DAGITI UN-UNNOY 1
1
Dagiti basbasol ken panagsagaba ti Sion.
1Anian ti panagwaywayas ti maysa nga ili a napno idi cadagiti tattao! Isu nagbalin a cas maysa a balo, daydi dackel idi iti nagtengngaan dagiti nasnacion! #Isa. 47:9. Jer. 15:8.Daydi princesa cadagiti provincia nagbalin a #Esd. 4:20.paiturayan!
2Isu agsangit iti napait iti rabii ket dagiti luluana addada cadagiti pingpingna; cadagiti amin a #Jer. 22:22; 30:14.caayanayatna awan ti mangliwliwa kencuana; amin dagiti gagayyemna nagaramidda kencuana a sigugulib; nagbalinda a cabusorna.
3Ni Juda naipan iti pannacacayaw maipanggep iti #Jer. 52:27.panagsagaba, ken maipanggep iti nadagsen a panagservi; isu makipagtaeng cadagiti nasnacion, awan ti masaracna nga inana: amin dagiti mangamatcamat kencuana isu naabutanda cadagiti nailet a daldalan.
4Dagiti daldalan ti Sion agpanesda, gapu ta awan ti umay #D. Un. 2:6.iti gimongda a nangayed; amin dagiti ruanganna nabaybayan, dagiti papadina agsainnecda: dagiti virgenna matutoocda iti ladingit, ket isu met laeng adda iti kinapait.
5Dagiti casuppiatna nagbalinda nga #Deut. 28:13, 44.pangoloenna, dagiti cabusorna rumangayda; ta ni Jehova isu pinagladingitna #Jer. 30:14, 15.gapu iti caadu dagiti salungasingna: dagiti ububbing nga annacna naipanda iti pannacacayaw iti sangoanan ti cabusor.
6Ket manipud iti anac a babai ti Sion ti amin a dayagna pimmanaw: dagiti piprincipena nagbalinda a cas cadagiti ugsa a lalaki nga awan masaracanda a pagarabanda. Ket napanda nga awan pigsada iti sangoanan dagiti mangcamatcamat cadacuada.
7Ti Jerusalem malagipna bayat dagiti al-aldaw ti panagtutooc ken panagladingitna dagiti amin a macaayayo a cucuana nga adda manipud idi ugma; idi dagiti tattaona natnagda iti ima ti cabusor, ket awan ti nangbadang kencuana, dagiti cabusor nakitada, ket nagang-angawanda dagiti pannacaparigatna.
8Ti Jerusalem nacabasol iti nacalcaldaang unay; gapuna a nagbalin a cas narugit; amin dagiti nangdaydayaw kencuana uyuyawenda, ta #Eze. 16:37. Os. 2:10.nakitadan ti kinalamolamona: wen, agsainnec, ket aglicuden.
9 Ti kinarugitna adda idi cadagiti cainna; isu #Deut. 32:29. Isa. 47:7.saanna a nalagip ti maududi a casasaadna; iti casta immulog a nacascasdaaw, awan ti mangliwliwa kencuana: kitaem, O Jehova, ti tuocco; ta ti cabusor pinadackelna ti bagina met laeng.
10Ti cabusor inunnatna ti imana cadagiti amin a macaay-ayo a cucuana: ta nakitana a dagiti nasnacion #Sal. 79:1. Jer. 51:51.simrecda iti santuariona, #Deut. 23:3. Neh. 13:1.maipanggep cadagidiay nangibilinam a saanda coma a sumrec iti gimongmo.
11Amin dagiti tattaona agsainnecda, agsapulda iti tinapay; intedda dagiti macaay-ayo a cucuada nga insucat iti taraon a mangpakired iti cararua: kitaem, O Jehova, ket adtoy; ta siac nagbalinac a nacacaasi.
12Awan ti aniaman aya cadacayo, dacayo amin a lumabas? Adtoy, ket kitaem no adda aniaman a ladingit a mayasping iti ladingitco, a dimteng caniac, isu a pinangdusa ni Jehova caniac idi aldaw ti nacaro a pungtotna.
13Nanipud ngato impawitna ti apuy iti uneg dagiti tultulangco, ket inatiwna ida; isu #Eze. 12:13; 17:20.inyaplagna ti iket cadagiti sacsacac, insublinac: isu pinagbalinnac a walangwalang ken sicacapuy nga agmalmalem.
14Ti sangol dagiti panagsalungasingco #Deut. 28:48.mareppet babaen ti imana; #Job 40:12.maisiglotda, dimtengda agingga iti tengngedco; isu pinucawna ti pigsac: ti Apo inyawatnac cadagiti im-imada, maibusor cadagidiay diac macatacderen.
15Ti Apo inawanna dagiti amin a mannacabalin a #Jer. 8:16.tattaoc iti nagtengngaac; isu nangayab iti gimong a nangayed a maibusor caniac tapno parmekenna dagiti tattaoc nga agtutubo a lallaki: #Isa. 63:3.ti Apo imbaddecna ti anac a virgen ti Juda a cas iti pagpespesan ti uvas.
16Gapu cadagitoy a banbanag agsangitac; ti matac, ti matac agarubos iti danum; gapu ta ti mangliwliwa a mangpapigsa coma iti cararuac adayu caniac; dagiti annacco walangwalangda, agsipud ta ti cabusor nangabac.
17 #
Jer. 4:31. Ti Sion intag-ayna dagiti im-imana; awan ti mangliwliwa kencuana; ni Jehova nagbilin maipapan ken Jacob, a dagidiay adda iti licmutna isuda coma dagiti cabusorna; ti Jerusalem adda iti nagtengngaanda cas banag a narugit.
18Ni Jehova nalinteg; ta siac sinalungasingco ti bilinna: denggenyo, dawatec cadacayo, dacayo amin a tattao, ket kitaenyo ti ladingitco: dagiti babbalasangco ken babbaroc macayawanda.
19Inawagac dagiti caayanayatco, ngem #bil. 2. Jer. 30:14.inallilawdac: #bil. 11.dagiti papadic ken dagiti panglacayec simmina dagiti cararuada iti uneg ti ili, bayat ti panagbirucda iti taraon a mangpapigsa cadacuada.
20Kitaem, O Jehova; ta siac #Job 30:27. Isa. 16:11. Jer. 4:19. D. Un. 2:11.addaac a naldaang; ti pusoc mariribuc; ti pusoc mabalictad iti unegco; ta nacalcaldaang ti panangsalungasingco: #Deut. 32:25. Eze. 7:15.iti ruar ti campilan mangpaulila, ditoy taengco adda ni patay.
21Nangngegda nga agsasainnecac; awan ti mangliwliwa caniac; #Jer. 12:4; 25:21.amin dagiti cabusorco nangngegda ti riribucco; agragsacda gapu ta inaramidmo: sica yegmonto ti aldaw nga inwayangmo, ket isuda mayaspingdanto caniac.
22 #
Sal. 109:15. Amin ti kinadakesda maisangoda coma kenca; ket aramidem cadacuada, cas inaramidmo caniac maipuon cadagiti amin a panangsalungasingco: ta dagiti sasainnecco aduda, ket toy pusoc nacapuy.
Currently Selected:
DAGITI UN-UNNOY 1: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
