GENESIS 30

Dagiti Annac ni Jacob. Ti Tulagna ken Laban. Ti Irarang-ayna.

1Ket ni Raquel idi naimatanganna a #Gen. 29:31.di nangyanac ken Jacob, immapal ken cabsatna a babai; ket kinunana ken Jacob, Iccannac iti annac, ta no saan, matayac.

2Ket ni Jacob nacapungtot ken Raquel: ket kinunana, #Gen. 16:2. 1 Sam. 1:5.Siac aya ti sumucat iti Dios, a nangtuben iti tianmo?

3Ket ni Raquel, kinunana, Adtoy, ni adipenco a Bilha, sumrecca kencuana, #Gen. 50:23.tapno aganacto iti rabaw dagiti tumtumengco, #Gen. 16:2.ket magun-odco met dagiti annac gapu kencuana.

4Ket intedna kencuana ti adipenna a Bilha nga asawaenna: ket ni Jacob simrec kencuana.

5Ket ni Bilha nagsicug ket nangyanac ken Jacob iti maysa nga anac a lalaki.

6Ket ni Raquel kinunana, Ti Dios inocomnac ket dinengngegna met ti timecco, ket iniccannac iti maysa nga anacco: gapuna a pinanagananna iti Dan.

7Ket ni Bilha nga adipen ni Raquel nagsicug manen, ket inyanacna ti maicadua a lalaki nga anac ken Jacob.

8Ket ni Raquel kinunana, Cadagiti pannakibacal a siiingel nakibacalac ken cabsatco a babai, ket inabacco: ket impanaganna ti Nephtali.

9Idi nadlaw ni Lea a simmardeng nga aganac, innalana #bil. 4.ti adipenna a Zilpa; ket impaasawana ken Jacob.

10Ket nangyanac ni Zilpa, nga adipen ni Lea, ken Jacob iti maysa a lalaki.

11Ket ni Lea kinunana, Nagasat! Ket pinanagananna iti Gad.

12Ket ni Zilpa, nga adipen ni Lea, nangyanac ken Jacob iti maicadua a lalaki.

13Ket ni Lea kinunana, Nagasatac! ta #Luc. 1:48.cunanto dagiti annac a babbai a nagasatac: ket impanaganna iti Aser.

14Ket ni Ruben napan idi tiempo a panagani iti trigo, #C. ni Sal. 7:13.ket nasaracanna dagiti mandragoras cadagiti taltalon, ket insangpetna ida ken ni Lea, nga inana. Ket ni Raquel kinunana ken Lea, Dawatec kenca nga iccannac coma cadagiti mandragoras ni anacmo.

15Ket isu simmungbat, Bassit pay laeng a banag ti panangalam idi ken asawac? ket alaem manen dagiti mandragoras ni anacco? ket ni Raquel kinunana, Iti casta makicaiddanto kenca no rabii, a supapac dagita mandragoras ni anacmo.

16Ket ni Jacob naggapu iti talon iti malem, ket rimmuar a simmabet kencuana ni Lea, ket kinunana, sumreccanto caniac; ta pudno nga inabanganca maipanggep cadagiti mandragoras ni anacco. Ket nakicaidda kencuana idi a rabii.

17Ket ti Dios dinengngegna ni Lea, ket nagsicug, ket inyanacna ken Jacob ti maicalima nga anac a lalaki.

18Ket ni Lea kinunana, Ti Dios intedna ti gungonac, gapu ta intedco ti adipenco ken asawac: ket pinanagananna iti Isacar.

19Ket ni Lea nagsicug manen, ket inyanacna ti maicanem nga anac a lalaki ken Jacob.

20Ket ni Lea kinunana, Ti Dios iniccannac ti nasayaat a sab-ong; gapu itoy makipagnaedto caniac ni asawac, ta inyanacac cadagiti innem nga annac a lalaki: ket pinanagananna iti Zabulon.

21Ket iti calpasanna naganac iti maysa a babai, ket ninaganna iti Dina.

22Ket ti Dios #Gen. 8:1.linagipna ni Raquel, ket ti Dios impangagna, #Gen. 29:31. Sal. 127:3.ket linuctanna ti aanacanna.

23Ket nagsicug, ket naganac iti lalaki, ket kinunana, #1 Sam. 1:6. Isa. 4:1. Luc. 1:25.Iniccat ti Dios ti pacaibabainac.

24Ket pinanagananna iti Jose, a kinunana, #Gen. 35:17.Nayonan coma caniac ni Jehova ti sabali nga anac a lalaki.

25Ket naaramid nga, idi ni Raquel inyanacna ni Jose, ni Jacob kinunana ken Laban, Palubosannac, ta innacon idiay dissoc, ken sadiay dagac.

26Itedmo caniac dagiti assawac ken dagiti annacco, #Gen. 29:20, 30.isuda a nateggedac kenca, ket palubosannac: ta ammom ti panagservic nga inaramidco kenca.

27Ket ni Laban simmungbat kencuana, No ngarud, nacasaracac iti parabur cadagiti matam, agurayca: ta nasuutco a binendicionannac ni Jehova gapu kenca.

28Ket kinunana, #Gen. 29:15.Kedngam ti gungonam, ket siac itdecto.

29Ket ni Jacob kinunana: #Gen. 31:6, 38-40.Sica ammom no casano ti panagservic kenca, ket no casano met ti pannacataraken dagiti an-animalmo maipuon caniac.

30Ta bassit ti adda a cucuam idi awanac pay, #bil. 43.ket immadu iti casta unay a nagwadwad; ket ni Jehova binendicionannaca iti uray ania man a papanac: ket ita #1 Tim. 5:8.intonano ti panagbannogco iti maipaay iti balayco?

31Ket isu kinunana, Ania ti itedconto kenca? ket ni Jacob kinunana, Awanto ti itedmo caniac: no ipaaymo caniac daytoy, agsubliacto manen a mangipaarab ti pangen ken agbantay cadacuada.

32Siac innacto ita nga aldaw cadagiti amin a pangpangenmo, tapno iccatecto sadiay amin nga an-animal a labang ken adda turicturicda, ken amin a carcarnero a nangisit cadagiti carcarnerom, ken dagiti labang ken adda turicturicda cadagiti calcalding: #Gen. 31:8.ket dagitoy ti gungonacto.

33Ket ti calintegac agsungbatto intono sabali nga aldaw no umaycanto a maipapan ti gungonac nga adda iti sangoanam: amin dagiti saan a labang ken awan turicturicda cadagiti calcalding, ken saan a nangisit cadagiti carcarnero, a matumpungan caniac, maipabasolto a tinacawco.

34Ket ni Laban kinunana, Adtoy, sapay coma ta casta cas iti panagsaom.

35Ket inlasinna idi nga aldaw dagiti calcalding a lallaki a labang ken adda turicturicda, ken amin a calcalding a babbai a labang ken naturturican, amin nga adda purawpurawda, ken amin a nangisit cadagiti carcarnero, ket inyawatna ida iti ima dagiti annacna a lallaki;

36Ket incabilna tallo nga aldaw a pagnaen iti nagbaetanda isu ken ni Jacob: ket ni Jacob inpapaarabna dagiti dadduma a pangpangen ni Laban.

37Ket ni #Gen. 31:8-12.Jacob nangala cadagiti rawrawis ti alamo a naata, ken almendra ken castano; ket sinalapsapanna ti dadduma nga ukis agingga iti rimmuar a napuraw unay dagiti rawrawis.

38Ket incabilna dagiti rawrawis, a sinalapsapanna, cadagiti liblibsong iti yan a paginuman dagiti carcarnero, iti sangoanan dagiti pangpangen; ket nagsicugda idi napanda naginum.

39Ket nagsicugda dagiti pangpangen iti sangoanan dagiti rawrawis, ket dagiti ar-arban nangyanacda cadagiti garitgaritan, labang, ken turicturican.

40Ket ni Jacob insinana dagiti ur-urbon a carcarnero, ket incabilna ida cadagiti pangpangenna, dagiti garitgaritan ken amin dagiti nangisit iti pangen ni Laban: ket inlasinna dagiti pangpangenna met laeng, ket dina intipon ida iti pangen ni Laban.

41Ket naaramid nga, idi dagiti napigpigsa iti pangen nagsicugda, incabil ni Jacob dagiti rawrawis iti sango dagiti mata dagiti pangpangen idi yan dagiti liblibsong, tapno agsicugda iti baet dagiti rawrawis;

42Ngem no nacapuy dagiti an-animal, saanna nga incabil dagiti rawrawis; iti casta dagiti nacapcapuy isuda idi ti cucua ni Laban, ket dagiti napigpigsa cucua idi ni Jacob.

43 # bil. 30. Ket ti lalaki dimmackel iti casta unay, ket #Gen. 24:35; 26:13-14.aduda idi dagiti carcarnerona, ken ad-adipen a babbai ken ad-adipen a lallaki, ken camcamello ken as-asno.

Currently Selected:

GENESIS 30: TB1973

Highlight

Copy