GENESIS 23

Ti Ipapatay ni Sara. Nagatang ti Talon sadiay Macpela. Ti Pannacaitanem ni Sara.

1Ket sangagasut, duapulo ket pito a tawen ti panagbiag ni Sara: dagitoy dagiti tawtawen ti biag ni Sara idi.

2Ket natay ni Sara #Gen. 35:27. Jos. 14:15. Oc. 1:10.idiay Kiriatharbe (a isu ti #bil. 19.Hebron), idiay daga a Canaan: ket ni Abraham immay nga agladingit ken Sara, ket tapno sangitanna.

3Ket ni Abraham timmacder a naggapu iti sango ti minatayna, ket nagsao cadagiti annac ni Heth a kinunana,

4 # Gen. 17:8. 1 Cron. 29:15. Sal. 105:12. Heb. 11:9, 13. Gangannaetac ken sangsangailiac cadacayo: iccandac cadi ti maysa a disso a pagitamnan a tagicuaec cadacayo, tapno iponponco ti minatayco a maipanaw iti imatangco.

5Ket dagiti annac ni Heth simmungbatda ken Abraham, ket kinunada kencuana,

6Denggennacami, apoc; pagpanguloen-naca ti Dios cadacami: iti casayaatan cadagiti tanemmi iponponmo ti minataymo; awan cadacami ti mangiparitto iti tanemna, tapno iponponmo ti minataymo.

7Ket ni Abraham timmacder, ket nagrucnoy cadagiti umili ti daydi a daga, cadagiti annac ni Heth.

8Ket nakisarita cadacuada a kinunana, No dayta ti pagayatanyo a siac iponponco ti minatayco a maipanaw caniac, denggendac, ket idawdawatdac ken Ephron nga anac a lalaki ni Seor,

9Tapno itedna coma caniac ti rukib ti Macpela a cucuana, nga adda iti pungto ti talonna; babaen ti tumutop nga ibayadco itedna coma caniac a tagicuaen a pagtamnan iti nagtengngaanyo.

10Daytoy nga Ephron agtutugaw idi iti tengnga dagiti annac ni Heth: ket ni Ephron a Hetheo simmungbat ken Abraham iti tallaong dagiti annac ni Heth, ken isu-amin dagiti #Gen. 34:20, 24. Rut. 4:1, 4.simrec iti ruangan ti ilina, a kinunana;

11Saan, apoc; denggennac; ti talon itedco kenca, ken ti rukib nga adda iti dayta itedco pay kenca; iti sango dagiti annac ti ilic itedco kenca: iponponmo ti minataymo.

12Ket ni Abraham nagrucnoy iti sango dagiti umili iti daydi a daga.

13Ket nakisao ken Ephron iti tallaong dagiti umili iti daydi a daga, kinunana, Ngem no anamungam, dawatec kenca, denggennac cadi: siac itedconto ti pateg ti talon; alaem caniac, ket iponponconto idiay ti minatayco.

14Ket ni Ephron simmungbat ken Abraham a kinunana kencuana,

15Apoc, timudennac: ti daga nga agpateg iti uppat a gasut a #Ex. 30:13. Eze. 45:12.siclo ti pirac, ania daytoy cadata? iti casta iponponmo ti minataymo.

16Ket ni Abraham impangagna ni Ephron; #1 Cron. 21:25. Jer. 32:9. Zac. 11:12.ket tinembeng ni Abraham ken Ephron ti pirac nga inbagana iti tallaong dagiti annac ni Heth, uppat a gasut a siclo ti pirac, cas agpagna cadagiti agtagtagilaco.

17 # Gen. 25:9; 49:30-32; 50:13. Iti casta ti talon ni Ephron, nga adda idiay Macpela, a sango ti Mamre, ti talon ken ti rukib nga addada idiay ken isu-amin a caycayo, nga adda iti amin a sacupna nga aglawlaw napatalgedanda.

18Ken Abraham, tapno tagicuaenna iti sango dagiti annac ni Heth, iti imatang dagiti amin a simrec iti ruangan ti ilina.

19Ket iti calpasan daytoy, intanem ni Abraham ni Sara nga asawana iti rukib ti talon ni Macpela iti sango ti Mamre (nga isu ti Hebron) idiay daga a Canaan.

20Ket #Rut. 4:7-10. Jer. 32:10, 11.ti talon, ken ti rukib nga adda idiay, napatalgedanda ken Abraham tapno tagicucuaenna a pagtamtamnan gapu cadagiti annac ni Heth.

Currently Selected:

GENESIS 23: TB1973

Highlight

Copy