JEREMIAS 12
12
Ti tanabutob ni Jeremias, ken ti sungbat ni Jehova. Ti panangocom ni Jehova iti Juda ken cadagiti cabusorna.
1 #
Sal. 51:4. Sica nalintegca, O Jehova, no makisupiatac kenca, nupay casta makicalinteganac coma ti panggep kenca; #Job 12:6; 21:7-17. Sal. 37:1, 7, 35, 36; 73:3-7. Jer. 5:28. Hab. 1:4, 13. Mal. 3:15.ania ti gapuna a ti dalan ti nadangkes rumang-ay? ania ti gapuna nga addada a sitatalna dagiti agaramid a sigugulib unay?
2Sica immulam ida, wen, nagramutda; dumackelda, wen, agbungada; asidegca iti ngiwatda, ngem adayuca iti pusoda.
3Ngem sica, O Jehova, ammonac; sica makitanac, ket suutem toy pusoc nga agpaay kenca; guyodem ida a cas carcarnero a maipaay iti pagpartian ken isaganam ida a maipaay #Mat. 5:5.iti aldaw ti pannacaparti.
4Casano ti cabayag ti panagladingit ti daga, ken pannacagango dagiti mulmula iti amin a daga? gapu iti kinadangkes dagidiay nga agnaed kencuana, dagiti an-animal maibusda, ken dagiti tumatayab; agsipud ta kinunada, Isu saannanto a makita ti maud-udi a panungpalantayo.
5No nagtarayca a naicuyog cadagiti lallaki a magmagna, ket binannogdaca, casano ngarud ti pannakisalisalmo cadagiti cabayo? ket nupay no natalgedca iti maysa a daga a natalna, ania ti aramidento iti #Jos. 3:15. Jer. 49:19; 50:44.kinapasindayag ti Jordan?
6Ta dagiti met laeng cacabsatmo, ken ti balay ti amam, isuda met laeng nagaramidda a sigugulib kenca; nagpuccawda met laeng ti napigsa kenca: dica ida patien, uray agsaoda ti nasayaat a sasao kenca.
7Pinanawac ti balayco, imbellengco #Isa. 19:25.ti tawidco; intedco dagiti ay-ayaten unay ti cararuac iti ima dagiti cabusorna.
8Ti tawidco nagbalin caniac a cas maysa a leon iti bakir; inyebcasna ti timecna a maicaniwas caniac; gapuna nga isu ginurac.
9Ti tawidco isu caniac aya ti cas maysa a tumatayab a turicturican a managsamsam? dagiti tumatayab a managsamsam bumusorda aya kencuana iti aglicmut? incayo tiptiponenyo amin dagiti an-animal ti away iyegyo ida tapno aglamutda.
10Adu a #Jer. 6:3.paspastor dinadaelda #Isa. 5:1, 5.ti cauvasac, #Isa. 63:18.impayatda ti bingayco, ti macaay-ayo a bingayco pinagbalinda a maysa a langalang a let-ang.
11Isu pinagbalinda a langalang; isu agasug caniac, idinto a langalang; ti amin a daga naaramid a langalang, agsipud ta #Isa. 42:25.awan ti tao a mangipapuso.
12Dagiti managdadael immayda iti rabaw dagiti amin a nalucasan a panpantoc iti let-ang; ta ti campilan ni Jehova aglamut manipud iti maysa pungto ti daga agingga met laeng iti sabali a pungto ti daga: awan ti lasag nga addaan talna.
13Isuda nagmulada iti #Lev. 26:16. Deut. 28:38. Mik. 6:15. Hag. 1:6.trigo, ket nagapitda cadagiti sisiit; pinagrigatda dagiti bagbagida met laeng, ket awan ti nagun-odda: ket mabainancayto maipuon cadagiti bungayo, gapu iti narungsot a pungtot ni Jehova.
14Castoy ti cuna ni Jehova a maicaniwas cadagiti amin a dakes a #Eze. 25:6-12.cacaarrubac, #Zac. 2:8.a mangtignay iti tawid nga impatawidco iti ilic nga Israel: Adtoy, #Deut. 30:3.parutecto ida iti dagada, ket parutecto ti balay ti Juda manipud iti nagtengngaanda.
15Ket maaramidto, calpasan ti panangparutco cadacuada, nga agsubliacto ken caasiacto ida, #Jer. 24:6; 30:3.ket iyegconto ida manen, tunggal tao iti tawidna, ken tunggal tao iti dagana.
16Ket maaramidto, no sireregtadanto nga adalen dagiti daldalan ti ilic, #Jer. 4:2.nga isapatada gapu iti naganco, Cas sibibiag ni Jehova; cas met laeng iti panangisuroda iti ilic nga agsapata gapu ken Baal; iti casta mabangondanto #1 Ped. 2:5.iti tengnga ti ilic.
17Ngem no didanto #Isa. 60:12.mangipangag, iti casta parutecto dayta a nacion, isu parutec ken dadaelec, cuna ni Jehova.
Currently Selected:
JEREMIAS 12: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
