JEREMIAS 52

Ti panagari ni Sedekias ken ti yaalsana. Ti Jerusalem maala ken mapuuran. Ti pannacaipan dagiti gamgameng ti templo ken dagiti nacayawan. Ti nasayaat a cababalin ni Evil-merodac ken Joakim.

1Agtawen ni #Aginga bil. 27. 2 Ar. 24:18–25:21.Sedekias iti duapulo ket maysa idi nangrugi a nagari; ket isu nagari bayat ti sangapulo ket maysa a tawen idiay Jerusalem: ket tinagan ni inana Hamutal nga anac ni Jeremias a taga Libna.

2Ket inaramidna daydiay dakes iti imatang ni Jehova, a mayannurot iti amin nga inaramid ni Joakim.

3Ta babaen ti pungtot ni Jehova naararamid daytoy idiay Jerusalem ken Juda agingga iti piangtalawna ida iti saclangna. Ket ni Sedekias immalsa a maibusor iti ari ti Babilonia.

4 # Aginga bil. 7. Jer. 39:1, 2. Ket naaramid iti maicasiam a tawen ti panagarina, iti maicapullo a bulan, iti maicapullo nga aldaw ti bulan, a ni Nabucodonosor nga ari ti Babilonia, isu ken ti amin a buyotna, immayda a maibusor iti Jerusalem, ket nagpacarsoda a maibusor kencuana, ket namangonda cadagiti sarikedked iti maibusor kencuana nga aglicmut.

5Iti casta ti ilinalacub agingga iti maicapullo ket maysa a tawen ni ari Sedekias.

6Iti maicapat a bulan, iti maicasiam nga aldaw ti bulan, ti bisin napalalo itiili, ket awan idi ti tinapay a maipaay cadagiti umili ti daga.

7Idin maysa a gutbaw naaramid iti ili, ket #Aginga bil. 16. Jer. 39:4-10.amin a lallaki ti gubat nagtalawda, ket rimmuarda iti ili iti rabii iti dalan ti ruangan iti nagbaetan dagiti dua a bacud, nga adda idi iti denna ti minuyungan ti ari (dagiti Caldeos maibusorda idi iti ili iti aglicmut); ket nagpa-Arabada.

8Ngem ti buyot dagiti Caldeos kinamatda ti ari, ket nacamacamda ni Sedekias cadagiti tantanap ti Jerico; ket ti amin a buyotna nawarawarada a naisinada kencuana.

9Iti casta innalada ti ari ket isu impanda iti ari ti Babilonia agingga iti Ribla iti daga nga Hamat; a nangocomanna kencuana.

10Ket ti ari ti Babilonia pinatayna dagiti annac a lallaki ni Sedekias iti imatangna: pinatayna met dagiti amin a piprincipe ti Juda sadi Ribla.

11Ket sinuatna dagiti mata ni Sedekias; ket isua kinawaran ti ari ti Babilonia, ket impanna sadi Babilonia, ket isu incabilna idiay pagbaludan inggana iti aldaw ti ipapatayna.

12Ket iti maicalima a bulan iti maicapullo nga aldaw ti bulan, nga isu timaicapullo ket siam a tawen ni ari Nabucodonosor, nga ari ti Babilonia, ni Nabuzaradan a capitan ti guardia, isu a nagtacder iti sango ti ari ti Babilonia immay idiay Jerusalem.

13Ket pinuuranna ti balay ni Jehova ken ti balay ti ari; ken amin a balbalay ti Jerusalem, uray pay tunggal dackel a balay, pinuuranna iti apuy.

14Ket amin a buyot dagiti Caldeos a naicuyog iti capitan ti guardia, rinebbada dagiti amin a bacud ti Jerusalem iti aglicmut.

15Idin ni Nabuzaradan a capitan ti guardia impanna a nacayawan dagiti capanglawan a tattao, ken ti natda cadagiti tattao a nabati iti ili, ken dagiti nagtalaw a #Jer. 37:13.napan iti ari ti Babilonia, ken ti natda cadagiti sapasap a tattao.

16Ngem ni Nabuzaradan a capitan ti guardia imbatina dagiti capanglawan unay ti daga tapno agaywanda cadagiti cauvasan ken agtalonda.

17Ket #Jer. 27:19.dagiti monmon a gambang nga adda idi iti balay ni Jehova, ken dagiti batay ken ti baybay a gambang nga adda idi iti balay ni Jehova, binurac dagiti Caldeoas, ket impanda ti isu-amin a gambangda idiay Babilonia.

18Dagiti met caldero ken dagiti soplad, ken dagiti pangarsang, ken dagiti bacca, ken dagiti cuchara, ken amin nga alicamenda a gambang a pagannongda idi, innalada.

19Ket dagiti copa, ken dagiti pagiccan ti apuy, ken dagiti bacca, ken dagiti caldero, ken dagiti candelero, ken dagiti cuchara, ken dagiti malucong—dagidiay balitoc nainayon, iti balitoc, ken dagidiay pirac, ito pirac,—ti capitan ti guardia innalana.

20Dagiti dua a monmon, di maysa a baybay, ken dagiti sangapulo ket dua a sinan-vaca a lallaki nga adda idi iti siroc dagiti batay, nga inaramidni Salomon nga agapaay iti balay ni Jehova,—ti gambang dagitoy amin nga alicamen saan a matimbeng.

21Ket no maipapan cadagiti monmon, ti #1 Ar. 7:15.catayag di maysa a monmon sangapulo ket walo a sico; ken maysa a tali a sangapulo ket dua a sico ti nanglicmut; ket ti capusculna uppat a ramayan: naglungog.

22Ket maysa a paratoc a gambang adda iti toctocna; ket ti catayag di paratoc lima a sico, agraman iniket ken dagiti granada iti paratoc nga aglicmut, gambangda amin: ket di maicadua a monmon umasping met cadagitoy, ken cadagiti granada.

23Ket adda idi siam a pulo ket innem a granada cadagiti bacrang; isu-amin a granada #1 Ar. 7:20.sangagasutda iti iniket nga aglicmut.

24Ket di capitan ti guardia innalana ni Saraya a #Jer. 20:1.cangatoan a padi, ken ni Sofonias a maicadua a padi, ken #Jer. 35:4.tallo nga agaywan ti dapian:

25Ket iti ili nangala iti maysa nga agturay a pangoloen idi dagiti lallaki ti gubat; ken #2 Ar. 25:19.pito a lallaki cadacuada a nacakita iti rupa ti ari, a nasaracan idi iti ili; ken ti escriba ti capitan ti buyot, nga agumummong idi cadagiti tattao ti daga; ken innem a pulo a lallaki cadagiti umili ti daga, nga isuda a nasaracan idi iti tengnga ti ili.

26Ket ni Nabuzaradan a capitan ti guardia innalana ida, ket inyegna ida iti ari ti Babilonia idiay Ribla.

27Ket ti ari ti Babilonia kinabilna ida, ket pinatayna ida idiay Ribla idiay daga ti Hamat. Castoy ti pannacaipan ti Juda iti pannacacayaw nanipud iti dagana.

28Dagitoy dagiti tattao a ni Nabucodonosor impanna idi a kinayawan: #2 Ar. 24:2, 12.iti maicapito a tawen dagiti talloribu ket duapulo ket tallo a Judios;

29 # Jer. 39:9. Iti maicapullo ket walo a tawen ni Nabucodonosor impanna a kinayawan a naggapu iti Jerusalem dagiti walo gasut tallopulo ket dua a tattao;

30Iti maicaduapulo ket tallo a tawen ni Nabucodonosor, ni Nabuzaradan a capitan ti guardia impanna a kinayawan cadagiti Judios dagiti pito gasut uppat a pulo ket lima a tattao: amin dagiti tattao uppat a ribu ket innem a gasutda idi.

31Ket naaramid idi iti maicatlopulo ket pito a #Aginga bil. 34. 2 Ar. 25:27-30.tawen ti pannacacayaw ni Joakin nga ari ti Juda, idi bulan a maicasangapulo ket dua, iti maicaduapulo ket lima nga aldaw ti bulan, a ni Evil-merodac nga ari ti Babilonia, idi umuna a tawen ti panagarina, intan-ocna ni #Jer. 37:1; 22:24-30.Joakin nga ari ti Juda, ket inruarna iti pagbaludan;

32Ket nagsao a siiimbag kencuana, ket insaadna ti tronona iti ngatoen ti trono #Jer. 27:3.dagiti ar-ari a nakipagnaed kencuana idiay Babilonia,

33Ket sinuctanna dagiti cawesna a cawes ti balud. Ket ni Joakin nangan a cancanayon iti tinapay iti sangona iti isu-amin nga aldaw ti panagbiagna:

34Ket maipanggep iti taraonna, naited a cancanayon kencuana nga aggapu iti ari ti Babilonia, tunggal aldaw maysa nga apag, agingga iti aldaw ti ipapatayna, iti amin nga aldaw ti panagbiagna.

Currently Selected:

JEREMIAS 52: TB1973

Highlight

Copy