 41:16. Jer. 15:7. Mat. 3:12.gangannaet a mangitaep kencuana; ket pagongaongendanto ti dagana: ta iti aldaw ti pacarigatan bumusordanto kencuana nga aglicmut.
3Ti pumapana ibiatna coma ti panana a maicaniwas iti daydiay agibibiat, ken maicaniwas iti daydiay tumacder a #Jer. 46:4.sicacabal: ket dicay isakit dagiti agtutubo a lallaki; dadaelenyo nga ikisap ti amin a buyotna.
4Ket dagiti mapapatay mapasagdanto iti daga dagiti Caldeos, ken dagiti masalput cadagiti lansanganna.
5Ta ti #Isa. 54:5, 6.Israel ken ti Juda saan a binaybay-an ti Diosda, ni Jehova dagiti buybuyot; nupay ti dagada napno iti babac a maicaniwas iti Santo ti Israel.
6Agtalawcayo #Jer. 50:8.iti tengnga ti Babilonia, ket isalacan ti tunggal maysa ti biagna; dicayo coma madadael iti kinadakesna: ta #Jer. 50:15.pannawenen ti panangibales ni Jehova; #Jer. 50:29.ipaaynanto ti supapacna.
7Ti Babilonia isu idi ti #Apoc. 17:4.copa a balitoc iti ima ni Jehova, a nagbartecan ti amin a lubong; dagiti nasnacion ininumda #Apoc. 14:8.ti aracna, gapuna dagiti nasnacion #Jer. 25:16.agmauyongda.
8Ti Babilonia natuang a kellaat ket nadadael: #Isa. 16:6. Apoc. 18:9, 11, 19.agdung-awcayo gapu kencuana; ipanyo #Jer. 46:11.ti balsamo a maipaay iti sakitna, bareng no isu maagasan pay.
9Inagasanmi coma ti Babilonia, ngem saan a naagasan: isu bay-anyo, ket mapantay coma tunggal maysa iti dagana met laeng; #Apoc. 18:5.ta ti pannacaocoma dumanon sadi langit, ket maipangato agingga met laeng cadagiti tangatang.
10 #
Sal. 37:6. Ni Jehova imparangna ti kinalintegtayo; umaycayo ket #Jer. 50:28.intayo ipalawag idiay Sion ti aramid ni Jehova a Diostayo.
11Patademenyo dagiti pana, iggamanyo a nalaing dagiti calasag: ni #bil. 28. Isa. 13:17.Jehova tinignaynan ti nakem dagiti ar-ari dagiti #2 Ar. 17:6.Medos: ta ti panggepna maibusor iti Babilonia, tapno #Jer. 50:28.dadaelenna; ta isu ti panangibales ni Jehova, ti pannacaibales ti templona.
12Ibayogyo ti maysa a #Nah. 2:1.wagayway a maibusor cadagiti bacud ti Babilonia, papigsaenyo ti agbantay, isaganayo dagiti agbantay isaganayo dagiti pagsaneban; ta ni Jehova pinanggepna ken inaramidna met ti insaona, iti maipapan cadagiti agnaed idiay Babilonia.
13O sica nga agnaed iti sibay dagiti adu a danum, adduan gamgameng ti tungpalmo dimtengen, ti rucod ti kinaagummo.
14Ni Jehova dagiti buybuyot nagsapatan babaen kencuana met laeng, a kinunana, Pudno siac punnoencanto cadagiti lallaki, a cas iti lucton; ket #Isa. 16:9. Eze. 21:22.agdir-idanto a maibusor kenca.
15 # Aginga bil. 19. Jer. 10:12-16. Inaramidna ti daga babaen ti pannacabalinna, iti kinasiribna pinatibkerna ti lubong, ken iti pannacaawatna inyucradna dagiti langlangit.
16No isu agtimec, adda daranudor dagiti danum cadagiti langit, ket paulienna dagiti alingasaw manipud cadagiti pungto ti daga; aramidenna dagiti sal-it a maipaay iti tudo, ket iruarna ti angin cadagiti paggamenganna.
17Tunggal tao agbalin a nacuneng ket awan ti ammona; tunggal mammanday iti balitoc mabainan gapu iti ladawan nga aramidenna, ta ti sinucog a ladawan ulbod, ket awan ti anges cadacuada.
18Ubbawda, aramid a pangallilaw: iti pannawen a pannacasarungcarda, mapucawdanto.
19Ti apag ni Jacob saan a cas cadagitoy; ta isu ti namarsua cadagiti amin a banbanag; ket ti Israel isu ti caputotan a tawidna; Jehova dagiti buybuyot ti naganna.
20Sica ti wasayco ti bacal #Jer. 50:23.ken igigam ti gubat: ket iti pannacaaramatmo burakecto dagiti nasnacion; ken iti pannacaaramatmo dadaelecto dagiti pagpagarian;
21Ken iti pannacaaramatmo burakecto ti cabayo ken ti agsacay:
22Ken iti pannacaaramatmo burakecto ti lugan ken ti aglugan; ket iti pannacaaramatmo burakecto ti lalaki ken babai; ken iti pannacaaramatmo burakecto ti lacay ken ti ubing; ken iti pannacaaramatmo burakecto ti baro ken balasang;
23Ket iti pannacaaramatmo burakecto ti pastor ken ti pangenna; ken iti pannacaaramatmo burakecto ti mannalon ken ti sangasangolan a vacana; ken iti pannacaaramatmo burakecto ti gobernador ken ti diputado.
24Ket isupapacconto iti Babilonia ken cadagiti agnaed idiay Caldea #D. Un. 2:9. Amos 1:5. Nah. 3:13.ti amin a kinadakesda nga inaramidda iti Sion iti imatangyo, cuna ni Jehova.
25Adtoy, maibusorac kenca, #2 Ar. 23:13. Isa. 13:2. Zac. 4:7.O bantay a manangdadael, cuna ni Jehova, sica a manangdadael iti amin a daga; ket yunnatconto ti imac kenca, ken itappuocca nga itulid cadagiti batbato, #Apoc. 8:8.ket aramidencanto a maysa a bantay a napuuran.
26Ket didanto alaen kenca ti bato a maipaay iti pasuli, #Sal. 118:22. Isa. 28:16.wenno bato a maipaay a pamuon: no di ket aglangalangcanto iti agnanayon, cuna ni Jehova.
27Ipatacderyo ti wagayway iti daga, #Jer. 4:5.pagunienyo ti tangguyob iti tengnga dagiti nasnacion, isaganayo dagiti nasnacion a maibusor kencuana, paguornongenyo a maibusor kencuana dagiti #Jer. 50:41.pagpagarian ti Ararat, Minni, ken Askenaz: pilienyo ti maysa a capitan a #Nah. 3:17.maibusor kencuana; pasang-atenyo dagiti cabcabayo a cas iti naranggas a lucton.
28Isaganayo a maibusor kencuana dagiti nasnacion, dagiti ar-ari dagiti Medos, dagiti gobernadorda, ken amin a diputadoda, ken amin a daga ti pagturayanda.
29Ket ti daga agkintayeg ken agut-ut; ta #Jer. 50:45.dagiti panggep ni Jehova a maibusor iti Babilonia mapasingkedanda, #Jer. 50:3.tapno paglangalangenna ti daga a Babilonia, nga awan ti agnaed.
30Dagiti mannacabalin a lallaki ti Babilonia indianda ti makigubat, isuda agbatida cadagiti sariked-kedda; ti bilegda naibusen; nagbalindan a cas babbai: dagiti pagnaedanda masilmutan iti apuy; dagiti balunetna #D. Un. 2:9. Amos 1:5. Nah. 3:13.mabungtolda.
31 #
2 Cron. 30:6. Maysa a mangorreo agtarayto a sumabet iti sabali, ken maysa a nabaon a sumabet iti sabali, tapno maipacaammo iti ari ti Babilonia a ti ilina #Jer. 50:26.naala iti tunggal sikigan.
32Ket #Isa. 44:27.dagiti paglasatan maalada, ken dagiti carunoan pinuuranda iti apuy, ket dagiti lallaki ti gubat mapabutnganda.
33Ta castoy ti cuna ni Jehova dagiti buybuyot, a Dios ti Israel: ti anac a babai ti Babilonia mayarig iti pagtaltagan iti pannawen ti pannacabaddebaddecna a mabaddebaddecan; iti bassit #Isa. 17:5. Apoc. 14:5.pay dumtengton ti pannawen ti panagapit a maipaay kencuana.
34Ni Nabucodonosor nga ari ti Babilonia inalun-unnac, rinumecnac, pinagbalinnac nga alicamen nga ongaong, cas maysa a dragon inalun-unnac, pinunnona ti tianna cadagiti naimas a cancanec; #Apoc. 3:16.isu imbellengnac.
35Ti ranggas a naaramid caniac ken iti lasagco agdisso coma iti Babilonia, cunaento ti agnaed iti Sion; ket, Ti darac agdisso coma cadagiti agnaed idiay Caldea, cunaento ti Jerusalem.
36Gapuna castoy ti cuna ni Jehova: Adtoy, #Jer. 50:34.salacnibacto ti panggepmo, ket agibalesacto ti maipaay kenca; ket pagmagaecto ti baybayna, ken ti ubbugna pasardengecto.
37Ket ti Babilonia agbalinto #Isa. 25:2.a gabgabsuon, a pagtaengan dagiti aso ti bakir, maysa a #Jer. 18:16.pagsidaawan, ken pagsanamtican, nga awan ti agnaed.
38 #
Amos 3:4. Aguungordanto a cas cadagiti ururbon ti leon, agugadanto a cas cadagiti annac ti #Nah. 2:12.leon.
39Intono mapapudotda, aramidecto ti rambacda, ket pagbartekecto ida, tapno agragsacda, ket maturogda iti agnanayon a turog, ket dida agriingen, cuna ni Jehova.
40Paulogecto ida a cas cadagiti cordero, iti pagpartian, a cas cadagiti carnero a lallaki agraman cadagiti #Jer. 50:8.calding a lallaki.
41Anian ti pannacaala ti #Jer. 25:26.Sesac! ken ti pannacapasardeng ti #Jer. 49:25.panagdayaw ti amin a lubong! anian ti panagbalin ti Babilonia a langalang iti tengnga dagiti nasnacion!
42Ti baybay rimmabawen iti Babilonia; maabbongan iti kinaadu dagiti dalluyonna.
43Dagiti il-ilina nagbalindan a langalang, a namaga a daga, ken let-ang, daga nga awan matagtagitao, awan met ti anac ti tao a lumabas sadiay.
44Ket ocomecto ni Bel #Jer. 50:2.idiay Babilonia, ket iruarconto iti ngiwatna ti naalimunna; ket #bil. 34. Esd. 1:7.dagiti nasnacion didanto mapanen kencuana: wen, ti bacud ti Babilonia matuangto.
45Ilic, rumuarcayo iti tengngana, ket isalacanyo dagiti bagiyo met laeng, tunggal tao manipud iti narungsot a pungtot ni Jehova.
46Ket saan coma nga agcapuy ti pusoyo, dicayo met agbuteng gapu cadagiti damdamag a mangngeganto iti daga; ta dagiti damdamag umaydanto iti maysa a tawen, ket calpasan dayta iti sabali a tawen dagiti damdamag ken ranggas iti daga, ti agturay a maibusor iti agturay.
47Adtoy, ngarud dagiti al-aldaw dumtengda a #bil. 52. Jer. 50:2.siac ocomecto dagiti ladladawan a kinitikitan ti Babilonia; ken ti amin a dagana mariribucto; ket amin a mapapatay kencuana mapasagdanto iti tengngana.
48Iti casta #Isa. 44:23. Apoc. 18:20.dagiti langlangit, ken ti daga ken ti amin nga adda cadacuada agcantadanto gapu iti rag-o maipapan iti Babilonia; #Jer. 50:3.ta dagiti mangdadael umaydanto kencuana manipud iti amianan, cuna ni Jehova.
49Cas ti Babilonia impasagna dagiti napapatay ti Israel, casta met laeng mapasagto idiay Babilonia dagiti napapatay iti amin a daga.
50Dacayo a nacalisi iti campilan, incayo, dicayo agtactac; lagipenyo ni Jehova manipud iti adayu, ket panunutenyo coma ti Jerusalem.
51Mariribuccami, ta mangngegmin #Sal. 44:15, 16; 79:4.ti pannacaumsi; ti pannacariribuc abbonganna dagiti rupami: ta #D. Un. 1:10.dagiti gangannaet simrecda cadagiti santuario ti balay ni Jehova.
52Gapuna, adtoy, dagiti al-aldaw dumtengda, cuna ni Jehova, tapno ocomecto dagiti ladladawanna a kinitikitan; ket iti amin a dagana agasugto dagiti nasugatan.
53Nupay no ti Babilonia ngumato coma #Isa. 14:13. Jer. 49:16.agingga iti langit, ket nupay no palagdaenna ti cangato ti pigsana, nupay casta iti biangco umayto kencuana dagiti mangdadael, cuna ni Jehova.
54Ti aweng ti dir-i manipud #Jer. 50:22.Babilonia, ken daranudor ti dackel a pannacadadael a naggapu iti daga dagiti Caldeos.
55Ta ni Jehova paglangalangenna ti Babilonia, ket pucawenna kencuana ti dackel nga ungurna; ket dagiti dalluyonda agungorda cas cadagiti adu a dandanum; ti aweng ti timecda mayebcas:
56Ta ti mangdadael dimtengen kencuana, iti met laeng Babilonia, ket dagiti lallakina a mannacabalin maalada, dagiti ba-ida mabungtolda; #Sal. 94:1; 137:8. Isa. 59:18.ta ni Jehova isu ti Dios dagiti pangsupapac, supapacannanto a di bumurong.
57Ket pagbartekecto dagiti piprincipena ken #bil. 39.dagiti mamasiribna, dagiti gobernadorna ken diputadosna, ken dagiti lallakina a mannacabalin; ket maturogdanto iti agnanayon a turog, ket didanto agriingen, cuna ti Ari, a ti naganna Jehova dagiti buybuyot.
58Castoy ti cuna ni Jehova dagiti buybuyot: Dagiti nalawa a bacud ti Babilonia marbadanto a maikisap, ket dagiti nangato a ruanganna mapuurandanto iti apuy; #Hab. 2:13.ket dagiti inilin-ili agbannogdanto nga agpaay iti kinaubbaw, ken dagiti nasnacion nga agpaay iti apuy; ket mabannogandanto.
59Ti sao a ni Jeremias a mammadto imbilina ken Seraya, nga anac a lalaki ni Nerias, nga anac a lalaki ni Maasias, idi napan agraman ken Sedekias nga ari ti Juda idiay Babilonia iti maicapat a tawen ti panagarina. Ket ni Seraya ti cangatoan nga agaywan idi cadagiti siled.
60Ket ni Jeremias insuratna iti maysa a libro ti amin a dakes a dumteng coma iti Babilonia, #Jer. 50:1–51:58.amin dagitoy met laeng a sasao nga adda a naisurat maipapan iti Babilonia.
61Ket ni Jeremias kinunana ken Seraya, Intono dumtengca idiay Babilonia, kitaem ngarud ta basaem amin dagitoy a sasao,
62Ket cunam, O Jehova, nagsaocan iti maipapan itoy a disso, a pucawem, tapno awanto ti agnaed kencuana, tao man wenno animal, no di ket langalangto iti agnanayon.
63Ket, intono malpas ti panagbasam itoy a libro, igalutmonto kencuana ti maysa a bato, ket ibellengmo iti tengnga ti Eufrates;
64Ket cunamto, Castoyto ti ilelenned ti Babilonia, ket dinto bumangon manen maipuon iti dakes nga yegconto kencuana; ket mabannogandanto. #Jer. 48:47.Agingga ditoy dagiti sasao ni Jeremias.
Currently Selected:
JEREMIAS 51: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
