ESDRAS 6

Biruken ni Dario ti bilin ni Ciro. Ti templo nalpasen ken maisibbo. Masalimetmetan ti pascua.

1Idin ni Dario, nga ari nangaramid ti maysa a bilin, ket naaramid ti #Esd. 5:17.panagbiruc idiay balay dagiti liblibro idiay pagidulinan cadagiti gamgameng sadi Babilonia.

2Ket nasaracan iti Acmetta, idiay palacio nga adda idiay provincia ti Media ti sangcalucot, isu a nacaisuratan idi ti castoy a pacalaglagipan:

3Iti umuna a tawen ni ari Ciro, Ni ari Ciro nangaramid iti maysa a bilin: Maipapan iti balay ti Dios idiay Jerusalem, mabangon coma ti balay a saad a pagidataganda cadagiti datdaton, ket maisaad a sititibker dagiti cimiento; ti catayagna innem a pulo a sico, ket innem a pulo a sico ti caacabana;

4 # 1 Ar. 6:36. Agraman tallo a catoon dagiti dadackel a batbato, ken maysa a catoon a baro a cayo: ket dagiti paggasto maitedda nga aggapu iti balay ti ari.

5Ket casta met ti balitoc ken pirac nga #Esd. 1:7-8; 5:14.al-alicamen ti balay ti Dios, isu nga innala ni Nabucodonosor idiay templo nga adda idiay Jerusalem, ket naipan idiay Babilonia, maisublida coma, ken mayegda manen iti templo nga adda idiay Jerusalem, tunggal maysa iti saadna; ket icabilmonto ida idiay balay ti Dios.

6 # Esd. 5:3, 6. Ita ngarud Tatnai, a gobernador ti ballasiw ti Carayan, Setar-boznai, ken dagiti caduayo nga #Esd. 4:9.Afarsakeos, nga addacayo iti ballasiw ti Carayan, umadayucayo dita:

7Bay-anyo a sitatalna ti pannacaaramid ti balay ti Dios; palubosanyo a ti gobernador dagiti Judios ken dagiti lallacay dagiti Judios bangonenda daytoy a balay ti Dios iti dissona.

8Maysa pay agaramidac iti maysa a bilin no ania ti aramidenyonto cadagitoy lallacay dagiti Judios a maipaay iti panangbangon itoy a balay ti Dios: a cadagiti cucua ti ari, nga iti met laeng #Esd. 4:13.buis idiay ballasiw ti Carayan, dagiti paggasto maitedda coma a buyugen ti amin a kinaregta cadagitoy a lallaki, tapno dida matactac.

9Ket amin a masapulda, vacvaca a lallaki, ken carcarnero, ken corcordero, padapada nga agpaay iti daton a mapuuran a maipaay iti Dios ti langit; casta met ti trigo, asin, arac, ken lana, a mayannurot iti sao dagiti papadi nga addada idiay Jerusalem, maitedda coma cadacuada iti inaldaw-aldaw a di agcurang;

10Tapno idatagda dagiti datdaton a nabanglo a sayamusom iti Dios ti langit, ken agcararagda a maipaay iti biag ti ari, ken cadagiti annacna a lallaki.

11Casta met a nagaramidac iti maysa a bilin, nga uray siasinoman a mamalbaliw itoy a sao, masucto coma ti maysa a cayo ti balayna, ket isu maibayog coma ken maicapet iti cayo; ket ti balayna maaramid a maysa a gabsuon ti ibleng gapu itoy:

12Ket ti Dios a mamagnaed ti #1 Ar. 9:3.naganna sadiay dadaelenna coma amin nga ar-ari ken tattao a mangyunnat iti imada a mamalbaliw itoy met laeng, a mangdadael itoy a balay ti Dios nga adda idiay Jerusalem. Siac ni Dario inaramidco ti maysa a bilin; maaramid coma a buyugen ti amin a kinaregta.

13Idin ni Tatnai, a gobernador ti ballasiw ti Carayan, ni Setar-boznai, ken dagiti caduada, agsipud ta ni Dario nga ari imbaonna, inaramidda a mayannurot iti amin a kinaregta.

14Ket dagiti lallacay dagiti Judios binangonda ket rimmang-ayda, gapu cadagiti padto da Haggeo a mammadto, ken Zacarias nga anac ni Iddo. Ket binangonda ken lineppasda, a mayannurot iti bilin ti Dios ti Israel, ken mayannurot iti bilin da #Esd. 1:1; 5:13.Ciro, ken #Esd. 4:24.Dario, ken #Esd. 7:1.Artaxerxes nga ari ti Persia.

15Ket nalpas idi daytoy a balay iti maicatlo nga aldaw ti bulan ti #Est. 3:7, 13; 8:12.Adar, a maicanem a tawen ti panagari ni Dario nga ari.

16Ket dagiti annac ti Israel, dagiti papadi, ken dagiti Levitas; ken ti matda cadagiti annac ti pannacacayaw sinalimetmetanda ti #1 Ar. 8:63.pannacaisibbo daytoy a balay ti Dios a binuyog ti rag-o.

17Ket #Esd. 8:35.indatagda iti daytoy a pannacaisibbo ti balay ti Dios ti sangagasut a vacvaca a lallaki, duagasut a carcarnero, uppat a gasut a corcordero; ken maipaay iti daton ti basol a maipaay iti amin nga Israel, sangapulo ket dua a calding a lallaki a mayannurot iti bilang dagiti caputotan ti Israel.

18Ket insaadda dagiti papadi cadagiti #1 Cron. 24:1.pannacabingbingayda, ken dagiti Levitas cadagiti pannacadasdasigda, a maipaay ti panagservi iti Dios, nga adda idiay Jerusalem; cas naisurat #Num. 3:6; 8:9.iti libro ni Moises.

19Ket dagiti annac ti pannacacayaw nagpascuada iti #Ex. 12:6.maicasangapulo ket uppat nga aldaw ti umuna a bulan.

20Ta dagiti papadi ken dagiti Levitas #2 Cron. 30:15.naggugorda a nagtitipon; nadalusda amin idi: ket #2 Cron. 35:11.pinartida ti pascua gapu cadagiti amin nga annac ti pannacacayaw, ken cadagiti cacabsatda a papadi, ken gapu cadacuada met laeng.

21Ket kinnan dagiti annac ti Israel a nagsubli a naggapu iti pannacacayaw, ken amin a timmipon cadacuada a nangisina cadagiti bagida met laeng iti kinarugit dagiti nasnacion ti daga, tapno sapulenda ni Jehova, a Dios ti Israel.

22Ket nginilinda a sirarag-o ti #Ex. 12:15; 13:6.fiesta ti di nalevaduraan a tinapay bayat iti pito nga aldaw: ta ni Jehova pinarag-ona ida, ket pinasublina ti puso ti ari ti Asiria cadacuada, tapno papigsaenna dagiti im-imada iti panagaramid ti balay ti Dios, a Dios ti Israel.

Currently Selected:

ESDRAS 6: TB1973

Highlight

Copy