GENESIS 29

Ni Jacob masaracanna ni Raquel. Ni Laban awatenna. Ni Jacob asawaenna ni Lea ken ni Raquel. Dagiti Annacna.

1Idin ni Jacob nagtuloy iti dalanna #Num. 23:7. Oc. 6:3.ket nacadanon iti daga dagiti annac ti daya.

2Ket kimmita ket, adtoy, maysa a bobon iti cataltalonan, ket adtoy, tallo a pangen dagiti carcarnero agid-iddada iti sibayna; ta iti daydi a bobon ti nagpapainumanda cadagiti an-animal: ket dackel ti bato iti ngarab ti bubon idi.

3Ket inurnongenda amin sadiay dagiti pangpangen: ket ligsayenda idi ti bato iti ngarab ti bobon ken pinainumda dagiti carcarnero, sada insubli manen ti bato iti ngarab ti bobon.

4Ket ni Jacob kinunana cadacuada, Cacabsatco, Tagaanocayo? Ket simmungbatda, #Gen. 27:43.Taga Harancami.

5Ket kinunana cadacuada, Amammoyo ni Laban nga anac ni Nacor? Ket kinunada, Am-ammomi.

6Ket kinunana cadacuada, Naimbag ti casasaadna? Ket kinunada, Naimbag ti casasaadna: ket, adtoy, ni Raquel nga anacna a babai umay a cacuyogna dagiti carcarnero.

7Ket kinunana, Adtoy, aldaw pay laeng, ket di pay met panangapon cadagiti an-animal: painumenyo dagiti carcarnero, ket incayo ipaarab ida.

8Ket kinunada, Dicami mabalin, agingga iti di mapagtitipon amin dagiti ipastoran, ket ligsayenda ti bato iti ngarab ti bobon; sa painumenmi dagiti carcarnero.

9Idinto a makisasao pay laeng cadacuada, ni #Ex. 2:16.Raquel immay agraman dagiti carcarnero ni amana; ta isu idi ti agipapaarab.

10Ket naaramid nga, idi nakita ni Jacob ni Raquel nga anac a babai ni Laban, a cabsat ni inana, ken dagiti carcarnero ni Laban a cabsat a lalaki ni inana, immasideg ni Jacob, ket linigsayna ti bato iti ngarab ti bobon, ket pinainumna ti arban ni Laban a cabsat ni inana.

11Ket ni Jacob inagcanna ni Raquel, ket impigsana ti timecna, ket nagsangit.

12Ket ni Jacob imbagana ken Raquel #Gen. 13:8; 14:14, 16.nga isu ti cabsat ni amana, ket anac ni Rebeca: #Gen. 24:28.ket isu nagtaray a nagpadamag ken amana.

13Ket naaramid nga, idi ni Laban nangngegna dagiti damdamag ni Jacob nga anac ti cabsatna a babai, nagtaray a simmabat kencuana, ket inaracupna nga inagcan, ket insangpetna iti balayna. Ket sinaritana ken Laban isu-amin dagitoy a banbanag.

14Ket ni Laban kinunana kencuana, #Gen. 2:23; 37:27. Oc. 9:2. 2 Sam. 5:1; 19:12, 13. 1 Cron. 11:1.Agpayso unay a sica ti tulangco ken lasagco. Ket nakipagyan kencuana iti nacabulan.

15Ket ni Laban kinunana ken Jacob, Gapu ta sica ti cabsatco, pagserviannac ngata nga awan tangdanmo? Ibagam caniac, anianto ti tangdanmo?

16Ket ni Laban adda idi dua nga annacna a babbai; ti nagan ti inauna Lea, ket ti nagan ti inaudi Raquel.

17Ket dagiti mata ni Lea natarnawda idi; ngem ni Raquel naimnas ken nasayaat ti langana.

18Ket ni Jacob inayatna ni Raquel; ket kinunana, #Gen. 31:41.Agserviacto kenca bayat iti pito a tawen gapu ken Raquel nga anacmo a babai nga inaudi.

19Ket ni Laban kinunana, Nasaysayaat nga isu itdec kenca ngem ti itedco iti sabali a lalaki: makipagtaengca caniac.

20 # Gen. 30:26. Os. 12:12. Ket ni Jacob nagservi gapu ken Raquel bayat iti pito a tawen; ket bassit la nga aldaw ti nangipapananna, gapu ta isu ti pagay-ayatanna idi.

21Ket ni Jacob kinunana ken Laban, Itedmo caniac ti asawac, ta nalpasen ti aldawco, tapno makipagnaedac kencuana.

22Ket ni Laban inommongna amin a lallaki idiay a disso, #Oc. 14:10. Juan 2:1, 2.ket nagdaya.

23Ket naaramid iti rabii nga innalana ni Lea nga anacna, ket intedna ken Jacob; ket simrec kencuana.

24Ket ni Laban intedna ni Zilpa nga adipenna a tagabuen ni anacna a Lea.

25Ket naaramid iti bigat nga, adtoy, isu idi ni Lea: ket ni Jacob kinunana ken Laban, Ania daytoy nga inaramidmo caniac? saan aya a nagserviac kenca maipanggep ken Raquel? ania ngarud ti gapuna nga inallilawnac?

26Ket ni Laban simmungbat, Saan a maaramid ti casta ditoy ayanmi, nga ited nga umun-una ti inaudi ngem ti inauna.

27 # Oc. 14:12. Panungpalem pay ti daytoy a lawasna, ket sa itedminto pay ni Raquel kenca, nga iserviam manen caniac iti sabali a pito a tawen.

28Ket ni Jacob inaramidna a casta, ket tinungpalna ti lawas ni Lea: ket ni Laban intedna ni Raquel nga anacna nga inasawa ni Jacob.

29Ket ni Laban, intedna ken Raquel nga anacna, ni Bilha nga adipenna tapno pannacaubingna.

30Ket simrec met ken Raquel, #bil. 20; 31:41. Deut. 21:15. ket inayatna a nangnangrona pay ngem ni Lea, ket inservianna manen iti sabali a pito a tawen.

31Ket ni Jehova nakitana a ni Lea magurgura idi, gapuna a linuctanna ti aanacanna: ngem ni Raquel lupes idi.

32Ket ni Lea nagsicug ket naganac iti maysa a lalaki, ket pinanagananna iti Ruben: ta kinunana, #Gen. 31:42. Ex. 3:7; 4:31. Deut. 26:7.Gapu ta ni Jehova nakitana ti lidayco; itatta ni asawac ayatennacto.

33Ket nagsicug manen, ket naganac iti lalaki: ket kinunana, Gapu ta ni Jehova nangngegna a siac caluclucsawdac, intedna met caniac daytoy nga anac: ket impanaganna ti nagan a Simeon.

34Ket nagsicug manen, ket naganac iti maysa a lalaki; ket kinunana, Ita itoy a daras makitiponto caniac ni asawac, ta inyanacac iti tallo a lallaki: gapuna nga intedna a naganna ti Levi.

35Ket nagsicug manen, ket naganac iti maysa a lalaki: ket kinunana, Itoy a daras daydayawecto ni Jehova: gapuna nga impanaganna ti naganna a #Mat. 1:2.Juda, ket simmardengen a naganac.

Currently Selected:

GENESIS 29: TB1973

Highlight

Copy