Popular Bible Verses from JEREMIAS 13

Share

Mabalin aya a ti taga Etiopia suctanna ti cudilna, wenno ti leopardo dagiti labangna? no casta mabalinyo met coma ti agaramid iti naimbag, dacayo a mairuam nga agaramid iti dakes.

Padayawanyo ni Jehova a Diosyo, casangoanan ti panangpasipngetna, ken casangoanan ti pannacaitibcol dagiti sacsacayo iti rabaw dagiti nasipnget a banbantay, ken bayat ti panagsapulyo iti silaw, isu pagbalinenna nga aniniwan ni patay, ket isu aramidenna a napuscol a sipnget.

Daytoy dakes nga umili, a dina cayat nga ipangag dagiti sasaoc, a magna iti kinabangad ti pusoda, ken simmurot cadagiti sabali a diosen tapno agservi, ken agrucbab cadacuada, agbalinto a cas iti daytoy a barikes, isu awanen ti capapaayanna.

Denggenyo, ket timudenyo; dicayo agtangsit, ta ni Jehova nagsao.