GENESIS 22
22
Nasuut ni Abraham nga idatonna ni Isaac. Ti Familia ni Nachor.
1Ket naaramid, calpasan dagitoy a banbanag, a ni Jehova #1 Cor. 10:13. Heb. 11:17. Sant. 1:12. 1 Ped. 1:7.sinuutna ni Abraham, ket kinunana kencuana, Abraham; ket isu simmungbat, Adtoyac.
2Ket kinunana, Alaem ita ti anacmo, ti anacmo a bugbugtong, nga dongdongoen, a ni Isaac, ket inca iti daga ti #2 Cron. 3:1.Moria; ket isu idatagmo idiay nga maysa a daton a mapuuran, iti rabaw ti maysa cadagiti banbantay nga ibagacto kenca.
3Ket ni Abraham bimmangon a nasapa iti bigat ken sinillaanna ti asnona, ket incuyogna dagiti dua nga babbarona, ken ni Isaac nga anacna; ket nangputed iti cayo nga agpaay iti daton a mapuuran, ket timmacder, ket napan iti disso a ti Dios imbagana kencuana.
4Iti maicatlo nga aldaw, ni Abraham intangadna dagiti matana, ket nakitana ti disso iti adayo.
5Ket ni Abraham kinunana cadagiti babbarona, Agyancayo ditoy agraman ti asno, ket siac ken ti ubing mapancamto idiay; ket agdaydayawcamto, ket agsublicamto cadacayo.
6Ket ni Abraham innalana ti cayo a pagsungrod iti daton a mapuuran, ket #Juan 19:17.impaawitna iti anacna nga Isaac; ket iniggamanna ti apuy, ken ti buneng; ket napanda a dua nagcuyog.
7Ket ni Isaac kinasaona ni Abraham nga amana, ket kinunana, Amac: ket kinunana, Adtoyac, anacco. Ket isu kinunana, Adtoy ti apuy ken ti cayo a pagsungrod: ngem sadino ti yan ti cordero a maidaton a mapuuran?
8Ket ni Abraham, kinunana, Ti #Juan 1:29, 36. 1 Ped. 1:19. Apoc. 5:12.Dios mangisagananto iti cordero a maipaay kencuana a daton a mapuuran, anacco: iti casta napanda a dua a nagcuyog.
9Ket nacadanonda iti disso nga imbaga ti Dios kencuana ket ni Abraham binangonna idiay ti maysa nga altar, #Heb. 11:17. Sant. 2:21.ket inurnosna ti cayo, ket rineppetna ni Isaac nga anacna, ket imparabawna iti altar, iti rabaw ti cayo.
10Ket ni Abraham inyunnatna ti imana, ket innalana ti buneng, a pangpatayna iti anacna.
11Ket ti angel ni Jehova pinuccawanna nanipud langit, ket kinunana, Abraham, Abraham: ket isu simmungbat, Adtoyac.
12Ket isu kinunana, #Mik. 6:7, 8.Saanmo nga idisso ta imam iti ubing, ket uray ania dica aramiden kencuana; #Gen. 26:5.ta ita mabigbigco a mabutengca iti Dios, yantangay dica impaidam caniac ti anacmo, ti bugbugtong nga anacmo.
13Ket ni Abraham intannawagna dagiti matana, ket kimmita, ket adtoy, maysa a carnero a lalaki iti licudanna, a naisalat iti nasamec dagiti sarana; ket napan ni Abraham, ket innalana ti carnero ket impaayna a daton a mapuuran a sandi ti anacna.
14Ket ni Abraham pinanagananna daydiay a disso iti #bil. 8.Jehova-jireh: a cas masansan a masasao agpapan ita, Iti bantay ni Jehova sisasagananto.
15Ket ti angel ni Jehova inayabanna ni Abraham ti capaminduana nanipud langit,
16Ket kinunana, #Sal. 105:8, 9.Gapu caniac met laeng sinapataac, kinuna ni Jehova, a gapu ta inaramidmo daytoy, ket dica inkedked ti anacmo, ti bugbugtong nga anacmo,
17Iti panangbendicion bendicionancanto, ket iti pammaadu, paaduecto ti putotmo #Gen. 15:5. Jer. 33:22.cas cadagiti bitbitwen ti langit, ken cas iti #Gen. 13:16.darat nga adda iti igid ti baybay; #Gen. 24:60. Sal. 127:5.ket ti putotmo cucuananto dagiti ruangan dagiti cabusorna;
18 #
Gen. 12:3; 18:18; 26:4. Gal. 3:8, 9, 16, 18. Ket iti putotmo mabendicionanto isu-amin dagiti nasnacion ti daga; #bil. 3, 10. Gen. 26:5.agsipud ta tinungpalmo ti timecco.
19Nagsubli ngarud ni Abraham cadagiti babbarona, ket timmacderda ket napanda a nagcucuyog idiay Beer-seba; ket nagnaed ni Abraham idiay #Gen. 21:31.Beer-seba.
20Ket naaramid a, calpasan dagitoy a banbanag, naipacaammo ken Abraham ti damag a kinunana, Adtoy, casta met ni #Gen. 11:29.Milca nagpasngay cadagiti annac ken Nacor cabsatmo a lalaki:
21Ni #Job 1:1. Jer. 25:23.Huz inauna nga anacna a lalaki, ken ni Buz a cabsatna, ken ni Kemuel nga ama ni Aram,
22Ken Chesed, ken Hazo, ken Pildas, ken Jidlaf, ken ni #Gen. 24:15.Bethuel.
23Ket ni Bethuel pinutotna ni Rebecca; dagitoy walo inyanac ni Milca ken Nacor a cabsat ni Abraham.
24Ket ti camalalana, nga agnagan ti Reuma, inyanacna met ni Taba, ken ni Gaham, ken ni Taas, ken ni Maaca.
Currently Selected:
GENESIS 22: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
