ISAIAS 1
1
Dagiti kinaulpit dagiti tattao ti Dios. Ti Dios saan a mapaayatan cadagiti datdaton ken lulualo. Sapulenna ti panagtulnog. Ti Sion nasukir ngem masbutto.
1Ti #Isa. 2:1.sirmata ni Isaias nga anac ni Amos, isu a nakitana a maipapan iti Juda ken Jerusalem, cadagiti al-aldaw da#2 Ar. 15:1, 13. Isa. 6:1.Uzias, #2 Ar. 15:32.Jotam, #2 Ar. 16:1.Acaz ken #2 Ar. 18:1.Ezekias, nga ar-ari ti Juda.
2Denggenyo, O langlangit, #Deut. 32:1.ket timudem, O daga; ta ni Jehova nagsao: Nangtarakenac ken nangpadackelac cadagiti annac, ket simmukirda a maicaniwas caniac.
3 #
Jer. 8:7. Ti vaca ammona ti makincucua kencuana, ket ti asno ammona ti pagpacanan ni apona; ngem ti Israel #Isa. 5:12, 13.dina ammo, ti ilic saan nga agotob.
4Ay nacion a managbasol, umili a nagbaclay iti kinadakes, maysa a caputotan dagiti managdacdakes, annac nga agaramid a sibaballicug unay! Isuda naglicudanda ni Jehova, isuda inuyuyawda ti Santo ti Israel, pimmusayda a timmalicud.
5Apay a #Isa. 9:13. Jer. 2:30.masaplitcayonto coma, ket adadda pay ti yaalsayo? ti amin nga olo masakit, ti amin a puso mapacsuyan.
6Manipud iti dapan ti saca agingga iti olo met laeng awan ti kinasalun-at kencuana; no di ket sugsugat, ken litlitem, ken babbaro a sapsaplit: saanda a nacaem, saanda met a napatapatan ken dida met nasapsappoan iti lana.
7Ti dagayo #Deut. 28:51, 52.aglangalang: dagiti il-iliyo naururamda iti apuy; ti dagayo isu ti alun-unen dagiti gangannaet iti saclangyo, ket aglangalang, a cas narbec gapu cadagiti sangsangaili.
8Ket ti anac a babai ti Sion mabaybay-an a cas sapaw iti cauvasan, cas maysa a calapaw iti minuyongan dagiti pepino, cas maysa nga ili a nalacub.
9No coma no saan a nangitidda cadatayo ni Jehova dagiti buybuyot iti maysa a #Rom. 9:29.bassit unay a tidda, naipadatayo coma a cas iti #2 Ar. 19:4.Sodoma, datayo caslatayo coma iti Gomorra.
10 #
Eze. 16:46, 48, 49, 55. Apoc. 11:8. Denggenyo ti sao ni Jehova, dacayo nga agturturay iti Sodoma; timudenyo ti linteg ti Diostayo, dacayo a tattao ti Gomorra.
11Ania ti #1 Sam. 15:22.capapaayanna caniac ti kinaadu dagiti datdatonyo? cuna ni Jehova: addan caniac ti kinawadwad dagiti datdaton a mapuuran a lallaki a carnero, ken iti taba dagiti mapalucmeg nga an-animal; ket diac agrag-o iti dara dagiti vacvaca wenno dagiti cordero, wenno dagiti lallaki a calding.
12Intono umaycayo agparang iti saclangco, asino ti nagkiddaw iti daytoy cadagiti imayo a baddekenyo dagiti paraanganco?
13Dicay mangyegen cadagiti datdaton nga ubbaw; ti incienso maysa a macarimon caniac; ti #1 Cron. 23:31.lutuad ken aldaw a panaginana, ti panaguurnong cadagiti gimgimong, #Sal. 101:5.diac maanusan ti kinadangkes ken nadaeg a gimong.
14Dagiti lutuadyo ken dagiti fiestayo a maikeddeng guraen toy cararuac; macapulcocda caniac; mautoyanac nga agawawit cadacuada.
15Ket intono itayagyo dagiti im-imayo, #Isa. 59:2, 3.ilingedconto dagiti matac cadacayo; wen, intono agaramidcayo cadagiti adu a lualo, diacto ipangag: dagiti im-imayo napnoda iti dara.
16Agbuggocayo, agdaluscayo; yadayuyo ti dakes cadagiti ar-aramidyo manipud iti sangoanan dagiti matac; agsardengcayo nga agaramid iti dakes.
17Sursuroenyo ti agaramid iti naimbag; #Jer. 22:3. Mik. 6:8. Zac. 6:7.sapulenyo ti kinajusticia, saranayenyo dagiti maparigat, icalinteganyo #Sant. 1:27.dagiti ul-ulila, salacnibanyo ti balo a babai.
18Umaycayo ita, ket #1 Sam. 12:7. Isa. 43:26. Mik. 6:2.agsusurottayo coma, cuna ni Jehova: #Sal. 51:7.uray no dagiti basbasolyo casda la coma iti escarlata, mapapudawdanto a cas la nieve; nupay no nalabbasitda a cas la carmesi, agbalindanto a cas la napudaw a de lana.
19No agmayatcayo ken agtulnogcayo, canenyonto ti caimbagan iti daga:
20Ngem no paayenyo ken sumukircayo, maalun-uncayto iti campilan; ta ti #Isa. 40:5.ngiwat ni Jehova insaona.
21Casano aya ti panagbalinna a #Jer. 2:20. Apoc. 17:1.balangcantis ti ili a matalec! isu a napno idi iti kinajusticia! ti kinalinteg nagtaeng idi kencuana, ngem ita managpapatay.
22Ti piracmo nagbalin a rugit, ti aracmo nalaocan iti danum.
23 #
Os. 9:15. Dagiti pangpanguloem managalsada, ken cadcadua ida dagiti mannanacaw; tunggal maysa cadacuada #Os. 4:18. Mik. 8:11.ayatenna ti panocsoc, ken surotsurotenna ti gunguna; #Zac. 7:10.dida icalintegan ti ul-ulila, ket di met dumanon cadacuada ti darum ti balo a babai.
24Gapuna a cuna ti Apo, a ni Jehova dagiti buybuyot, ti Mannacabalin ti Israel, Ah, bang-aracto ti bagic cadagiti casupadic bumalesacto cadagiti cabusorco;
25Ket iparabawconto manen ti imac kenca, ket gugoracto a talipupusen ti rugitmo, ken ibellengco amin a gampromo;
26Ket bangonecto manen dagiti ocomyo a cas idi unana ken dagiti consejerosmo a cas idi punganay: iti #bil. 21. Zac. 8:3.calpasanna managanancanto iti ili ti kinalinteg, ili a matalec.
27Ti Sion masbutto iti kinajusticia, ket dagiti napasurotna masbutdanto iti kinalinteg.
28Ngem ti pannacadadael dagiti managlabsing ken managbasol agcucuyogdanto, ket dagiti tumallicud ken Jehova marunawdanto.
29Ta isuda maibabaindanto #Isa. 57:5.cadagiti luglugo a kinalicagumanyo, ken mariribuccayto a gapu #Isa. 63:3; 66:17.iti minuyungan a piniliyo.
30Ta cascayto la lugo nga agusaw ti bulongna, ken cas minuyongan nga awan danumna.
31Ket ti napigsa caslanto iti lapnit, ket ti aramidna caslanto iti dalipato; agpadpadadanto a mapuuran, ket awanto ti mangiddep cadacuada.
Currently Selected:
ISAIAS 1: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
