Popular Bible Verses from GENESIS 24

Share

Ket kinunana, O Jehova a Dios ni apoc nga Abraham, ibaonmo cadi caniac, dawatec kenca, ti naimbag a gasat ita nga aldaw, ket itdem ti caasi ken apoc nga Abraham.

Ket maaramid coma nga ti balasang a pagcunaac, Dawatec nga ibabam cadi ta carambam, tapno uminumac; ket isu cunananto, Uminumca, ken casta met painumecto dagita camellom: ipaaymo cadi nga daytoy ti insaganam iti adipenmo nga Isaac; ket iti castoy maammoacto nga inaramidmo ti caasi ken apoc.

Ket impastrec ni Isaac ti sapaw ni inana a Sara, ket innalana ni Rebeca, ket nagbalin nga asawana; ket inayayatna: ket naliwliwa ni Isaac calpasan ti ipapatay ni inana.

Ket binendicionanda ni Rebeca, ket kinunada kencuana, Cabsatmi a babai, sica coma ti ina ti rinibribu a lacsa, ket dagiti putotmo tagicuaenda coma ti ruangan dagiti gumura cadacuada.

Ket pagsapataencanto gapu ken Jehova, a Dios ti langit ken ti Dios ti daga, a dicanto pangasawen iti anacco cadagiti annac a babbai ti Canaan isuda a pakipagtaengac: Ngem mapancanto iti dagac, ken cadagiti cacabagiac, ket mangalaca idiay iti asawa nga agpaay iti anacco nga Isaac.