JEREMIAS 50
50
Ti Babilonia madadaelto, ket ti Israel maispal.
1Ti sao nga insao ni Jehova a #Isa. 13:1–14:27; 21:1-10; 47:1.maipapan iti Babilonia, ken iti daga a Caldea babaen ken Jeremias a mammadto.
2Ipalawagyo cadagiti nasnacion ket iwarragawagyo, ket ipatacderyo ti wagayway, iwarasyo ket dicayo ilimed: cunayo, Ti Babilonia naalan, #Isa. 46:1. Jer. 51:44.ni Bel mabainan, #2 Ar. 20:12.ni Merodac agcullayaw; dagiti ladawanna a kinitikitan mabainanda, dagiti diosenna agcullayawda.
3Ta manipud iti amianan #Isa. 41:25. Jer. 51:48.umay timaysa a nacion a maibusor kencuana, a pagbalinennanto ti dagaa a langalang, ket awanto ti agnaed sadiay: nagtaraydan, napandan tao ken animal agpadpada.
4Cadagita nga al-aldaw ken iti dayta a pannawen, cuna ni Jehova, dagiti annac ti Israel #Jer. 3:18. Isa. 37:22.umaydanto, isuda ken maicanunong dagiti annac ti Juda; #Sal. 126:5, 6. Jer. 31:9, 18. Zac. 12:10.maipandanto nga agsangsangit, iti dalanda ket #Os. 3:5.sapulendanto ni Jehova a Diosda.
5Umintuuddanto a maipapan iti Sion a dagiti rupada sisasango sadiay a cunada, Umaycayo: ket tumiponcayo ken Jehova iti maysa a tulag nga agnanayon a #Jer. 32:40.dinto malipatan.
6Ti ilic napucawda a carcarnero: dagiti paspastorda inyawawanda ida; #Jer. 2:20; 3:6, 23.pinasiasida ida cadagiti banbantay; napanda manipud bantay agingga iti turod; nalipatanda ti paginanaanda.
7Amin a nacasarac cadacuada inalununda ida; ket dagiti casupadida #Zac. 11:5.kinunada, Saancami a nacabasol, agsipud ta nacabasolda a maicaniwas ken Jehova, a #Jer. 31:23.pagnaedan ti kinalinteg, ni met laeng Jehova, nga inanama dagiti ammada.
8Agtalawcayo iti tengnga ti Babilonia, ket rumuarcayo iti daga dagiti Caldeos, ket agbalincayo a cas cadagiti calding a lallaki iti sango dagiti pangen.
9Ta adtoy, tignayecto ket pasangatecto a maibusor iti Babilonia #Jer. 25:26.ti maysa a bonggoy dagiti dadackel a nacion nga aggapu iti daga nga akinamianan ket aguornosdanto a maibusor kencuana; manipud sadiay maalanto: dagiti panada casdanto la iti maysa a nalaing a lalaki a mannacabalin; #2 Sam. 1:22.awanto ti agsubli a barengbareng.
10Ket ti Caldea agbalinto a samsam: amin a mangsamsam kencuana mapnecdanto, cuna ni Jehova.
11Gapu ta naragsaccayo #Isa. 47:6.gapu ta agrac-ocayo, O dacayo nga agsamsam iti tawidco, gapu ta naliwaycayo a cas maysa nga urbon ti vaca nga agregnas ti trigo, ket aggaraigicayo a cas cadagiti napigsa a cabayo;
12Ni inayo mabainanto a naananay; daydiay nangyanac cadacayo marironto: adtoy, isunto ti caudian cadagiti nasnacion, maysa a let-ang, namaga a daga, ken langalang.
13Maipuon iti pungtot ni Jehova isu saanto a manaedan, no di ket aglangalangto a naananay: tunggal #Jer. 49:17.maysa a lumabas iti Babilonia masdaawto, ket agsanamticto maipuon cadagiti amin a didigrana.
14Aguornoscayo a maibusor iti Babilonia nga aglicmut, dacayo amin a mangbiat ti ba-i; isu ti panaenyo, dicayo medmedan dagiti panpana: ta isu nagbasol a maicaniwas ken Jehova.
15Agdir-icayo a maibusor kencuana nga aglicmut; isu tumuloken; dagiti sarikedkedna matuangen dagiti bacudna marpuugdan, ta isu ti pangbales ni Jehova: agibalescayo kencuana; #Jer. 51:6.cas ti inaramidna, casta ti daramidenyo kencuana.
16Pucawenyo ti agmulmula a taga Babilonia, ken ti agtagicumpay iti pannawen ti panagani; maipuon iti buteng iti campilan a mangparigat isuda #Isa. 13:14. Jer. 51:9.agsublidanto tunggal maysa iti ilina, ket agtalawdanto tunggal maysa mapan iti dagana met laeng.
17Ti Israel maysa a #bil. 6.carnero a maanupan; isu pinagtalaw #Jer. 2:15.dagiti leon; umuna #2 Ar. 17:6; 24:10, 14.ti ari ti Asiria ti nangalun-un kencuana; ket iti camaudiananna ni Nabucodonosor nga ari ti Babilonia tinuccolna dagiti tultulangna.
18Gapuna a castoy ti cuna ni Jehova dagiti buybuyot, a Dios ti Israel: Adtoy, dusaecto ti ari ti Babilonia ken ti dagana, a #Isa. 14:24, 25.cas ti panangdusac iti ari ti Asiria.
19Ket iyegconto manen ti Israel #Jer. 33:12. Eze. 34:13, 14.iti pagarabanna, ket agarabto idiay Carmelo ken Basan, ket ti cararuana mapnecto iti rabaw dagiti turturod ti Efraim ken sadi Galaad.
20Cadagita nga al-aldaw ken dagita a pannawen, cuna ni Jehova, #Jer. 31:34.ti kinadangkes ti Israel masapulto, ket awanto; ken dagiti basbasol ti Juda, ket saandanto a masaracan: ta pacawanecto dagidiay natda nga #Isa. 1:9.imbatic.
21Sumang-atca a maibusor iti daga a Merataim, a maibusor met laeng kencuana, ken maibusor cadagiti agnaed sadi Pekod: papatayen ken dadaelem ida a talipupusen, cuna ni Jehova, ket aramidem cas mayannurot iti amin nga imbilinco kenca.
22Maysa a daranudor ti gubat #Jer. 51:54.adda iti daga, ken iti dackel a pannacadadael.
23Anian ti panagputed #Isa. 14:6. Jer. 51:20.ken panagburac ti malo ti isu-amin a lubong! anian ti panagbalin ti Babilonia a langalang, iti tengnga dagiti nasnacion!
24Incabilco ti maysa a silo a maipuon kenca, ket matiliwca met, O Babilonia, ket isu saanmo a naammoan: masaracanca ken matiliwca met, gapu ta inaramidmo ti maibusor ken Jehova.
25Ni Jehova linuctanna dagiti pagidulinan #Isa. 13:5.cadagiti igamna, ket inruarna dagiti igam ti pungtotna; ta ti Apo, ni Jehova dagiti buybuyot, adda aramidenna iti daga dagiti Caldeos.
26Bumusorcayo kencuana manipud iti caadayuan a beddeng; luctanyo dagiti agamangna; isu ipalladawyo a cas cadagiti gabsuon, ket dadaelenyo a talipupusen; isu maibus coma.
27Patayenyo #Sal. 22:12. Isa. 34:7.amin a vacvacana a lalaki; bay-anyo ida a #Jer. 48:15.sumalog iti pagpartian: asida pay! ta ti aldawda addan, ti pannawen ti #Jer. 46:21; 48:44.pannacasucnalda.
28Ti timec dagidiay nga agtaray ken agtalaw iti daga a Babilonia, tapno #Sal. 64:9.maiwarragawag idiay Sion ti #Jer. 51:10.panangibales ni Jehova a Diostayo, ti pannacaibales ti templona.
29Paurnongyo dagiti pumapana a maibusor iti Babilonia, dagiti amin a mangbiat ti ba-i; agpacarsocayo a maibusor kencuana nga aglicmut; awan coma ti macatalaw; #Jer. 25:14; 51:6, 24, 26. Apoc. 18:6.isu supapacanyo a mayalubog ti aramidna; cas mayannurot iti isu-amin nga inaramidna, aramidenyo kencuana, ta #Isa. 47:10.isu natangsit idi a maibusor ken Jehova, a maibusor iti Santo ti Israel.
30Gapuna a dagiti agtutubo a lallakina mapasagdanto cadagiti lansanganna, ken isu-amin dagiti lallakina ti gubat mapaulimecdanto iti dayta nga aldaw, cuna ni Jehova.
31Adtoy, maibusorac kenca, O sica a natangsit, cuna ti Apo, ni Jehova dagiti buybuyot; ta ti aldawmo addan, ti pannawen ti isusucnalco kenca.
32Ket ti natangsit maitibcolto ken matuang, ket awanto ti mangbangon kencuana; ket silmutacto dagiti il-ilina iti apuy, ket alun-unennanto ti amin nga adda iti aglicmut kencuana.
33Castoy ti cuna ni Jehova dagiti buybuyot: #bil. 17.Dagiti annac ti Israel ken dagiti annac ti Juda maparigatda a maicanunong; ket isu-amin a nangcayaw cadacuada igawidda ida; madida a palubosan ida.
34 #
Isa. 43:14. Ti Mannubbotda nabileg; ni #Jer. 10:16.Jehova dagiti buybuyot ti naganna; #Isa. 51:22. Jer. 51:36.isu salacnibannanto a naananay ti panggepda, tapno maitedna ti inana iti daga, ken riribuc cadagiti agnaed sadi Babilonia.
35Ti campilan agdisso cadagiti Caldeos, cuna ni Jehova, ken cadagiti agnaed sadi Babilonia, ken cadagiti piprincipena, ken cadagiti mamasiribna.
36Ti campilan agdisso cadagiti agpasindayag, ket agbalindanto a #Jer. 5:4.maag; ti campilan agdisso cadagiti lallakina a mannacabalin, ket agcullayawdanto.
37Ti campilan agdisso cadagiti cabayoda, ken cadagitiluganda, ken cadagiti amin a mailaoc nga #Jer. 25:20.il-ili nga adda iti tengngana; ket #Jer. 51:30.agbalindanto a cas babbai: ti campilan agdisso cadagiti gamengna, ket matacawdanto.
38 #
Isa. 44:27. Ti ticag adda cadagiti dandanumna, ket mamagaandanto; ta isu ti daga dagiti #Jer. 51:47, 52.ladladawan a kinitikitan, ket agmauyongda a maipapan cadagiti didiosen.
39Gapuna a dagiti naatap nga animal ti let-ang agraman cadagiti lobo agnaeddanto sadiay, ken sadiay agnaedto dagiti avestruz: ket #Isa. 13:20.dinto matagitaoan iti agnanayon; ket dinto manaedan manipud caputotan agingga iti caputotan.
40Cas idi panangrebba #Jer. 49:18.ti Dios iti Sodoma ken Gomorra ken dagiti il-ili a caparangetda, cuna ni Jehova, iti casta awanto ti tao nga agnaed sadiay, wenno anac ti tao nga agdagus sadiay.
41Adtoy, maysa nga ili umay nga #Jer. 6:22-24; 25:14; 51:27.aggapu iti amianan; ken dackel a nacion ken adu nga ar-ari mariingdanto manipud cadagiti pungto ti daga.
42Agiggemda iti ba-i ken pica; nadawelda, ket awan ti asida; ti timecda agungor a cas iti baybay; ket agsacayda cadagiti cabayo, tunggal maysa sioornos a cas ti tao iti gubat, a maibusor kenca, O anac a babai ti Babilonia.
43Ti ari ti Babilonia nangngegnan dagiti damdamag a maipapan cadacuada ket dagiti im-imana agcapuyda; ti ladingit ti nangtengngel kencuana, ken ut-ut a cas iti babai nga agpasical.
44Adtoy, ti cabusor sumang-atto a #Jer. 49:19, 20.cas leon nga aggapu iti kinalabiang ti Jordan a maibusor iti nalagda a pagnaedan: ta pagtarayecto ida a pettat nga aggapu kencuana; ket ti siasinoman a mapili daydiay dutocacto iti ngatoenna; ta siasino ti cas caniac? ket siasino ti mangikeddeng caniac ti maysa a pannawen? ket siasino #Isa. 41:28.ti pastor a macatacder iti sangoc?
45Ngarud #Isa. 14:24. Jer. 51:11.denggenyo ti pammagbaga ni Jehova, a pinanggepna a maibusor iti Babilonia: ken dagiti panggepna nga insicatna a maibusor iti daga dagiti Caldeos: Kinapudnona guyodendanto ida nga yadayu, dagiti met laeng babassit iti arban; pudno a pagbalinennanto ti pagnaedanda a langalang agraman cadacuada.
46Maipuon iti daranudor iti pannacacayaw ti Babilonia #Jer. 8:16.ti daga agkintayeg, ket ti ickis mangngegan iti nagtengngaan dagiti nasnacion.
Currently Selected:
JEREMIAS 50: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
