ISAIAS 2
2
Ti sapasap a panagturay ni Jehova. Ti panagrucbab ti Israel cadagiti ladladawan rebbengna nga isardeng.
1Ti sirmata #Isa. 1:1.a nakita ni Isaias nga anac ni Amos a maipapan iti Juda ken Jerusalem.
2Ket #Aginga bil. 4. Mik. 4:1-3.maaramidto #Gen. 49:1.cadagiti maududi nga al-aldaw, a ti balay ni Jehova mabangonto iti rabaw dagiti banbantay, ket maibayogto a nangnangrona ngem cadagiti turturod; #Isa. 27:13. Luc. 24:47.ket isu-amin a nacion agayusdanto agingga kencuana.
3Ket adu dagiti inilin-ili a mapanto ken agcuna, #Jer. 31:6. Zac. 8:21, 23.Umaycayo, ket sumang-attayo iti bantay ni Jehova, iti balay ti Dios ni Jacob; ket isuronatayonto cadagiti dalanna, ke magnatayonto cadagiti danana: ta iti Sion ti rumuaranto ti linteg, ket iti Jerusalem ti rumuaranto ti sao ni Jehova.
4Ket isu pagocommannanto dagiti nasnacion, ket kengannanto ti timaipapan cadagiti adu nga inilin-ili: ket pandayendanto dagiti camcampilanda a pagbalinen a dingding ti arado, ket dagiti picpicada pandayendanto a comcompay; ti maysa a nacion saannanto nga itag-ay ti campilan a maibusor iti nacion, ket didanto met adalenen iti pannakigubat #Joel 3:10.uray caano.
5O balay ni Jacob, umaycayo, ket magnatayo iti lawag ni Jehova.
6Ta sica tinallicudam ti ilim, a balay ni Jacob, ta napnoda iti cadawyan iti daya, ken #Deut. 18:14.managbuyonda #2 Ar. 1:2.a cas cadagiti Filisteos, ket iyunnatda ti imada cadagiti annac dagiti gangannaet.
7Ket ti dagada #Deut. 17:16.napno iti pirac ken balitoc, ket awan met ti inggana dagiti gamgamengda; ti dagada met napno cadagiti cabcabayo, awan met ti paggibusan dagiti lugluganda.
8Ti daga met #Jer. 2:28.napno cadagiti didiosen; isuda agcararagda cadagiti aramid dagiti im-imada met laeng, nga inaramid dagiti ramramayda met laeng.
9 # bil. 11, 17. Isa. 5:15. Ket ti nababa a tao maparucnoy, ket ti nangato a tao mapababa: gapuna a dica ida pacawanen.
10Sumrecca iti bato, #bil. 19, 21. Apoc. 6:15.aglemmengca iti tapoc, manipud iti sangoanan #2 Tes. 1:9.ti pangkigtot ni Jehova, ken iti dayag ti kinatan-ocna.
11 # bil. 17. Isa. 13:11. Ti napalangguad a panagkitkita ti tao mapaemmanto, ken ti kinatangsit dagiti tattao maparucbabto, #2 Cor. 10:5.ket ni Jehova laeng ti madaydayawto #Isa. 4:1, 2; 11:10, 11; 12:1, 4; 24:21; 25:9; 26:1; 28:5; 29:18. Jer. 30:8.iti dayta nga aldaw.
12Ta addanto aldaw ni Jehova dagiti buybuyot a maipatay cadagiti isu-amin a natangsit ken napalangguad, ken cadagiti amin a maitantan-oc; ket mapaemmadanto.
13Ken iti rabaw ti isu-amin a cancantingen ti Libano, a natayag ken maibaybayog, ken cadagiti amin a luglugo ti Basan,
14Ken #Isa. 30:25.iti rabaw dagiti isu-amin a banbantay a natayag, ken iti isu-amin a turturod a nangato,
15Ken iti rabaw ti tunggal torre a nangato, ken iti tunggal maysa cadagiti nasarikedkedan a bacud,
16Ken #1 Ar. 10:22.cadagiti amin a sasacayan a taga Tarsis, ken iti amin a nacaay-ayo a paltuad.
17Ket ti kinapalangguad ti tao maparucnoyto, ket ti kinatangsit dagiti tattao maipababanto; ket ni Jehova laeng ti maitan-octo iti dayta nga aldaw.
18Ket dagiti didiosen maiccatdanto a maikisap.
19 # bil. 10. Luc. 23:30. Ket dagiti tattao sumrecdanto cadagiti rukib dagiti batbato, ken iti uneg dagiti abut ti daga, manipud iti sangoanan ti pangkigtot ni Jehova, ken manipud iti dayag ti kinadaegna, intono tumacder a simamannacabalin a manggungon iti daga.
20Iti dayta nga aldaw dagiti tattao ipalapaldanto cadagiti marabutit ken curarapnit dagiti didiosenda a pirac, ken didiosenda a balitoc, isuda nga inaramidda a maipaay cadacuada a pagcararagan;
21A sumrecda cadagiti rukib dagiti batbato, ken iti uneg dagiti rengngat dagiti nakersang a bato, manipud iti sangoanan ti pangkigtot ni Jehova, ken iti dayag ti kinadaegna, intono tumacder a simamannacabalin a manggungon iti daga.
22Bay-anyo #Sal. 146:3.ti tao, #Job 27:3.a ti angesna adda cadagiti abut iti agongna; ta ania ti pacaibilanganna?
Currently Selected:
ISAIAS 2: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
