JEREMIAS 13
13
Ti barikes a nalungtot. Ti tanda ti napno a gorgorita. Ti pannacaipadto ti pannacacayaw gapu iti kinadakes ti Juda.
1Castoy ti kinuna ni Jehova caniac, Inca, ket gumatangca iti maysa a #D. Ara. 21:11.barikes a lienzo, ket ibarikesmo cadagiti lomom, ket isu dica isawsaw iti danum.
2 #
Isa. 20:2. Eze. 4:1-5; 5:1-4; 12:3-11; 24:3-5. Gapuna a gimmatangac iti barikes cas mayalubog iti sao ni Jehova, ket imbarikesco cadagiti lomoc.
3Ket ti sao ni Jehova dimteng caniac iti maicadua a daras, a kinunana,
4Alaem ti barikes a ginatangmo, nga adda cadagiti lomom, ket bumangonca, inca idiay Eufrates, ket isu ilemmengmo idiay iti maysa a rengngat ti bato.
5Gapuna a napanac, ket isu inlemmengco iti denna ti Eufrates, cas imbilin caniac ni Jehova.
6Ket naaramid iti calpasan dagiti adu nga aldaw, a ni Jehova kinunana caniac, Bumangonca, inca idiay Eufrates, ket alaem ti barikes manipud idiay, isu nga imbilinco kenca nga ilemmengmo idiay.
7Idin napanac idiay Eufrates, ket nagcaliac, ket innalac ti barikes manipud iti disso a nangilemmengac kencuana; ket, adtoy, ti barikes nadadael, isu awanen ti capapaayanna.
8Idin ti sao ni Jehova dimteng caniac, a kinunana,
9Castoy ti cuna ni Jehova, casta ti #Lev. 26:19.panangdadaelconto iti tangsit ti Juda, ken ti dackel a tangsit ti Jerusalem.
10Daytoy dakes nga umili, a dina cayat nga ipangag dagiti sasaoc, a magna iti kinabangad ti pusoda, ken simmurot cadagiti sabali a diosen tapno agservi, ken agrucbab cadacuada, agbalinto a cas iti daytoy a barikes, isu awanen ti capapaayanna.
11Ta cas ti barikes cumpet cadagiti lomo ti maysa a lalaki, casta ti panangpacapetco caniac iti amin a balay ti Israel ken iti amin a balay ti Juda, cuna ni Jehova; tapno #Ex. 19:5.agbalinda coma caniac a maysa nga umili, kenmaysa a nagan, ken maysa a dayaw, ken maysa a dayag; ngem saanda a nangipangag.
12Gapuna saoemto cadacuada daytoy a sao: Castoy ti cuna ni Jehova, ti Dios ti Israel, Isu-amin a gorgorita #Jer. 48:12.mapnonto iti arac: ket cunaendanto kenca, Saanmi aya nga ammo a pudno nga amin a gorgorita mapnonto iti arac?
13Iti casta cunaemto cadacuada, Castoy ti cuna ni Jehova, Adtoy, punnoecto #Eze. 23:33.ti amin nga agnaed ditoy a daga iti panagbartec, #Jer. 17:19, 20; 19:3.dagiti met laeng ar-ari nga agtugaw iti trono ni David, ken dagiti papadi, ken dagiti mammadto, ken amin dagiti agnaed iti Jerusalem.
14Ket itupacconto ida ti maysa iti sabali, dagiti met laeng amma agraman cadagiti annac a lallaki, cuna ni Jehova: diacto mangngaasi, wenno mangicanawa, wenno mangisakit, tapno pucawen ida.
15Denggenyo, ket timudenyo; dicayo agtangsit, ta ni Jehova nagsao.
16Padayawanyo ni Jehova a Diosyo, #Amos 5:8; 8:9.casangoanan ti panangpasipngetna, ken casangoanan ti pannacaitibcol dagiti sacsacayo iti rabaw dagiti nasipnget a banbantay, ken bayat ti panagsapulyo iti silaw, isu pagbalinenna nga #Jer. 2:6.aniniwan ni patay, ket isu aramidenna a napuscol a #Isa. 60:2.sipnget.
17Ngem no isu dicay denggen, ti cararuac agsangitto a sililimed gapu iti kinatangsityo; ket ti matac agsangitto iti nasaem, ken pagayusanto dagiti lulua, ta ti pangen ni Jehova nacayawan.
18Sica cunaem #2 Ar. 24:12. Jer. 22:26.iti ari ken iti reina nga ina, Agpacumbabacayo, agtugawcayo; ta dagiti bonete ti oloyo bimmabada, wen, ti balangat ti dayagyo.
19Dagiti il-ili ti Abagatan naripcanda ket awan ti manglucat cadacuada, ti Juda maipanaw a cayaw, isu-amin; naikisap ti pannacaipanawna a cayaw.
20Itangadmo dagita matam, ket kitaem ida #Jer. 6:22.nga aggapu iti amianan: sadino ti yan ti pangen a naited kenca, ti napintas a pangenmo?
21Ania ti cunamto no isaadnanto iti ngatoem no icabilnanto a cas pangulo dagidiay a sica met laeng insurom tapno agbalinda a gagayyemmo? #Jer. 6:24.saan aya nga ut-ut ti umapay kenca a cas maysa a babai nga agpasical?
22Ket no cunaem dita pusom, #Jer. 5:19.Apay a dagitoy a banbanag dimtengda caniac? gapu iti kinadackel ti kinadakesmo #Eze. 3:17; 6:1. D. Un. 1:8. Nah. 3:5.nalucasan dagiti cainmo, ket dagiti mucodmo aglacamda iti ranggas.
23Mabalin aya a ti taga Etiopia suctanna ti cudilna, wenno ti leopardo dagiti labangna? no #Mat. 19:26.casta mabalinyo met coma ti agaramid iti naimbag, dacayo a mairuam nga agaramid iti dakes.
24Gapuna iwarisconto ida a #Sal. 83:13.cas ti puon ti garami a maawan babaen ti angin ti let-ang.
25Daytoy ti gasatmo, ti apag a naituding kenca a naggapu caniac, cuna ni Jehova; agsipud ta linipatannac, ken nagtalecca iti kinaulbod.
26Gapuna met a lucasacto dagiti cainmo iti sangoanan ti rupam, #Nah. 3:5.ket ti bainmo agparangto.
27Nakitac dagiti kinarimonmo, dagiti met laeng pannakicamalalam, ken #Jer. 8:16.dagiti garaigem, ti kinaderrep ti pannakicamalalam, #Jer. 2:20.cadagiti turturod ti away. Asica pay, O Jerusalem #Eze. 24:13.madica a madalusan; casano pay ti cabayagnanto?
Currently Selected:
JEREMIAS 13: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
