GENESIS 31

Ni Jacob pumanaw a sililimed a mapan idiay Canaan. Suroten ni Laban ket babalawenna. Ti Sungbat a sipupungtot ni Jacob. Ti Tulag sadiay Galaad.

1Ket ni Jacob nangngegna dagiti sasao dagiti annac a lallaki ni Laban, a cuncunada, ni Jacob innalana amin a cucua ni amatayo; ket dagiti cucua idi ni amatayo dagiti nacaigapuan #Sal. 49:16, 17.daytoy a dayaw.

2Ket ni Jacob nakitana ti #Gen. 4:5.rupa ni Laban, ket, adtoy, saan nga agparang kencuana a cas idicua.

3Ket ni Jehova kinunana ken Jacob, #Gen. 28:15; 32:9.Agsublica iti daga dagiti dadackelmo, ken cadagiti cacabagiam; ket siaaddaacto kenca.

4Ket ni Jacob nangbaon ket pinaayabanna da Raquel ken ni Lea idiay talon a yan dagiti pangpangenna,

5Ket kinunana cadacuada, #bil. 2.Siac makitac ti rupa ni amayo, nga isu saan nga agparang caniac a cas idicua; #bil. 3.ngem ti Dios ni amac nakipagyan caniac.

6 # bil. 33-41. Ket dacayo ammoyo nga iti amin a pigsac nagserviac ken amayo.

7Ket ni amayo inulbodnac, ket iti #bil. 41.naminpulo daras #Num. 14:22. Neh. 4:12. Job 19:3. Zac. 8:23.sinuctanna ti tangdanco; ngem ti Dios dina impalubos kencuana nga agaramid caniac iti dakes.

8No isu kinunana a castoy, #Gen. 30:32.Dagiti labang isudanto ti gungonam; iti casta amin a pangpangen aganacda idi iti labang: ket no kinunana a castoy. Dagiti garitgaritan isudanto ti gungonam; iti casta aganac amin idi a pangpangen iti garitgaritan.

9 # bil. 1, 16. Iti castoy ti Dios iniccatna dagiti an-animal ni amayo, ket intedna ida caniac.

10Ket naaramid nga iti tiempo ti panagsicug dagiti an-animal, intangadco dagiti matac, ket nakitac iti parmata, ket adtoy, nakitac a dagiti lallaki, kinalay-atda dagiti babbai, garitgaritanda, labang, ken turicturican idi.

11Ket ti angel ti Dios kinunana caniac iti tagainep, Jacob: ket kinunac, Adtoyac.

12Ket kinunana, Itangadmo ita dagiti matam, ket kitaem: amin dagiti lallaki a cumalay-at cadagiti babbai isuda garitgaritan, labang, ken turicturicanda: ta #Ex. 3:7.siac nakitac idi amin nga aramiden ni Laban kenca.

13 # Gen. 28:18-20; 35:7. Siac ti Dios ti Bethel, isu a nanglanaam iti bato, isu a nagcariam caniac iti cari: #bil. 3. Gen. 32:9.tumacderca ita, ket pumanawca ditoy a daga, ket inca agsubli iti daga a nacayanacam.

14Ket ni Raquel ken ni Lea simmungbatda ket kinunada kencuana, #2 Sam. 20:1. 1 Ar. 12:16.Adda ngata pay bingaymi wenno tawidmi idiay balay ni amami?

15Saancam aya a maibilang a gangannaet kencuana? #Gen. 29:15, 27; 30:26.ta inlaconacami ket kinnanna met a naminpinsan amin a piracmi.

16Ta amin dagiti kinabacnang nga iniccat ti Dios ken amami, isuda dagiti cucuami ken cucua dagiti annacmi: ita ngarud, aramidem ti uray ania a sinao ti Dios kenca.

17Idin ni Jacob timmacder, ket insacayna dagiti annacna ken dagiti assawana cadagiti camcamello;

18Ket intalawna amin dagiti an-animalna, ken amin a cucuana nga inurnongna, dagiti an-animal a nagun-odna, nga inummongna idiay Padan-aram, tapno mapan ken Isaac nga amana idiay daga a Canaan.

19Ket ni Laban napanna idi pinukisan dagiti carcarnerona: ket ni Raquel tinacawna dagiti ladladawan a pagcararagan a cucua idi ni amana.

20Ket ni Jacob naglibas ken Laban a Sirio, a gapu iti dina panangyammo iti ipapanawna.

21Casta ti panagtalawna idi agraman amin nga adda kencuana; ket timmacder, ket nagbaliw iti #Ex. 23:31. Sal. 72:8. Isa. 27:12.Carayan, ket #2 Ar. 12:17. Luc. 9:51, 53.nagturong idiay bantay ti Galaad.

22Ket naipadamag ken Laban, iti maicatlo nga aldaw, ti panagtalaw ni Jacob.

23Ket innalana dagiti cacabsatna a cadduana a nangsurot kencuana, ket nagpito nga aldawda a nagna; ket nacamacamma idiay bantay ti Galaad.

24Ket ti Dios #Gen. 20:3.immay iti maysa a tagainep ti rabii ken Laban a taga Siria, ket kinunana kencuana, #Gen. 24:50.Aluadam ta dica agsao ken Jacob iti naimbag wenno dakes.

25Ket ni Laban nacamacamna ni Jacob. Ket ni Jacob imbangonna ti sapawna iti bantay: ket ni Laban nagsardeng agraman dagiti cacabsatna idiay bantay ti Galaad.

26Ket ni Laban kinunana ken Jacob, Ania ti inaramidmo, ta linibasannac, ket impanmo dagiti annacco a casda la caycayaw iti campilan?

27Apayapay a pimmanawca iti nalimed, ket linibasannac, ket dica inbagbaga caniac, ta pinalubosanca coma a siraragsac a nacancantaan, a natamtamboran, ken naharharpaan;

28Ket dica #bil. 55. Rut. 1:9, 14. 1 Ar. 10:20. D. Ara. 20:37.impaagec caniac dagiti annacco a lallaki ken babbai? ita minamauyong ti inaramidmo.

29 # Deut. 28:32. Neh. 5:5. Prov. 3:27. Mik. 2:1. Adda ti pannacabalin iti imac nga mangranggas kenca: #bil. 53. Gen. 28:13.ngem ti Dios ni amam sinaona caniac idi rabii, a kinunana, Aluadam ta dica agsao ken Jacob iti naimbag man wenno dakes.

30Ket ita, nupay no cayatmo ti mapan, gapu ta mailiwca iti balay ni amam, #bil. 19. Oc. 18:24.apayapay ngarud a tinacawmo dagiti didiosco?

31Ket ni Jacob simmungbat ken Laban ket kinunana, Gapu ta agbutengac idi: ta kinunac, Amangan la ket no agawenna caniac dagiti annacna a babbai.

32Iti pacasaracam cadagita didiosmo, #Gen. 44:9.saanto nga agbiag: iti sango dagiti cacabsatta kitaem ti cucuam nga adda caniac, ket alaem. Ta ni Jacob saanna nga ammo a ni Raquel tinacawna ida.

33Ket ni Laban simrec iti sapaw ni Jacob, ken iti sapaw ni Lea, ken iti sapaw dagiti dua nga ad-adipen a babbai; ngem awanda a nasaracanna. Ket rimmuar iti sapaw ni Lea, ket simrec iti sapaw ni Raquel.

34Ket ni Raquel innalana idi dagiti didios ket incabilna ida iti pasanga ti camello, ket nagtugawanna ida. Ket ni Laban sinukimatna amin ti uneg ti sapaw ngem dina ida nasaracan.

35Ket kinunana ken amana, Saan coma nga agunget ni apoc nga ita diac mabalin ti #Lev. 19:32.tumacder iti sangoanam; ta agcadawyanac cas sapasap cadagiti babbai. Ket nagsapul, ngem dina natumpungan dagiti didios.

36Ket ni Jacob nagpungtot, ket binabalawna ni Laban: ket ni Jacob simmungbat ket kinunana ken Laban, Ania ti salungasingco? ania ti basolco a nangcamatam caniac a sidadaras?

37Yantangay sinucainam dagiti amin a cucuac, ania ti nasaracam cadagiti amin a gargaret ti balaymo? Icabilmo iti sango dagiti cacabsatco ken cacabsatmo tapno ocomendata nga agpadpada.

38Cadagitoy duapulo a tawen nakipagyanac kenca; dagiti carcarnero ken calcaldingmo a babbai saanda a naalisan, ket diac nangan cadagiti lallaki dagiti pangpangenmo.

39 # Ex. 22:12. Ti pinatay dagiti narungsot nga animal, diac impasang kenca; siac ti naglac-am iti nadadael; dagiti natacaw iti aldaw man wenno rabii, iti imac ti nagsapulam.

40Castaac idi; iti aldaw magagaraac iti pudot, ket no iti rabii, iti lamiis ti linnaaw a nagbalay; ket ti turogco napucaw cadagiti matac.

41Cadagitoy duapulo a tawen addaac idi iti balaymo; #Gen. 29:27, 28.sangapulo ket uppat a tawen nagserviac kenca gapu cadagiti dua nga annacmo a babbai, ket innem a tawen gapu cadagiti an-animalmo: ket naminpulo a #bil. 7.binaliwam ti tangdanco.

42 # Sal. 124:1, 2. No coma no ti Dios ni amac, ti Dios ni Abraham, #bil. 53.ken ti Buteng ni Isaac, #Gen. 29:32.awan caniac idi, pudno ima-imaac coma a papanawem ita. Ti Dios nakitana ti rigatco ken ti bannog dagiti im-imac, ket #bil. 29.tinubngarnaca idi rabii.

43Ket ni Laban simmungbat ket kinunana ken Jacob, Dagiti annac a babbai annacco ida, ken dagiti ubbing ubbingco ida, ket dagiti ar-arban ar-arbanco ida, ket amin a makitam cucuac: ket cadagitoy annacco a babbai, ania ti mabalinco nga aramiden caduacuada ita? wenno cadagiti annacda nga impasngayda?

44Umayca ngarud ita, #Gen. 26:28.agcallaysata coma, siac ken sica; ket #Jos. 24:27.agservi coma a pammanecnec cadata.

45Ket ni Jacob #Gen. 28:18.nangala iti maysa a bato, ket binangonna a teddec.

46Ket ni Jacob kinunana cadagiti cacabsatna, Agummongcayo cadagiti batbato; ket nangalada cadagiti batbato, ket inaramidda a bunton: ket nanganda sadiay iti abay ti bunton.

47Ket ni Laban pinanagananna iti #Ti bunton ti Pammanecnec, iti sao nga Aramaic.Jegar-Sahadutha: ngem ni Jacob ninaganna iti #Ti bunton ti Pammanecnec, iti sao nga Hebreoo.Galaad.

48Ket ni Laban kinunana, Daytoy a #bil. 44. Jos. 24:27.bunton isu ita ti pamanecnec cadata. Gapuna a napanaganan iti Galaad:

49Ken #Torre a Pagwanawanan.Mizpa, ta kinunana, Ni Jehova agsiput coma iti nagbaetanta no masina ti maysa ken maysa cadata.

50No paldaangem dagiti annacco, ken no mangalaca pay iti babai a sabali nga inayon cadagiti annacco a babbai, awan tao nga adda cadata; kitaem, ti Dios #Oc. 11:10. 1 Sam. 12:5. Job 16:19. Jer. 42:5. Mik. 1:2.isu ti sacsita iti nagbaetanta.

51Ket ni Laban kinunana ken Jacob, Adtoy ti bunton, ket adtoy ti teddec, a binangonco nga agservi cadata.

52Panecnecan coma daytoy a bunton, ket pagpanecnec coma daytoy a teddec a diacto aglabes itoy a bunton tapno agranggasac kenca, ken dicanto met aglabes itoy a bunton ken itoy a teddec tapno agranggasca caniac.

53Ti Dios ni Abraham, ken ti Dios ni Nacor, ti Dios ni amada, ocomennata coma. Ket ni Jacob nagsapata gapu iti #bil. 42.Buteng ni Isaac nga amana.

54Ket ni Jacob nagaramid ti maysa a daton idiay bantay, ket inayabanna #bil. 37.dagiti cacabsatna tapno manganda iti tinapay: ket nanganda iti tinapay ket imyanda idiay bantay.

55Ket ni Laban bimmangon a nasapa iti bigat ket inagcanna dagiti #bil. 28, 43.annacna a lalaki ken babbai, ket binendicionanna ida: ket nagluas ni Laban, ket nagsubli idiay taengna.

Currently Selected:

GENESIS 31: TB1973

Highlight

Copy