GENESIS 21

Nayanac ni Isaac. Napagtalaw da Agar ken Ismael. Ti Tulag ti Beer-seba.

1 # 1 Sam. 2:21. Ket ni Jehova sinarungcaranna ni Sara cas nasaona idi, ket ni Jehova inaramidna, ken Sara #Gen. 17:19; 18:10, 11.cas ti incarina.

2Ket #Gal. 4:22. Heb. 11:11.nagsicug ni Sara, ket nangyanac ken Abraham iti maysa a lalaki, iti kinalacayna, #Gen. 17:21.idi tiempo a naituding a kinuna ti Dios kencuana.

3Ket ni Abraham impanaganna iti anacna a nayanac kencuana, nga impasngay kencuana ni Sara, #Gen. 17:19.ti Isaac.

4Ket ni Abraham #D. Ara. 7:8.kinugitna ni anacna nga Isaac idi adda walo nga alaldawnan, #Gen. 17:10, 12.cas imbilin ti Dios kencuana.

5Ket ni Abraham #Gen. 17:1, 17. Rom. 4:19.nagtawen iti sangagasut idi nayanac ni anacna nga Isaac.

6Ket ni Sara kinunana, Pinagcatawanac ti #Isa. 54:1. Gal. 4:27.Dios; ket amin a macangngeg makipagcatawadanto caniac,

7Ket kinunana, Siasino ti nagsao ken Abraham, a ni Sara mamasusu cadagiti annac? #Gen. 18:11, 12.ta nangyanacac kencuana ti maysa a lalaki iti kinalacayna.

8Ket ti ubing, dimmackel ket napusot: ket inaramid ni Abraham ti dackel a daya idi aldaw a pannacapusot ni Isaac.

9Ket ni Sara nakitana nga agrabrabac ti anac ni Agar a #Gen. 16:1.taga Egipto, nga inyanacna ken Abraham.

10Gapuna a kinunana ken Abraham, #Gal. 4:30.Pagtalawem daytoy nga adipen a babai ken ti anacna, ta ti anac daytoy nga adipen saan a makipagtawidto iti anacco nga Isaac.

11Ket daytoy namagsennaay unay ken Abraham maipuon iti anacna.

12Ket ti Dios kinunana ken Abraham: Saan a macapasennaay coma kenca maipuon iti ubing ken iti adipenmo; iti amin nga ibaga kenca ni Sara, ipangagmo ti timecna; #Rom. 9:7, 8. Heb. 11:18.ta ken Isaac maawaganto ti caputotam.

13Ket casta met ti anac ti adipen pagbalinecto a #bil. 18. Gen. 16:10; 17:20.nacion, agsipud ta putotmo.

14Ket ni Abraham bimmangon a nasapa iti bigat, ket nangala iti tinapay ken maysa a lalat a pagyanan ti danum, ket intedna ida ken Agar nga impacaratayna iti abagana, ket intedna kencuana ti ubing ket pinapanawna: ket pimmanaw a namagpagna iti let-ang ti #bil. 31.Beer-seba.

15Ket ti danum iti lalat naibus, ket incabilna ti ubing iti linong ti maysa a cayo a bassit.

16Ket napan, ket nagtugaw iti masangoanan iti adayu iti casla madanon ti ibiat a pana: ta kinunana, Diac coma makita ti ipapatay ti ubing. Ket nagtugaw iti masangoanan, ket inyickisna ti timecna, ket nagsangit.

17Ket ti Dios nangngegna ti timec ti ubing; ket ti angel ti Dios pinuccawanna ni Agar nanipud sadi langit, ket kinunana kencuana, Ania ti pagdanagam, Agar? Dica agbuteng; ta ti Dios nangngegna ti timec ti ubing iti ayanna.

18Tumacderca, bangonem ti ubing ket kibinem; ta aramidecto a dackel a nacion.

19Ket ti Dios #Num. 22:31. 2 Ar. 6:17; 18:20. Luc. 24:16, 31.linuctanna dagiti mata ni Agar, ket nakitana ti maysa a bobon ti danum; ket napan, ket pinunnona ti lalat iti danum, ket pinainumna ti ubing.

20Ket ti Dios naadda iti ubing, ket, dimmackel; ket #Gen. 16:12.nagtaeng iti let-ang, ket nagbalin a pumapana bayat ti idadackelna.

21Ket nagnaed iti let-ang ti Paran: ket ni inana inyalaanna iti asawa a taga Egipto.

22Ket naaramid nga, idi met laeng a tiempo, ni #Gen. 20:2.Abimelech ken ni Phicol, a capitan dagiti buyotna, nagsaoda ken Abraham, a kinunada, Ti #Gen. 26:28.Dios adda kenca iti amin nga aramidmo:

23Ita, ngarud, sapataam caniac ditoy maipuon iti Dios a dinacto guliban, ken iti anacco, ken iti appoc: #Gen. 20:14, 15.ngem cas mayannatup iti caasi nga inaramidco kenca, aramidemto caniac, ken iti daga a nagtataengam.

24Ket ni Abraham kinunana, Agsapataacto.

25Ket ni Abraham binabalawna ni Abimelech maipuon iti maysa a bobon ti danum, a dagiti adipen ni Abimelech #Gen. 26:15, 18, 21, 22.inagawda a siraranggas.

26Ket ni Abimelech kinunana, Diac ammo no siasino ti nangaramid iti daytoy; ket uray sica saanmo nga imbaga caniac, ket diac met na-ammoan no di laeng ita nga aldaw.

27Ket nangala ni Abraham cadagiti carcarnero ken vacvaca, ket intedna ida ken Abimelech; #Gen. 26:31.ket isuda a dua inaramidda ti maysa a tulag.

28Ket ni Abraham nangilasin ti pito a cordero a babbai iti pangenda ket naisinada.

29Ket ni Abimelech kinunana ken Abraham, Ania ti caipapanan dagitoy pito a cordero a babbai nga inlasinmo?

30Ket kinunana, Dagitoy pito a cordero a babbai alaemto iti biangco, tapno mangpanecnec coma caniac nga siac ti nangcali iti daytoy a bobon.

31Gapuna a #Gen. 26:33.pinanagananna daydiay a disso iti Beer-seba; gapu ta idiay ti nagsapataanda a dua.

32Iti casta nangaramidda iti tulag idiay Beer-seba; ket timmacder ni Abimelech ken ni Phicol, capitan dagiti buybuyotna, ket nagsublida iti daga dagiti Filisteos.

33Ket ni Abraham nagmula ti maysa a salamagi idiay Beer-seba, ket inawaganna idiay ti nagan ni Jehova, a #Gen. 4:26; 12:8. Sal. 90:2. Isa. 40:28.Dios nga agnanayon.

34Ket ni Abraham nagnaed idiay daga dagiti Filisteos cadagiti adu nga aldaw.

Currently Selected:

GENESIS 21: TB1973

Highlight

Copy