Popular Bible Verses from ISAIAS 1

Share

Umaycayo ita, ket agsusurottayo coma, cuna ni Jehova: uray no dagiti basbasolyo casda la coma iti escarlata, mapapudawdanto a cas la nieve; nupay no nalabbasitda a cas la carmesi, agbalindanto a cas la napudaw a de lana.

No agmayatcayo ken agtulnogcayo, canenyonto ti caimbagan iti daga

Sursuroenyo ti agaramid iti naimbag; sapulenyo ti kinajusticia, saranayenyo dagiti maparigat, icalinteganyo dagiti ul-ulila, salacnibanyo ti balo a babai.

Ngem no paayenyo ken sumukircayo, maalun-uncayto iti campilan; ta ti ngiwat ni Jehova insaona.

Agbuggocayo, agdaluscayo; yadayuyo ti dakes cadagiti ar-aramidyo manipud iti sangoanan dagiti matac; agsardengcayo nga agaramid iti dakes.

Ket intono itayagyo dagiti im-imayo, ilingedconto dagiti matac cadacayo; wen, intono agaramidcayo cadagiti adu a lualo, diacto ipangag: dagiti im-imayo napnoda iti dara.

Dicay mangyegen cadagiti datdaton nga ubbaw; ti incienso maysa a macarimon caniac; ti lutuad ken aldaw a panaginana, ti panaguurnong cadagiti gimgimong, diac maanusan ti kinadangkes ken nadaeg a gimong.

Ti vaca ammona ti makincucua kencuana, ket ti asno ammona ti pagpacanan ni apona; ngem ti Israel dina ammo, ti ilic saan nga agotob.

Dagiti lutuadyo ken dagiti fiestayo a maikeddeng guraen toy cararuac; macapulcocda caniac; mautoyanac nga agawawit cadacuada.