ISAIAS 3
3
Ti pannacaidarum dagiti agtuturay ti Juda ken dagiti babbai a nagaramugam.
1Ta, adtoy ti Apo, a ni Jehova dagiti buybuyot, #Jer. 37:21.iccatenna iti Jerusalem ken iti Juda ti #Lev. 26:26.mangpakired, ken ti sarikedked, ti isu-amin a mangpakired a tinapay ken danum;
2Ti maingel a tao, ken ti tao ti gubat; ti ocom, ken ti mammadto, ken ti mammadles, ken ti panglacayen;
3Ti capitan ti limapulo, ken ti natacneng a tao, ken ti consejero, ken ti nalaing nga agaramid, ken ti nalaing a baglan.
4Ket #Ecle. 10:16.mangtedacto cadagiti annac tapno isuda dagiti panguloenda, ket dagiti maladaga iturayandanto ida.
5Ket dagiti umili maparigatdanto, tunggal maysa a gapu iti sabali, ken tunggal maysa a gapu iti carrubana: ti ubing tumacderto a sitatangsit unay a bumusor iti lacay, ken t itimmawa a bumusor iti natacneng.
6 #
Isa. 4:1. Intono ti maysa a tao tengngelennanto ti cabsatna iti balay ni amana, a cunaenna, Sica adda pagan-anaymo, sica coma ti agturay cadacami, ket daytoy a pannacarba agsaad coma iti babaen ti imam;
7Iti dayta nga aldaw ingatonanto ti timecna, a cunaenna, Saanacto a mangagas; ta iti balayco awan ti tinapay ken uray pagan-anay: didacto isaad nga agturay cadagiti umili.
8Ta ti Jerusalem narba, ket ti Juda narugpo; agsipud ta ti dilada ken dagiti ar-aramidda bumusorda ken Jehova, a panggargarida cadagiti mata ti dayagna.
9Ti panagparang dagiti rupada panecnecanna ti maibusor cadacuada; ket ipalawagda ti basolda #Gen. 13:13. Isa. 1:10.a cas iti Sodoma, dida ilimed. Asipay ti cararuada! ta nagaramidda ti dakes cadacuada met laeng.
10Agsaocayo maipapan iti nalinteg, #Ecle. 8:12.a naimbagto kencuana; #Sal. 128:2.ta canendanto ti bunga dagiti ar-aramidda.
11Asi pay ti managdacdakes! nasanaangto kencuana; #Sal. 11:6. Ecle. 8:13.ta ti inaramid dagiti im-imana maaramidto kencuana.
12Iti maipapan iti ilic, #bil. 4.ububbing ti mamarigat cadacuada, ken dagiti babbai ti mangituray cadacuada. O ilic, #Isa. 9:16.dagidi mangiturturong kenca pagbiddutendaca, ken dadaelenda ti turong dagiti dandanam.
13Ni Jehova sitatacder #Os. 4:1.a sumupring, ken sitatacder a mangocom cadagiti inilin-ili:
14 #
Sal. 143:2. Ni Jehova sumrecto iti panangocom cadagiti lallacay dagiti tattaona ken cadagiti panguloenda: Dacayo dagiti nangalun-un iti cauvasan; ti nasamsam cadagiti napanglaw adda cadagiti balbalayyo:
15Ania ti panggepyo #Sal. 94:5.dacayo a ladditenyo ti ilic, ken lebbekenyo ti rupa dagiti napanglaw? cuna ti Apo, a ni Jehova dagiti buybuyot.
16Casta met a ni Jehova cunana, #Isa. 32:9-11.Agsipud ta dagiti annac a babbai ti Sion napalangguadda, ken magnada a sitatangar dagiti tengngedda ken mata a nagaramugam, ken magnada ken agkinnikinnida no mapanda, ken agaramidda iti killingkilling cadagiti sacsacada;
17 # bil. 7. Gapuna a ti Apo paggaddilennanto ti toctoc ti olo dagiti annac a babai ti Sion, ket ni Jehova iparangnanto dagiti nalimed a camengda.
18Iti dayta nga aldaw ti Apo iccatennanto ti kinaimnas dagiti ar-arcos #Oc. 8:21, 26.dagiti sacsacada, ken dagiti iniket nga oclop, ken dagiti sinan-bulbulan;
19Dagiti pendientes, ken dagiti pulceras ken dagiti ababungot ti rupa;
20Dagiti dalungdong, ken dagiti calangcang a maipaay cadagiti pungopungoan ti saca, ken dagiti barikes, ken dagiti cajita ti bangbanglo, ken dagiti an-anib:
21Dagiti singsing, ken dagiti aritos ti agong;
22Dagiti pagan-anay a pakirambac, ken dagiti cagay, ken dagiti panolon, dagiti supot;
23Dagiti espejo, ken dagiti nalapat a lienzo, ken dagiti turbante, ken dagiti abungot.
24Ket maaramidto, a dagiti nabanglo a sabsabong agbalinto a kinabuyoc; ket iti saad ti barikes maisucatto ti tali; ket iti saad ti naornos a buoc, panagcalvonto; ket iti saad ti lambon, #Isa. 15:3.pagbarikes a lupot a nakersang; ket iti saad ti kinaimnas biritbiritto.
25Dagiti lallakim mapasagdanto iti campilan, ket ti maingelmo mapasagto iti paggugubatan.
26Ket ti ruanganna #Jer. 14:2.agladingitto ken agpanes; ket isu #D. Un. 2:10.mapanawanto ken agtugawto iti daga.
Currently Selected:
ISAIAS 3: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
