GENESIS 24

Ti Tulag ti Panagasawa ni Isaac ken ni Rebeca. Ti Panagasawada.

1Ket ni Abraham lacayen, ket aduanen ti tawen: ket ni Jehova #bil. 35. Gen. 13:2.binendicionanna ni Abraham iti isu-amin.

2Ket ni Abraham #Gen. 15:2.kinunana iti adipenna, ti panglacayen ti balayna, nga #bil. 10.agaywan iti isu-amin nga adda kencuana, #Gen. 47:29.Isaadmo ta imam, dawatec kenca, iti babaen ti luppoc:

3Ket pagsapataencanto gapu ken Jehova, a Dios ti langit ken ti Dios ti daga, a #Gen. 26:34, 35.dicanto pangasawen iti anacco cadagiti annac a babbai ti Canaan isuda a pakipagtaengac:

4Ngem #Gen. 28:2.mapancanto iti dagac, ken cadagiti cacabagiac, ket mangalaca idiay iti asawa nga agpaay iti anacco nga Isaac.

5Ket ti adipen kinunana kencuana, Nalabit ti balasang dinanto cayat ti sumurot caniac a dumanon itoy a daga: masapulco nga ipan manen ti anacmo iti daga a naggapuam?

6Ket ni Abraham kinunana kencuana, Annadam ket dica ipan manen ti anacco idiay.

7Ni Jehova a Dios dagiti langlangit, a #Gen. 12:1.nangala caniac iti balay ni amac, ken iti daga a nacayanacac, ken nagsao caniac, ken nagsapata caniac, a cunana, #Gen. 12:7.Iti putotmo itedconto daytoy a daga; isu #Ex. 23:20, 23; 33:2. Heb. 1:14.ibaonnanto ti angelna iti masangoanam ket mangalacanto idiay ti asawa ti anacco.

8Ket no ti babai dinanto cayat ti sumurot kenca, #Jos. 2:17, 20.mawayawayaancanton itoy sapatac; isuna laeng a dicanto ipan manen idiay ti anacco.

9Ket ti adipen inassadna ti imana iti baba ti luppo ni Abraham nga apona, ket nagsapata kencuana maipuon itoy a panggep.

10Ket ti adipen nangala iti sangapulo a camello cadagiti camello ni apona, ket nagluas, ta #bil. 2.addan iti imana dagiti amin a napateg a cucua ni apona: ket timmacder, ket napan idiay #Deut. 23:4. Oc. 3:8.Mesapotamia, iti ili ni Nacor.

11Ket pinagparintumengna dagiti camello iti ruar ti ili iti abay ti bobon ti danum, ti malem, nga horas ti ipapan dagiti #1 Sam. 9:11. Juan 4:7.babbai nga agsacdu.

12Ket kinunana, O Jehova a #bil. 27, 42, 48.Dios ni apoc nga Abraham, ibaonmo cadi caniac, dawatec kenca, ti naimbag a gasat ita nga aldaw, ket itdem ti caasi ken apoc nga Abraham.

13 # bil. 43. Adtoy, sitatacderac iti abay ti ubbog ti danum: ket dagiti babbai nga annac dagiti tattao ti ili um-umayda sumacdu:

14Ket maaramid coma nga ti balasang a pagcunaac, Dawatec nga ibabam cadi ta carambam, tapno uminumac; ket isu cunananto, Uminumca, ken casta met painumecto dagita camellom: ipaaymo cadi nga daytoy ti insaganam iti adipenmo nga Isaac; #Gen. 15:8.ket iti castoy maammoacto nga inaramidmo ti caasi ken apoc.

15Ket naaramid nga, idi dina pay natuloy ti agsao, adtoy, ni Rebeca #Gen. 11:29; 22:23.rimmuar a sibabaclay ti carambana, isu nayanac ken Bethuel, lalaki nga anac ni Milca, asawa ni Nacor, a cabsat ni Abraham.

16Ket ti balasang #Gen. 26:7.napintas unay a mabuya, virgen, a di pay naam-ammo ti lalaki: ket simmalog iti ubbog, ket pinunnona ti carambana, ket simmang-at.

17Ket ti adipen nagtaray a simmabat kencuana, ket kinunana, Dawatec kenca, painumennac cadi iti bassit a danum iti carambam.

18Ket isu simmungbat, Uminumca, apoc: ket nagdaras, ket imbabana ti carambana iti imana, ket pinainumna.

19Ket idi nalpasnan a pinainum, kinunana, Casta met mangalaacto ti maipaay cadagiti camellom, inggana iti dida malpas nga uminum.

20Ket nagdaras, ket imbuyatna ti danum ti carambana iti pagipainuman ket nagsubli manen iti bobon a sumacdu, ket nangala iti agpaay cadagiti amin a camellona.

21Ket ti lalaki minatmatanna a siuulimec, tapno maammoanna no ni Jehova pinagasatna ti dalanna, wenno saan.

22Ket naaramid nga, idi dagiti camello nalpasdan nga imminum, ti lalaki nangala iti maysa a singsing a balitoc a guddua ti siclo ti timbengna, ken dua a pulceras nga agservi cadagiti im-imana a sangapulo a siclo a balitoc ti timbengda,

23Ket kinunana, Siasino ti makinanac kenca? Dawatec kenca ibagam cadi caniac. Adda ayan a pagdagusanmi idiay balay ni amam?

24Ket kinunana kencuana, #Gen. 22:23.Siac anacnac ni Bethuel lalaki nga anac ni Milca, isu nga inyanacna ken Nacor.

25Kinunana pay kencuana, Casta met nga adda cadacami, idiay balay, ti garami ken adu a macan dagiti an-animal, ken ti ayan a pagdagusan.

26Ket ti lalaki #bil. 52. Ex. 4:31.indumogna ti olona ket nagdaydayaw ken Jehova.

27Ket kinunana, Bendito coma ni Jehova, ti Dios ni apoc nga Abraham, isu nga di nangbaybaya iti #Gen. 32:10. Sal. 98:3.caasina ken kinapudnona iti apoc: casta met caniac, ni Jehova #bil. 48.inturongnac iti dalan agingga iti balay dagiti cacabsat ti apoc.

28Ket ti balasang nagtaray, ket inyammona iti balay ni inana, cas cadagitoy a sasao.

29Ket ni Rebeca adda lalaki cabsatna nga agnagan iti Laban: #Gen. 25:20; 28:2; 29:25.isu nagtaray a napan iti lalaki idiay ubbog.

30Ket naaramid nga, idi nakitana ti singsing, ken dagiti pulceras cadagiti imima ni cabsatna, ket idi nangngegna dagiti balicas ni Rebeca a cabsatna a kinunana, Casta ti kinuna caniac daydiay lalaki, immasideg iti lalaki; ket, adtoy, isu adda idi iti sibay dagiti camello idiay ubbog.

31Ket kinunana, #Gen. 26:29. Oc. 17:2. Rut. 3:10.Sumrecca, sica bendito ni Jehova; apayapay sitatacderca iti ruar? ta insaganacon ti balay, ken ti disso a pagyanan dagiti camello.

32Ket ti lalaki simrec iti balay, ket ni Laban inalsaanna dagiti camello, ket #Gen. 43:24. Oc. 19:21.nangted ti garami ken ti canen a maipaay cadagiti camello, ken danum a pangbuggo cadagiti sacsacana, ken sacsaca dagiti lallaki a kimmuyog kencuana.

33Ket insangoananda ti canenna: ngem kinunana, Diacto mangan agingga iti diac maibaga ti gagarac. Ket ni Laban kinunana, Agsaoca.

34Ket kinunana, Siac adipennac ni Abraham.

35 # bil. 1. Ket ni Jehova binendicionanna iti adu ni apoc; ket nagbalinen a dackel: ket iniccanna cadagiti carcarnero, ken vacvaca, ken pirac ken balitoc, ken ad-adipen a lallaki ken babbai, ken camcamello ken as-asno.

36Ket ni Sara, nga asawa ni apoc, #Gen. 21:2.inyanacna idi baketen ken apoc ti maysa a #Gen. 25:5.lalaki, isu a nangtedanna ti amin nga adda kencuana.

37Ket ni apoc #bil. 3-8.pinagsapatanac a kinunana, Dicanto mangala iti babai nga asawaen ti anacco cadagiti annac a babbai dagiti taga Canaan, nga iti dagada pagnaedac:

38Ngem incanto iti balay ni amac ken cadagiti cacabagiac, ket mangalacanto idiay iti asawa nga agpaay iti anacco.

39Ket kinunac ken apoc, Nalabit a ti babai dinto sumurot caniac.

40Ket sinungbatannac, Ni Jehova, nga iti #Gen. 17:1.sangona magnaac, ibaonnanto ti angelna a maicuyog kenca, ket pagasatennanto ti dalanmo; ket mangalacanto iti asawa a maipaay iti anacco cadagiti cacabagiac, ken iti balay ni amac:

41No casta mawayawayaancanton iti sapatac, intono macasangpetca iti capuonac: ket no didanto ited kenca, mawayawayaancanton iti sapatac.

42Ket dimtengac ita nga aldaw iti ubbog, ket kinunac, O #bil. 12, 27.Jehova, a Dios ni apoc nga Abraham, no sica pagasatem ita ti dalanco, isu a pagpagnaec:

43 # bil. 13. Adtoy, sitatacderac iti abay ti ubbog ti danum; ket ipaaymo cadi nga ti balasang a rummuar a sumacdu, isu a pagcunaacto, Dawatec kenca, painumennac cadi ti bassit a danum ita carambam;

44Ket isu cunaenanto, Uminumca, ken casta met mangalaacto ti danum nga agpaay cadagiti camellom: isu cadi daytoy ti babai nga insagana ni Jehova iti anac ti apoc.

45 # bil. 15. Ket idi diac pay nalpas ti #1 Sam. 1:13.sasaoen ti pusco, adtoy, ni Rebeca rimmuar a sebabaclay ti caramba; ket simmalog iti ubbog, ket nagsacdu: ket kinunac kencuana, Dawatec kenca nga painumennac cadi.

46Ket nagdaras, ket imbabana ti carambana iti abagana, ket kinunana, Uminumca, ken casta met painumecto dagiti camcamellom: ket imminumac, ken iniccanna met ti inumen dagiti camcamello.

47Ket nagimtuudac, ket kinunac, Asino ti makinanac kenca? ket kinunana, Anacnac ni Betuel, lalaki nga anac ni Nacor, isu nga impasngay ni Milca, kencuana: #Eze. 16:11-12.ket incabilco ti aritos iti agongna ken pulceras cadagiti imimana.

48 # bil. 26. Ket indumogco ti oloc, ket nagdaydayawac ken Jehova, ket indaydayawco ni Jehova, a Dios ni apoc nga Abraham, a nangiturong caniac iti napudno a dalan, tapno mangalaac iti babai nga #Gen. 22:23.anac ti cabsat a lalaki ni apoc nga agpaay iti anacna.

49Ita, ngarud, no ipaayyonto ti #Gen. 47:29. Jos. 2:14.caasi ken ti kinapudno ken apoc, ipalawagyo caniac: ket no saan, ibagayo met caniac; tapno agturongac iti macanawan, wenno iti macatigid.

50Idin ni Laban ken Betuel simmungbatda ket kinunada, Ni Jehova ti naggapuan daytoy: saanmi a mabalin ti #Gen. 31:24. 2 Sam. 13:22.agsao kenca iti dakes wenno naimbag.

51Addayta ni Rebeca iti sangoanam alaem, ket mapanca, ket isu coma ti asawa ti anac ni apom, cas sinao ni Jehova.

52Ket naaramid nga, idi ti adipen ni Abraham nangngegna dagiti balbalicasda, #bil. 48.nagrucnoy iti daga ken Jehova.

53Ket ti adipen nangala cadagiti #Ex. 3:22.alajas a balitoc, ken alajas a pirac, ken pagananay, ket intedna ida ken Rebeca; casta met iniccanna cadagiti cucua a napateg da cabsatna ken ni inana.

54Ket nanganda ken imminumda, isu ken dagiti lallaki a naicuyog kencuana, ket imyanda: ket bimmangonda iti bigat, ket kinunana, #bil. 56, 59.Ibaondac ken apoc.

55Ket ti cabsatna ken ti inana kinunada, Makipagyan cadi ti balasang cadacami iti sumagmamano nga aldaw, uray la no sangapulo; iti calpasanna, mapanto.

56Ket kinunana cadacuada, Didac tactaken, ta ni Jehova pinagasatna ti pannagnac; ibaondac a mapan ken apoc.

57Ket simmungbatda, Ayabanminto ti balasang, ket agintuudcami kencuana.

58Ket inayabanda ni Rebeca, ket kinunada kencuana, Mapancanto makicuyog itoy a lalaki? Ket kinunana, Mapanacto.

59Ket inbaonda ni Rebeca a cabsatda a babai, #Gen. 35:8.ken ti yayana, ken ti adipen ni Abraham, ken dagiti taona.

60Ket binendicionanda ni Rebeca, ket kinunada kencuana, Cabsatmi a babai, #Gen. 17:16.sica coma ti ina ti rinibribu a lacsa, ket dagiti putotmo #Gen. 22:17.tagicuaenda coma ti ruangan dagiti gumura cadacuada.

61Ket timmacder ni Rebeca, ken dagiti babbalasangna, ket simmacayda cadagiti camello, ket sinurotda ti lalaki: ket ti adipen, innalana ni Rebeca, ket napan iti dalanna.

62Ket ni Isaac naggapu iti dalan ti #Gen. 16:14; 25:11.Beer-lahairoi; ta nagnaed iti daga ti Abagatan.

63Ket napan nagpanunot ni Isaac iti away idi tagtagilineken ti init: ket intangadna dagiti matana, ket adtoy, nakitana dagiti camello sumungsungadda idi.

64Ket ni Rebeca intanawagna dagiti matana, ket idi nakitana ni Isaac, dimsaag iti camello.

65Ket kinunana iti adipen, Asino daytoy a lalaki a magmagna iti away tapno sumabet cadatayo? Ket ti adipen kinunana, Isu ti apoc: ket innala ni Rebeca ti dalongdongna, ket inarpawanna ti bagina.

66Ket ti adipen sinaritana ken Isaac amin ti inaramidna.

67Ket impastrec ni Isaac ti sapaw ni inana a Sara, ket innalana ni Rebeca, ket nagbalin nga asawana; ket inayayatna: ket #Gen. 37:35; 38:12.naliwliwa ni Isaac calpasan ti ipapatay ni inana.

Currently Selected:

GENESIS 24: TB1973

Highlight

Copy